NZ vs IND: ਕੇਨ ਵਿਲੀਅਮਸਨ ਨਹੀਂ ਖੇਡਣਗੇ ਤੀਜਾ T20 ਮੈਚ, ਇਹ ਰਹੀ ਵੱਡੀ ਵਜ੍ਹਾ
11/21/2022 3:47:49 PM
ਨੇਪੀਅਰ : ਨਿਊਜ਼ੀਲੈਂਡ ਦੇ ਕਪਤਾਨ ਕੇਨ ਵਿਲੀਅਮਸਨ ਡਾਕਟਰੀ ਕਾਰਨਾਂ ਕਰਕੇ ਭਾਰਤ ਖ਼ਿਲਾਫ਼ ਤੀਜੇ ਅਤੇ ਆਖ਼ਰੀ ਟੀ-20 ਕੌਮਾਂਤਰੀ ਮੈਚ ਵਿੱਚ ਨਹੀਂ ਖੇਡ ਸਕਣਗੇ। ਵਿਲੀਅਮਸਨ ਨੂੰ ਪਹਿਲਾਂ ਤੋਂ ਨਿਰਧਾਰਤ ਪ੍ਰੋਗਰਾਮ ਦੇ ਮੁਤਾਬਕ ਇਕ ਡਾਕਟਰ ਨੂੰ ਮਿਲਣਾ ਹੈ। ਵਿਲੀਅਮਸਨ ਦੀ ਥਾਂ ਮਾਰਕ ਚੈਪਮੈਨ ਨੂੰ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ।
ਵਿਲੀਅਮਸਨ ਬੁੱਧਵਾਰ ਨੂੰ ਟੀਮ ਨਾਲ ਜੁੜ ਜਾਵੇਗਾ ਜਦੋਂ ਸਾਰੇ ਖਿਡਾਰੀ ਆਕਲੈਂਡ 'ਚ ਵਨਡੇ ਸੀਰੀਜ਼ ਲਈ ਇਕੱਠੇ ਹੋਣਗੇ। ਪਹਿਲਾ ਵਨਡੇ ਸ਼ੁੱਕਰਵਾਰ ਨੂੰ ਈਡਨ ਪਾਰਕ 'ਚ ਖੇਡਿਆ ਜਾਵੇਗਾ। ਨਿਊਜ਼ੀਲੈਂਡ ਦੇ ਕੋਚ ਗੈਰੀ ਸਟੀਡ ਨੇ ਕਿਹਾ ਕਿ ਡਾਕਟਰ ਨੂੰ ਮਿਲਣ ਦਾ ਉਸ ਦੀ ਕੂਹਣੀ ਦੀ ਸਮੱਸਿਆ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ ਜੋ ਦੁਬਾਰਾ ਉਭਰ ਆਈ ਹੈ।
ਇਹ ਵੀ ਪੜ੍ਹੋ : ਰੋਹਿਤ ਨੇ ਪਹਿਲਾਂ ਹੀ ਪਛਾਣ ਲਿਆ ਸੀ ਸੂਰਯਕੁਮਾਰ ਦਾ ਹੁਨਰ, 11 ਸਾਲ ਪੁਰਾਣਾ ਟਵੀਟ ਹੋਇਆ ਵਾਇਰਲ
ਨਿਊਜ਼ੀਲੈਂਡ ਕ੍ਰਿਕਟ ਦੁਆਰਾ ਜਾਰੀ ਇੱਕ ਬਿਆਨ ਵਿੱਚ, ਸਟੀਡ ਨੇ ਕਿਹਾ, "ਕੇਨ ਕੁਝ ਸਮੇਂ ਤੋਂ ਡਾਕਟਰ ਨੂੰ ਮਿਲਣਾ ਚਾਹੁੰਦਾ ਸੀ ਪਰ ਬਦਕਿਸਮਤੀ ਨਾਲ ਸਾਡੇ ਰੁਝੇਵੇਂ ਭਰੇ ਪ੍ਰੋਗਰਾਮ ਕਾਰਨ ਸਮਾਂ ਨਹੀਂ ਮਿਲ ਸਕਿਆ ਹੈ।" ਉਨ੍ਹਾਂ ਕਿਹਾ, 'ਸਾਡੇ ਖਿਡਾਰੀਆਂ ਅਤੇ ਸਟਾਫ ਦੀ ਸਿਹਤ ਅਤੇ ਤੰਦਰੁਸਤੀ ਸਭ ਤੋਂ ਵੱਡੀ ਤਰਜੀਹ ਹੈ। ਅਸੀਂ ਉਸ ਦੇ ਆਕਲੈਂਡ ਵਿੱਚ ਟੀਮ ਵਿੱਚ ਸ਼ਾਮਲ ਹੋਣ ਦੀ ਉਮੀਦ ਕਰਦੇ ਹਾਂ।
ਭਾਰਤ ਤਿੰਨ ਮੈਚਾਂ ਦੀ ਟੀ-20 ਅੰਤਰਰਾਸ਼ਟਰੀ ਸੀਰੀਜ਼ 'ਚ 1-0 ਨਾਲ ਅੱਗੇ ਹੈ। ਵਿਲੀਅਮਸਨ ਨੇ ਐਤਵਾਰ ਨੂੰ ਦੂਜੇ ਟੀ-20 ਵਿੱਚ 52 ਗੇਂਦਾਂ ਵਿੱਚ 61 ਦੌੜਾਂ ਦੀ ਪਾਰੀ ਖੇਡੀ। ਸਟੀਡ ਨੇ ਕਿਹਾ ਕਿ ਚੈਪਲ ਹਾਲ ਹੀ ਵਿੱਚ ਹੋਏ ਟੀ-20 ਵਿਸ਼ਵ ਕੱਪ ਅਤੇ ਕ੍ਰਾਈਸਟਚਰਚ ਵਿੱਚ ਤਿਕੋਣੀ ਲੜੀ ਤੋਂ ਬਾਅਦ ਟੀਮ ਵਿੱਚ ਮੁੜ ਸ਼ਾਮਲ ਹੋਣ ਨੂੰ ਲੈ ਕੇ ਕਾਫੀ ਉਤਸ਼ਾਹਤ ਹਨ। ਉਮੀਦ ਕਰ ਰਹੇ ਸਨ। ਹਾਂਗਕਾਂਗ ਵਿੱਚ ਜਨਮੇ ਚੈਪਮੈਨ ਨੇ ਨਿਊਜ਼ੀਲੈਂਡ ਲਈ ਸੱਤ ਵਨ ਡੇ ਅਤੇ 40 ਟੀ-20 ਮੈਚ ਖੇਡੇ ਹਨ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।