ਅੰਡਰ-19 ਏਸ਼ੀਆ ਕੱਪ ਲਈ ਟੀਮ ਇੰਡੀਆ ਦਾ ਐਲਾਨ, ਪੰਜਾਬ ਦੇ ਉਦੈ ਸਹਾਰਨ ਨੂੰ ਮਿਲੀ ਕਪਤਾਨੀ
11/25/2023 8:18:15 PM
ਸਪੋਰਟਸ ਡੈਸਕ : ਜੂਨੀਅਰ ਕ੍ਰਿਕਟ ਕਮੇਟੀ ਨੇ ਆਖਿਰਕਾਰ UAE 'ਚ ਹੋਣ ਵਾਲੇ ACC ਪੁਰਸ਼ ਅੰਡਰ-19 ਏਸ਼ੀਆ ਕੱਪ 2023 ਲਈ ਭਾਰਤ ਦੀ ਅੰਡਰ-19 ਟੀਮ ਦੀ ਚੋਣ ਕਰ ਲਈ ਹੈ। ਭਾਰਤੀ ਟੀਮ ਨੇ ਇਹ ਖਿਤਾਬ ਸਭ ਤੋਂ ਵੱਧ 8 ਵਾਰ ਜਿੱਤਿਆ ਹੈ। ਟੀਮ ਵਿੱਚ 15 ਮੈਂਬਰ ਅਤੇ ਤਿੰਨ ਸਫ਼ਰੀ ਸਟੈਂਡਬਾਏ ਖਿਡਾਰੀ ਸ਼ਾਮਲ ਹੋਣਗੇ। ਇਸ ਤੋਂ ਇਲਾਵਾ 4 ਰਿਜ਼ਰਵ ਖਿਡਾਰੀ ਵੀ ਚੁਣੇ ਜਾਣਗੇ।
ਕੌਣ ਹੈ ਉਦੈ ਸਹਾਰਨ?
ਪੰਜਾਬ ਦੇ 19 ਸਾਲਾ ਕ੍ਰਿਕਟਰ ਉਦੈ ਸਹਾਰਨ ਪਿਛਲੇ ਕੁਝ ਸਮੇਂ ਤੋਂ ਚੋਣ ਰਡਾਰ 'ਤੇ ਹਨ। ਪਿਛਲੇ ਸਾਲ ਅੰਡਰ-19 ਵਿਸ਼ਵ ਕੱਪ ਦੌਰਾਨ ਉਹ ਭਾਰਤੀ ਟੀਮ ਨਾਲ ਬੈਕਅੱਪ ਖਿਡਾਰੀ ਵਜੋਂ ਸ਼ਾਮਲ ਹੋਏ ਸਨ। ਉਦੈ ਪੰਜਾਬ ਲਈ ਘਰੇਲੂ ਕ੍ਰਿਕੇਟ ਵਿੱਚ ਦੋਹਰਾ ਸੈਂਕੜਾ ਲਗਾਉਣ ਲਈ ਸੁਰਖੀਆਂ ਵਿੱਚ ਆਇਆ ਸੀ। ਉਸ ਨੇ 191 ਗੇਂਦਾਂ ਵਿੱਚ 22 ਚੌਕਿਆਂ ਅਤੇ 2 ਛੱਕਿਆਂ ਦੀ ਮਦਦ ਨਾਲ 202 ਦੌੜਾਂ ਬਣਾਈਆਂ। ਇਸ ਤੋਂ ਇਲਾਵਾ ਸੌਮਿਆ ਕੁਮਾਰ ਪਾਂਡੇ ਨੂੰ 15 ਮੈਂਬਰੀ ਟੀਮ ਦਾ ਉਪ ਕਪਤਾਨ ਬਣਾਇਆ ਗਿਆ ਹੈ।
ਇਹ ਵੀ ਪੜ੍ਹੋ : ਸੁਮਿਤ ਨਾਗਲ ਤੇ ਸ਼ਸ਼ੀਕੁਮਾਰ ਮੁਕੰਦ ਨੇ ਡੇਵਿਸ ਕੱਪ ਲਈ ਪਾਕਿਸਤਾਨ ਜਾਣ ਤੋਂ ਕੀਤਾ ਇਨਕਾਰ
ਭਾਰਤ ਦੀ ਅੰਡਰ-19 ਟੀਮ
