ਲਾਮੀਚਾਨੇ ਦੀਆਂ 6 ਵਿਕਟਾਂ, ਵਰਲਡ ਰਿਕਾਰਡ ਬਣਾ ਨੇਪਾਲ ਨੇ ਵਨ ਡੇ ''ਚ ਰਚਿਆ ਇਤਿਹਾਸ
02/12/2020 1:43:06 PM
ਸਪੋਰਟਸ ਡੈਸਕ : ਸੰਦੀਪ ਲਾਮੀਚਾਨੇ ਦੀ ਖਤਰਨਾਕ ਗੇਂਦਬਾਜ਼ੀ ਨਾਲ ਨੇਪਾਲ ਨੇ ਬੁੱਧਵਾਰ ਨੂੰ ਆਈ. ਸੀ. ਸੀ. ਕ੍ਰਿਕਟ ਵਰਲਡ ਕੱਪ ਲੀਗ 2 ਵਿਚ ਯੂ. ਐੱਸ. ਏ. 'ਤੇ 8 ਵਿਕਟਾਂ ਨਾਲ ਸ਼ਾਨਦਾਰ ਜਿੱਤ ਦਰਜ ਕੀਤੀ। ਸੰਦੀਪ ਲਾਮੀਚਾਨੇ ਨੇ ਯੂ. ਐੱਸ. ਏ. ਦੀ ਪਾਰੀ ਨੂੰ 35 ਦੌੜਾਂ 'ਤੇ ਸਮੇਟਣ 'ਚ ਅਹਿਮ ਭੂਮਿਕਾ ਨਿਭਾਈ। ਇਸ ਦੇ ਨਾਲ ਹੀ ਯੂ. ਐੱਸ. ਏ. ਕੌਮਾਂਤਰੀ ਵਨ ਡੇ ਕ੍ਰਿਕਟ ਇਤਿਹਾਸ ਵਿਚ ਸਭ ਤੋਂ ਘੱਟ ਸਕੋਰ ਦੇ ਜ਼ਿੰਮਬਾਬਵੇ ਦੇ ਸ਼ਰਮਨਾਕ ਰਿਕਾਰਡ ਦੀ ਬਰਾਬਰੀ ਕਰ ਲਈ ਹੈ। ਨੇਪਾਲ ਨੇ ਇਸ ਦੇ ਨਾਲ ਹੀ ਯੂ. ਐੱਸ. ਏ. ਦਾ ਪੀਰ ਨੂੰ ਸਭ ਤੋਂ ਘੱਟ ਗੇਂਦਾਂ ਵਿਚ ਆਊਟ ਕਰਨ ਦਾ ਵਰਲਡ ਰਿਕਾਰਡ ਆਪਣੇ ਨਾਂ ਕਰ ਲਿਆ।
USA ARE ALL OUT FOR 35 🤯
— ICC (@ICC) February 12, 2020
Sandeep Lamichhane picks up six wickets while Sushan Bhari chips in with four as Nepal dismiss the visitors for the joint-lowest ODI score.
What a show from the hosts!#CWCL2 | #RoadToCWC23 pic.twitter.com/CCu1OFySsm
ਟਾਸ ਹਾਰਨ ਤੋਂ ਬਾਅਦ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਨੇਪਾਲ ਦੀ ਪਾਰੀ 12 ਓਵਰਾਂ ਵਿਚ 35 ਦੌੜਾਂ 'ਤੇ ਢੇਰ ਹੋ ਗਈ। ਇਸ ਦੇ ਜਵਾਬ ਵਿਚ ਨੇਪਾਲ ਨੇ 5.2 ਓਵਰਾਂ ਵਿਚ 2 ਵਿਕਟਾਂ ਗੁਆ ਕੇ ਟੀਚਾ ਹਾਸਲ ਕਰ ਲਿਆ। ਨੇਪਾਲ ਵੱਲੋਂ ਸੰਦੀਪ ਲਾਮੀਚਾਨੇ ਨੇ 16 ਦੌੜਾਂ ਦੇ ਕੇ 6 ਅਤੇ ਸੁਸ਼ਾਨ ਬਿਹਾਰੀ ਨੇ 5 ਦੌੜਾਂ 'ਤੇ 4 ਵਿਕਟਾਂ ਲਈਆਂ। ਸੰਦੀਪ ਲਾਮੀਚਾਨੇ ਨੇ 6 ਓਵਰ ਗੇਂਦਬਾਜ਼ੀ ਕੀਤੀ। ਇਹ ਕੌਮਾਂਤਰੀ ਵਨ ਡੇ ਕ੍ਰਿਕਟ ਵਿਚ ਨੇਪਾਲ ਵੱਲੋਂ ਕਿਸੇ ਗੇਂਦਬਾਜ਼ ਦਾ ਸਰਵਸ੍ਰੇਸ਼ਠ ਪ੍ਰਦਰਸ਼ਨ ਹੈ।
6⃣-1⃣-1⃣6⃣-6⃣
— ICC (@ICC) February 12, 2020
Best figures by a Nepal bowler in an ODI!
Sandeep Lamichhane, you beauty! 🤩#CWCL2 | #RoadToCWC23 pic.twitter.com/lfcQUdMOMO
ਅਮਰੀਕਾ ਨੇ ਜ਼ਿੰਬਾਬਵੇ ਦੇ ਸ਼ਰਮਨਾਕ ਰਿਕਾਰਡ ਦੀ ਕੀਤੀ ਬਰਾਬਰੀ
ਅਮਰੀਕਾ ਦੀ ਪਾਰੀ 35 ਦੌੜਾਂ 'ਤੇ ਸਿਮਟੀ, ਇਸ ਦੇ ਨਾਲ ਹੀ ਉਸ ਦੇ ਨਾਂ ਕੌਮਾਂਤਰੀ ਵਨ ਡੇ ਵਿਚ ਸਭ ਤੋਂ ਘੱਟ ਦੌੜਾਂ 'ਤੇ ਆਊਟ ਕਰਨ ਦਾ ਸ਼ਰਮਨਾਕ ਵਰਲਡ ਰਿਕਾਰਡ ਸਾਂਝੇ ਤੌਰ 'ਤੇ ਦਰਜ ਹੋ ਗਿਆ। ਇਸ ਤੋਂ ਪਹਿਲਾਂ ਸ਼੍ਰੀਲੰਕਾ ਨੇ 25 ਅਪ੍ਰੈਲ 2014 ਨੂੰ ਹਰਾਰੇ ਵਿਚ ਜ਼ਿੰਬਾਬਵੇ ਦੀ ਪਾਰੀ ਨੂੰ 35 ਦੌੜਾਂ 'ਤੇ ਸਮੇਟਿਆ ਸੀ।