ਪ੍ਰੋ ਕਬੱਡੀ ਲੀਗ : ਪਟਨਾ ਨੇ ਰੌਮਾਂਚਕ ਮੁਕਾਬਲੇ 'ਚ UP ਯੋਧਾ ਨੂੰ ਹਰਾਇਆ

ਚੇਨਈ— ਸਟਾਰ ਰੇਡਰ ਤੇ ਕਪਤਾਨ ਪ੍ਰਦੀਪ ਨਰਵਾਲ ਦੇ 16 ਅੰਕਾਂ ਦੇ ਨਾਲ ਪਿਛਲੀ ਚੈਂਪੀਅਨ ਪਟਨਾ ਪਾਈਰੇਟਸ ਨੇ ਵੀਰਵਾਰ ਨੂੰ ਪ੍ਰੋ ਕਬੱਡੀ ਲੀਗ ਦੇ ਰੌਮਾਂਚਕ ਮੁਕਾਬਲੇ 'ਚ ਯੂ. ਪੀ. ਯੋਧਾ ਨੂੰ 43-41 ਨਾਲ ਹਰਾ ਦਿੱਤਾ। ਯੂ. ਪੀ. ਯੋਧਾ ਦੀ ਟੀਮ ਨੇ ਮੈਚ 'ਚ ਸ਼ਾਨਦਾਰ ਸ਼ੁਰੂਆਤ ਕੀਤੀ ਤੇ 2 ਮਿੰਟ ਅੰਦਰ 4-1 ਨਾਲ ਬੜ੍ਹਤ ਹਾਸਲ ਕੀਤੀ। ਇਸ ਤੋਂ ਬਾਅਦ ਹਾਲਾਂਕਿ ਪਟਨਾ ਨੇ ਵਾਪਸੀ ਕਰ ਹਾਫ ਸਮੇਂ ਤਕ 21-20 ਦੀ ਬੜ੍ਹਤ ਬਣਾ ਲਈ। ਦੂਜੇ ਹਾਫ 'ਚ ਵੀ ਦੋਵਾਂ ਟੀਮਾਂ ਦੇ ਵਿਚ ਮੁਕਾਬਲਾ ਸਖਤ ਰਿਹਾ ਤੇ ਮੈਚ ਦੇ 35ਵੇਂ ਮਿੰਟ 'ਚ ਦੋਵੇਂ ਟੀਮਾਂ ਦਾ ਸਕੋਰ 37-37 ਦਾ ਸੀ। ਇਸ ਤੋਂ ਬਾਅਦ ਨਰਵਾਲ ਨੇ 2 ਅੰਕ ਹਾਸਲ ਕਰ ਟੀਮ ਨੂੰ 39-37 ਨਾਲ ਅੱਗੇ ਕਰ ਦਿੱਤਾ। ਇਸ ਤੋਂ ਬਾਅਦ ਟੀਮ ਨੇ ਆਪਣੀ ਬੜ੍ਹਤ ਨੂੰ ਬਰਕਰਾਰ ਰੱਖਿਆ ਤੇ 43-41 ਨਾਲ ਮੈਚ ਆਪਣੇ ਨਾਂ ਕਰ ਲਿਆ। ਯੂ. ਪੀ. ਯੋਧਾ ਦੇ ਲਈ ਸ਼੍ਰੀਕਾਂਤ ਜਾਧਵ ਨੇ 12 ਅੰਕ ਹਾਸਲ ਕੀਤੇ।