ਸ਼੍ਰੀਲੰਕਾ ਯਾਤਰਾ ਦੇ ਦੌਰਾਨ ਹਸਪਤਾਲ ਦਾ ਉਦਘਾਟਨ ਕਰਨਗੇ ਮੋਦੀ

Friday, April 21, 2017 10:57 PM
ਸ਼੍ਰੀਲੰਕਾ ਯਾਤਰਾ ਦੇ ਦੌਰਾਨ ਹਸਪਤਾਲ ਦਾ ਉਦਘਾਟਨ ਕਰਨਗੇ ਮੋਦੀ

ਕੋਲੰਬੋ — ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਆਪਣੀ ਸ਼੍ਰੀਲੰਕਾ ਯਾਤਰਾ ਦੇ ਦੌਰਾਨ 12 ਮਈ ਨੂੰ ਇਥੋਂ ਦੇ ਪਹਾੜੀ ਖੇਤਰ ਡਿਕੋਆ ''ਚ ਬਣੇ ਇਕ ਆਧੁਨਿਕ ਹਸਪਤਾਲ ਦਾ ਉਦਘਾਟਨ ਕਰਨਗੇ। ਭਾਰਤੀ ਮੂਲ ਦੇ ਬਾਗਾਨ ਮਜ਼ਦੂਰਾਂ ਵਾਲੇ ਇਲਾਕੇ ''ਚ ਸਥਿਤ ਹਸਪਤਾਲ ਦਾ ਨਿਰਮਾਣ ਭਾਰਤੀ ਸਹਾਇਤਾ ਨਾਲ ਕੀਤਾ ਗਿਆ ਹੈ। ਸਿੱਖਿਆ ਰਾਜ ਮੰਤਰੀ ਵੀ. ਰਾਧਾਕ੍ਰਿਸ਼ਣ ਨੇ ਦੱਸਿਆ ਕਿ ਸੰਯੁਕਤ ਰਾਸ਼ਟਰ ਦੇ ''ਵੇਸਾਕ ਦਿਵਸ'' ਮੌਕੇ ''ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸ਼੍ਰੀਲੰਕਾ ਦੇ ਦੌਰੇ ਦੇ ਵਿੱਚ ਹੀ ਡਿਕੋਆ ''ਚ ਹਸਪਤਾਲ ਦਾ ਉਦਘਾਟਨ ਪ੍ਰੋਗਰਾਮ ਹੋਵੇਗਾ। ਮੱਧ ਨੁਵਾਰਾ ਈਲਿਆ ਜ਼ਿਲੇ ਦੇ ਡਿਕੋਆ''ਚ ਇਹ ਹਸਪਤਾਲ ਭਾਰਤੀ ਸਹਾਇਤਾ ਨਾਲ ਬਣਿਆ ਹੈ। ਮੰਤਰੀ ਨੇ ਦੱਸਿਆ ਕਿ ਹਸਪਤਾਲ ਦੇ ਉਦਘਾਟਨ ਤੋਂ ਬਾਅਦ ਮੋਦੀ ਬਾਗਾਨ ਮਜ਼ਦੂਰਾਂ ਨਾਲ ਨੋਰਵੁੱਡ ਗਰਾਉਂਡ ''ਚ ਮਿਲਣਗੇ। ਇਸ ਪ੍ਰੋਗਰਾਮ ''ਚ ਸ਼੍ਰੀਲੰਕਾ ਦੇ ਰਾਸ਼ਟਰਪਤੀ ਮੈਤਰੀਪਾਲਾ ਸਿਰੀਸੇਨਾ ਅਤੇ ਪ੍ਰਧਾਨ ਮੰਤਰੀ ਰਾਹਿਲ ਵਿਕ੍ਰਮਸਿੰਘੇ ਵੀ ਸ਼ਾਮਲ ਰਹਿਣਗੇ। ਬੁੱਧ ਕਲੰਡਰ ''ਚ ਸਭ ਤੋਂ ਮਹੱਤਵਪੂਰਣ ਮੰਨੇ ਜਾਣ ਵਾਲੇ ''ਵੇਸਾਕ ਦਿਵਸ'' ਪ੍ਰੋਗਰਾਮ ''ਚ ਹਿੱਸਾ ਲੈਣ ਲਈ ਮੋਦੀ 12-14 ਮਈ ਤੱਕ ਸ਼੍ਰੀਲੰਕਾ ਦੌਰੇ ''ਤੇ ਹੋਣਗੇ।



ਕੀ ਇਕ ਜੀਵਨਸਾਥੀ ਲੱਭ ਰਹੇ ਹੋ? ਪੰਜਾਬੀ ਮੈਟਰੀਮੋਨੀ ਵਿਚ ਰਜਿਸਟ੍ਰੇਸ਼ਨ ਮੁਫਤ ਹੈ