ਕੇ.ਆਰ.ਕੇ. ਨੇ ਵਿਰਾਟ ਕੋਹਲੀ ਖਿਲਾਫ ਕੀਤਾ ਵਿਵਾਦਤ ਟਵੀਟ
10/17/2017 1:53:24 PM
ਨਵੀਂ ਦਿੱਲੀ, (ਬਿਊਰੋ)— ਅਕਸਰ ਹੀ ਆਪਣੇ ਟਵੀਟਸ ਦੀ ਵਜ੍ਹਾ ਨਾਲ ਵਿਵਾਦਾਂ 'ਚ ਰਹਿਣ ਵਾਲੇ ਬਾਲੀਵੁੱਡ ਐਕਟਰ ਕਮਾਲ ਰਾਸ਼ਿਦ ਖਾਨ ਨੇ ਇਕ ਵਾਰ ਫਿਰ ਤੋਂ ਵਿਰਾਟ ਕੋਹਲੀ ਲਈ ਇੱਕ ਅਜਿਹੀ ਗੱਲ ਕਹਿ ਦਿੱਤੀ ਹੈ ਜਿਸ ਨੇ ਸੋਸ਼ਲ ਮੀਡੀਆ 'ਤੇ ਬਵਾਲ ਮਚਾ ਦਿੱਤਾ ਹੈ । ਉਨ੍ਹਾਂ ਦਾ ਕਹਿਣਾ ਹੈ ਕਿ ਵਿਰਾਟ ਨੇ ਯੁਵੀ ਅਤੇ ਰੈਨਾ ਦਾ ਕਰੀਅਰ ਖਤਮ ਕਰ ਦਿੱਤਾ ਹੈ । ਇਸ ਟਵੀਟ ਦੇ ਬਾਅਦ ਪ੍ਰਸ਼ੰਸਕਾਂ ਨੇ ਆਪਣੀਆਂ ਪ੍ਰਤੀਕਿਰਿਆਵਾਂ ਜ਼ਾਹਰ ਕੀਤੀਆਂ ਹੈ ।
ਕੇ.ਆਰ.ਕੇ. ਨੇ ਆਪਣੇ ਟਵੀਟ ਵਿੱਚ ਲਿਖਿਆ, 'ਬੇਚਾਰੇ ਯੁਵਰਾਜ ਸਿੰਘ ਅਤੇ ਸੁਰੇਸ਼ ਰੈਨਾ ਨੂੰ ਆਖ਼ਰਕਾਰ ਵਿਰਾਟ ਕੋਹਲੀ ਨੇ ਹਮੇਸ਼ਾ ਲਈ ਘਰ ਬੈਠਾ ਹੀ ਦਿੱਤਾ । ਕੋਈ ਨਹੀਂ ਭਰਾ ਕੁਮੈਂਟਰੀ ਕਰ ਲਓ ।'
Bechare @YUVSTRONG12 n @ImRaina Ko, Finally @imVkohli Ne Hamesha Ke Liye Ghar Par Baitha Hi Diya hai! Koi Nahi Bhai commentary Karlo!😜😆
— KRK (@kamaalrkhan) October 14, 2017
ਇਸ ਤੋਂ ਪਹਿਲਾਂ ਇਨ੍ਹਾਂ ਨੇ ਕਰਿਕਟਰ ਗੌਤਮ ਗੰਭੀਰ ਦੇ ਜਨਮਦਿਨ ਦੇ ਮੌਕੇ ਉੱਤੇ ਟਵੀਟ ਕਰ ਉਨ੍ਹਾਂ ਨਾਲ ਛੇੜਖਾਨੀ ਕੀਤੀ ਸੀ । ਉਨ੍ਹਾਂ ਨੇ ਲਿਖਿਆ ਸੀ ਕਿ ਭਰਾ ਗੌਤਮ ਗੰਭੀਰ ਜਨਮਦਿਨ ਦੀਆਂ ਸ਼ੁੱਭਕਾਮਨਾਵਾਂ । ਭਰਾ ਤੁਹਾਨੂੰ ਸਿਰਫ 30 ਸਾਲ ਦੀ ਉਮਰ ਵਿੱਚ ਰਿਟਾਇਰ ਐਲਾਨ ਕਰ ਦਿੱਤਾ ਗਿਆ । ਤੁਹਾਡੇ ਨਾਲ ਨਾਇਨਸਾਫੀ ਹੋਈ ਹੈ ।
Bro @GautamGambhir happy birthday. Bhai Aapko sirf 30 Saal Ki age Main Hi retire declare Kar Diya Gaya! Apke saath Naa Insaafi Huyee hai!🙏
— KRK (@kamaalrkhan) October 14, 2017
ਜ਼ਿਕਰਯੋਗ ਹੈ ਕਿ ਨਿਊਜ਼ੀਲੈਂਡ ਖਿਲਾਫ ਖੇਡੀ ਜਾਣ ਵਾਲੀ 3 ਮੈਚਾਂ ਦੀ ਸੀਰੀਜ਼ ਵਿੱਚ ਯੁਵਰਾਜ ਸਿੰਘ ਅਤੇ ਸੁਰੇਸ਼ ਰੈਨਾ ਨੂੰ ਜਗ੍ਹਾ ਨਹੀਂ ਮਿਲੀ ਅਤੇ ਇਸ ਤੋਂ ਪਹਿਲਾਂ ਵੀ ਦੋਵੇਂ ਖਿਡਾਰੀ ਲੰਬੇ ਸਮੇਂ ਤੋਂ ਟੀਮ ਤੋਂ ਬਾਹਰ ਚੱਲ ਰਹੇ ਹਨ ।