ਕੁਸ਼ਤੀ : ਸਾਕਸ਼ੀ ਤੇ ਬਬੀਤਾ ਦੀ ਰਾਸ਼ਟਰਮੰਡਲ ਖੇਡਾਂ ਲਈ ਹੋਈ ਚੋਣ

ਲਖਨਊ—ਓਲੰਪਿਕ ਕਾਂਸੀ ਤਮਗਾ ਜੇਤੂ ਪਹਿਲਵਾਨ ਸਾਕਸ਼ੀ ਮਲਿਕ ਨੂੰ ਚੋਣ ਟਰਾਇਲ ਤੋਂ ਬਾਅਦ ਆਸਟਰੇਲੀਆ ਦੇ ਗੋਲਡ ਕੋਸਟ ਵਿੱਚ ਅਗਲੇ ਸਾਲ ਹੋਣ ਵਾਲੀਆਂ ਰਾਸ਼ਟਰਮੰਡਲ ਖੇਡਾਂ ਲਈ ਭਾਰਤੀ ਮਹਿਲਾ ਕੁਸ਼ਤੀ ਟੀਮ ਵਿੱਚ ਚੁਣ ਲਿਆ ਗਿਆ ਹੈ । ਸਾਕਸ਼ੀ ( 62 ਕਿਲੋਗ੍ਰਾਮ) ਦੇ ਇਲਾਵਾ 2018 ਰਾਸ਼ਟਰਮੰਡਲ ਖੇਡਾਂ ਲਈ ਟੀਮ ਵਿੱਚ ਜਗ੍ਹਾ ਬਣਾਉਣ ਵਾਲੀ ਹੋਰ ਮਹਿਲਾ ਪਹਿਲਵਾਨ ਵਿਨੇਸ਼ ਫੋਗਾਟ (50 ਕਿਲੋਗ੍ਰਾਮ) , ਬਬੀਤਾ ਕੁਮਾਰੀ  (54 ਕਿਲੋਗ੍ਰਾਮ), ਪੂਜਾ ਢਾਂਡਾ (57 ਕਿਲੋਗ੍ਰਾਮ), ਦਿਵਿਆ ਕਰਨ (68 ਕਿਲੋਗ੍ਰਾਮ) ਅਤੇ ਕਿਰਨ (76 ਕਿਲੋਗ੍ਰਾਮ) ਹਨ ।  ਚੋਣ ਟਰਾਇਲ ਇੱਥੇ ਭਾਰਤੀ ਖੇਡ ਅਥਾਰਟੀ ਦੇ ਟਰੇਨਿੰਗ ਸੇਂਟਰ ਵਿੱਚ 6 ਭਾਰ ਵਰਗਾਂ ਵਿੱਚ ਕਰਾਇਆ ਗਿਆ । 6 ਫਰੀ-ਸਟਾਇਲ ਪਹਿਲਵਾਨ ਕਿਰਗੀਸਤਾਨ ਦੇ ਬਿਸ਼ਕੇਕ ਵਿੱਚ ਹੋਣ ਵਾਲੀ 2018 ਸੀਨੀਅਰ ਏਸ਼ੀਆਈ ਕੁਸ਼ਤੀ ਚੈਂਪਿਅਨਸ਼ਿਪ ਵਿੱਚ ਵੀ ਦੇਸ਼ ਦੀ ਨੁਮਾਇੰਦਗੀ ਕਰੇਗੀ ।