ਅਰਸ਼ਿਨ ਕੁਲਕਰਨੀ, ਆਦਰਸ਼ ਸਿੰਘ, ਰੁਦਰ ਮਯੂਰ ਪਟੇਲ, ਸਚਿਨ ਦਾਸ, ਪ੍ਰਿਯਾਂਸ਼ੂ ਮੋਲੀਆ, ਮੁਸ਼ੀਰ ਖਾਨ, ਉਦੈ ਸਹਾਰਨ (ਕਪਤਾਨ), ਅਰਵੇਲੀ ਅਵਨੀਸ਼ ਰਾਓ (ਵਿਕਟਕੀਪਰ), ਸੌਮਿਆ ਕੁਮਾਰ ਪਾਂਡੇ (ਉਪ ਕਪਤਾਨ), ਮੁਰੂਗਨ ਅਭਿਸ਼ੇਕ, ਇਨੇਸ਼ ਮਹਾਜਨ (ਵਿਕਟਕੀਪਰ), ਧਨੁਸ਼ ਗੌੜਾ, ਆਰਾਧਿਆ ਸ਼ੁਕਲਾ, ਰਾਜ ਲਿੰਬਾਨੀ, ਨਮਨ ਤਿਵਾਰੀ।
ਸਫ਼ਰ ਕਰਨ ਵਾਲੇ ਸਟੈਂਡਬਾਏ ਖਿਡਾਰੀ
ਪ੍ਰੇਮ ਦੇਵਕਰ, ਅੰਸ਼ ਗੋਸਾਈਂ, ਮੁਹੰਮਦ ਅਮਾਨ
ਰਿਜ਼ਰਵ ਖਿਡਾਰੀ : ਦਿਗਵਿਜੇ ਪਾਟਿਲ (ਮਹਾਰਾਸ਼ਟਰ ਕ੍ਰਿਕਟ ਸੰਘ), ਜਯੰਤ ਗੋਯਤ (ਹਰਿਆਣਾ ਕ੍ਰਿਕਟ ਸੰਘ), ਪੀ ਵਿਗਨੇਸ਼ (ਤਾਮਿਲਨਾਡੂ ਕ੍ਰਿਕਟ ਸੰਘ), ਕਿਰਨ ਚੋਰਮਾਲੇ (ਮਹਾਰਾਸ਼ਟਰ ਕ੍ਰਿਕਟ ਸੰਘ)।
ਇਹ ਵੀ ਪੜ੍ਹੋ : IPL: ਮੁੰਬਈ ਇੰਡੀਅਨਜ਼ 'ਚ ਵਾਪਸ ਆਉਣਗੇ ਹਾਰਦਿਕ ਪੰਡਯਾ! ਰੋਹਿਤ ਸ਼ਰਮਾ ਦੀ ਜਗ੍ਹਾ ਬਣ ਸਕਦੇ ਨੇ ਕਪਤਾਨ
ਅੰਡਰ-19 ਏਸ਼ੀਆ ਕੱਪ 2023 ਦਾ ਸ਼ਡਿਊਲ
8 ਦਸੰਬਰ: ਭਾਰਤ ਬਨਾਮ ਅਫਗਾਨਿਸਤਾਨ, ਪਾਕਿਸਤਾਨ ਬਨਾਮ ਨੇਪਾਲ
9 ਦਸੰਬਰ: ਬੰਗਲਾਦੇਸ਼ ਬਨਾਮ ਯੂ. ਏ. ਈ., ਸ਼੍ਰੀਲੰਕਾ ਬਨਾਮ ਜਾਪਾਨ
10 ਦਸੰਬਰ: ਭਾਰਤ ਬਨਾਮ ਪਾਕਿਸਤਾਨ, ਅਫਗਾਨਿਸਤਾਨ ਬਨਾਮ ਨੇਪਾਲ
11 ਦਸੰਬਰ: ਸ਼੍ਰੀਲੰਕਾ ਬਨਾਮ ਯੂ. ਏ. ਈ., ਬੰਗਲਾਦੇਸ਼ ਬਨਾਮ ਜਾਪਾਨ
12 ਦਸੰਬਰ: ਪਾਕਿਸਤਾਨ ਬਨਾਮ ਅਫਗਾਨਿਸਤਾਨ, ਭਾਰਤ ਬਨਾਮ ਨੇਪਾਲ
13 ਦਸੰਬਰ: ਬੰਗਲਾਦੇਸ਼ ਬਨਾਮ ਸ਼੍ਰੀਲੰਕਾ, ਯੂ. ਏ. ਈ. ਬਨਾਮ ਜਾਪਾਨ
15 ਦਸੰਬਰ: ਦੁਬਈ ਸਟੇਡੀਅਮ ਵਿੱਚ ਪਹਿਲਾ ਸੈਮੀਫਾਈਨਲ, ਆਈ. ਸੀ. ਸੀ. ਅਕੈਡਮੀ ਓਵਲ 1 ਵਿੱਚ ਦੂਜਾ ਸੈਮੀਫਾਈਨਲ।
17 ਦਸੰਬਰ: ਦੁਬਈ ਇੰਟਰਨੈਸ਼ਨਲ ਸਟੇਡੀਅਮ ਵਿੱਚ ਫਾਈਨਲ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8