ਗੋਡੇ ਦੀ ਸੱਟ ਕਾਰਣ ਟੂਰਨਾਮੈਂਟ 'ਚ ਹਿੱਸਾ ਨਹੀਂ ਲੈਵੇਗਾ ਅਫਰੀਕਨ ਖਿਡਾਰੀ ਕੇਵਿਨ ਐਂਡਰਸਨ
09/12/2019 4:15:10 PM
ਸਪੋਰਟਸ ਡੈਸਕ— ਦੋ ਵਾਰ ਗਰੈਂਡ ਸਲੈਮ ਦੇ ਫਾਈਨਲ 'ਚ ਜਗ੍ਹਾ ਬਣਾਉਣ ਵਾਲੇ ਦੱਖਣੀ ਅਫਰੀਕਾ ਦੇ ਟੈਨਿਸ ਖਿਡਾਰੀ ਕੇਵਿਨ ਐਂਡਰਸਨ ਸੱਟ ਦੇ ਕਾਰਨ ਇਸ ਸੀਜਨ ਬਾਕੀ ਦੇ ਬਚੇ ਟੂਰਨਮੈਂਟ 'ਚ ਹਿੱਸਾ ਨਹੀਂ ਲੈਣਗੇ। ਈ. ਐੱਸ. ਪੀ. ਐੱਨ ਮੁਤਾਬਕ, ਐਂਡਰਸਨ ਸੱਜੇ ਗੋਡੇ ਦੀ ਸੱਟ ਤੋਂ ਉਬਰ ਰਹੇ ਹਨ।
ਉਨ੍ਹਾਂ ਨੇ ਜੁਲਾਈ 'ਚ ਹੋਏ ਸਾਲ ਦੇ ਤੀਜੇ ਗਰੈਂਡ ਸਲੈਮ ਵਿੰਬਲਡਨ ਤੋਂ ਬਾਅਦ ਕਿਸੇ ਟੂਰਨਮੈਂਟ 'ਚ ਹਿੱਸਾ ਨਹੀਂ ਲਿਆ ਹੈ। ਉਨ੍ਹਾਂ ਨੂੰ ਵਿੰਬਲਡਨ ਦੇ ਤੀਜੇ ਦੌਰ 'ਚ ਹਾਰ ਝੇਲਨੀ ਪਈ ਸੀ। ਐਂਡਰਸਨ ਨੇ ਕਿਹਾ, ਮੈਂ ਆਪਣੀ ਟੀਮ ਦੇ ਨਾਲ ਗੱਲ ਕੀਤੀ ਹੈ, ਡਾਕਟਰਾਂ ਦੇ ਨਾਲ ਸਲਾਹ ਮਸ਼ਵਰਾ ਕੀਤਾ ਹੈ ਅਤੇ ਅਸੀਂ ਫੈਸਲਾ ਕੀਤਾ ਹੈ ਕਿ ਸਭ ਤੋਂ ਚੰਗਾ ਇਹੀ ਹੋਵੇਗਾ ਕਿ ਅਸੀਂ ਬਾਕੀ ਦੇ ਸੀਜਨ 'ਚ ਆਫ ਲਈਏ ਅਤੇ 2020 ਲਈ ਤਿਆਰੀ ਸ਼ੁਰੂ ਕਰੀਏ।
ਉਨ੍ਹਾਂ ਨੇ ਕਿਹਾ, ਅਜਿਹਾ ਕਰਨ ਨਾਲ ਮੈਨੂੰ ਠੀਕ ਹੋਣ ਦਾ ਜ਼ਿਆਦਾ ਸਮਾਂ ਮਿਲੇਗਾ ਜਿਸ ਦੇ ਨਾਲ ਮੇਰਾ ਪ੍ਰਦਰਸ਼ਨ ਵੀ ਬਿਹਤਰ ਹੋਵੇਗਾ। ਐਂਡਰਸਨ ਇਸ ਸਾਲ ਅਮਰੀਕਾ ਓਪਨ 'ਚ ਵੀ ਨਹੀਂ ਖੇਡੇ ਸਨ। 2017 'ਚ ਉਨ੍ਹਾਂ ਨੇ ਅਮਰੀਕਾ ਓਪਨ ਦੇ ਫਾਈਨਲ 'ਚ ਜਗ੍ਹਾ ਬਣਾਈ ਜਿੱਥੇ ਉਨ੍ਹਾਂ ਨੂੰ ਸਪੈਨਿਸ਼ ਦਿੱਗਜ ਰਾਫੇਲ ਨਡਾਲ ਦੇ ਖਿਲਾਫ ਹਾਰ ਝੇਲਨੀ ਪਈ ਸੀ।