ਸ਼ਸ਼ਾਂਕ ਮਨੋਹਰ ਨੇ ICC ਚੇਅਰਮੈਨ ਅਹੁਦੇ ਤੋਂ ਦਿੱਤਾ ਅਸਤੀਫਾ
07/01/2020 7:39:05 PM
ਨਵੀਂ ਦਿੱਲੀ- ਸ਼ਸ਼ਾਂਕ ਮਨੋਹਰ ਨੇ ਬੁੱਧਵਾਰ ਨੂੰ ਅੰਤਰਰਾਸ਼ਟਰੀ ਕ੍ਰਿਕਟ ਪ੍ਰੀਸ਼ਦ (ਆਈ. ਸੀ. ਸੀ.) ਦੇ ਚੇਅਰਮੈਨ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਮਨੋਹਰ ਨੂੰ 2016 'ਚ ਪਹਿਲੀ ਵਾਰ ਆਈ. ਸੀ. ਸੀ. ਦਾ ਸੁਤੰਤਰ ਚੇਅਰਮੈਨ ਚੁਣਿਆ ਗਿਆ ਸੀ। ਇਸ ਤੋਂ ਬਾਅਦ 2018 'ਚ ਬਿਨਾ ਮੁਕਾਬਲੇ ਚੁਣੇ ਗਏ ਸਨ। ਆਈ. ਸੀ. ਸੀ. ਵਲੋਂ ਭੇਜੀ ਗਈ ਇਕ ਮੀਡੀਆ ਰੀਲੀਜ਼ ਦੇ ਅਨੁਸਾਰ, ਡਿਪਟੀ ਚੇਅਰਮੈਨ ਇਮਰਾਨ ਖਵਾਜ਼ਾ ਅੰਤਰਿਮ ਚੇਅਰਮੈਨ ਦੇ ਰੂਪ 'ਚ ਚੋਣ ਪ੍ਰਕਿਰਿਆ ਹੋਣ ਤੱਕ ਨਿਰਧਾਰਤ ਹੋਣ ਤੱਕ ਅਹੁਦਾ ਸੰਭਾਲਣਗੇ। ਆਈ. ਸੀ. ਸੀ. ਨੇ ਆਪਣੇ ਬਿਆਨ 'ਚ ਕਿਹਾ ਕਿ- ਆਈ. ਸੀ. ਸੀ. ਦੇ ਪ੍ਰਧਾਨ ਸ਼ਸ਼ਾਂਕ ਮਨੋਹਰ ਨੇ ਦੋ ਸਾਲ ਦੇ ਕਾਰਜਕਾਲ ਤੋਂ ਬਾਅਦ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ। ਆਈ. ਸੀ. ਸੀ. ਬੋਰਡ ਨੇ ਅੱਜ ਬੈਠਕ ਵਲੋਂ ਇਸ ਗੱਲ 'ਤੇ ਸਹਿਮਤੀ ਜਤਾਈ ਕਿ ਡਿਪਟੀ ਚੇਅਰਮੈਨ ਇਮਰਾਨ ਖਵਾਜ਼ਾ ਚੇਅਰਮੈਨ ਦੀ ਜ਼ਿੰਮੇਦਾਰੀ ਸੰਭਾਲਣਗੇ। ਆਈ. ਸੀ. ਸੀ. ਦੇ ਨਿਯਮਾਂ ਦੇ ਅਨੁਸਾਰ, ਮਨੋਹਰ ਦੋ ਸਾਲ ਦੇ ਕਾਰਜਕਾਲ ਦੇ ਲਈ ਰਹਿ ਸਕਦੇ ਸਨ, ਕਿਉਂਕਿ ਵਧ ਤੋਂ ਵਧ ਤਿੰਨ ਕਾਜਕਾਲ ਦੀ ਆਗਿਆ ਹੈ। ਅਗਲੇ ਪ੍ਰਧਾਨ ਦੀ ਚੋਣ ਜੀ ਪ੍ਰਕਿਰਿਆ ਨੂੰ ਅਗਲੇ ਹਫਤੇ ਦੇ ਅੰਦਰ ਆਈ. ਸੀ. ਸੀ. ਬੋਰਡ ਵਲੋਂ ਮਨਜ਼ੂਰੀ ਮਿਲਣ ਦੀ ਉਮੀਦ ਹੈ।