ਪੁਜਾਰਾ ਯਾਰਕਸ਼ਾਇਰ ਨਾਲ ਕਰੇਗਾ ਇੰਗਲੈਂਡ ਟੈਸਟ ਸੀਰੀਜ਼ ਦੀ ਤਿਆਰੀ

ਨਵੀਂ ਦਿੱਲੀ— ਭਾਰਤੀ ਟੈਸਟ ਮਾਹਿਰ ਬੱਲੇਬਾਜ਼ ਚੇਤੇਸ਼ਵਰ ਪੁਜਾਰਾ ਅਗਸਤ 'ਚ ਇੰਗਲੈਂਡ ਦੌਰੇ ਦੀ ਤਿਆਰੀ ਯਾਰਕਸ਼ਾਇਰ ਲਈ ਕਾਊਂਟੀ ਕ੍ਰਿਕਟ ਖੇਡ ਕੇ ਕਰੇਗਾ। ਭਾਰਤ ਅਤੇ ਇੰਗਲੈਂਡ ਵਿਚਾਲੇ 1 ਅਗਸਤ ਤੋਂ 11 ਸਤੰਬਰ ਤਕ 5 ਮੈਚਾਂ ਦੀ ਟੈਸਟ ਸੀਰੀਜ਼ ਖੇਡੀ ਜਾਣੀ ਹੈ।  ਉਹ ਕਾਊਂਟੀ ਤੋਂ ਪਹਿਲਾਂ 7 ਅਪ੍ਰੈਲ ਨੂੰ ਲੀਡਸ ਬ੍ਰੈਡਫੋਰਡ ਵਿਰੁੱਧ ਦੋਸਤਾਨਾ ਅਭਿਆਸ ਮੈਚ ਵੀ ਖੇਡੇਗਾ। ਪੁਜਾਰਾ ਪਿਛਲੇ ਸੈਸ਼ਨ 'ਚ ਨਾਟਿੰਘਮਸ਼ਾਇਰ ਵਲੋਂ ਖੇਡਿਆ ਸੀ। ਉਹ ਡਰਬੀਸ਼ਾਇਰ ਲਈ ਵੀ ਕਾਊਂਟੀ ਖੇਡ ਚੁੱਕਾ ਹੈ।