ਕ੍ਰਿਕਟ ਨਾ ਖੇਡ ਸਕਣ ਕਾਰਨ ਕਾਰਤਿਕ ਕਰ ਰਿਹਾ ਇਹ ਕੰਮ (ਵੀਡੀਓ)
03/22/2020 9:40:53 PM
ਕੋਲਕਾਤਾ— ਕੋਰੋਨਾ ਵਾਇਰਸ ਮਹਾਮਾਰੀ ਕਾਰਨ ਕਿਸੇ ਵੀ ਤਰ੍ਹਾਂ ਦੇ ਕ੍ਰਿਕਟ ਮੈਚ ਨਹੀਂ ਖੇਡੇ ਜਾ ਰਹੇ ਹਨ ਤੇ ਕੋਲਕਾਤਾ ਨਾਈਟਰਾਈਡਰਸ ਦੇ ਕਪਤਾਨ ਦਿਨੇਸ਼ ਕਾਰਤਿਕ ਘਰ 'ਚ ਰਹਿ ਕੇ ਇਸ ਸਮੇਂ 'ਸ਼ੈਡੋ ਪ੍ਰੈਕਟਿਸ' ਵੱਲ ਧਿਆਨ ਲਗਾ ਰਹੇ ਹਨ। ਕੋਲਕਾਤਾ ਨਾਈਟਰਾਈਡਰਸ ਨੇ ਆਪਣੇ ਕਪਤਾਨ ਦੀ ਇਕ ਵੀਡੀਓ ਪੋਸਟ ਕੀਤੀ ਹੈ, ਜਿਸ 'ਚ ਉਹ ਪਰਛਾਵਾਂ ਦੇਖ ਕੇ ਅਭਿਆਸ ਕਰ ਰਹੇ ਹਨ ਤੇ ਧਿਆਨ ਲਗਾ ਰਹੇ ਹਨ।
Our skipper @DineshKarthik has gone into self-isolation 😷
— KolkataKnightRiders (@KKRiders) March 21, 2020
Tell us how you're spending your time at home 🏡 __________#KorboLorboJeetbo vs #CoronavirusOutbreakindia #StaySafe #KKR #cricket #SocialDistancing #Coronaindia pic.twitter.com/S4uamkNFD8
ਕੇ. ਕੇ. ਆਰ. ਦੇ ਅਧਿਕਾਰਿਕ ਟਵਿੱਟਰ ਹੈਂਡਲ 'ਤੇ ਇਸ ਵਿਕਟਕੀਪਰ ਬੱਲੇਬਾਜ਼ ਨੇ ਕਿਹਾ ਜਿਵੇਂ ਤੁਸੀਂ ਦੇਖ ਸਕਦੇ ਹੋ, ਪਿਛਲੇ 2-3 ਦਿਨ ਤੋਂ ਮੈਂ ਇਹੀ ਕਰ ਰਿਹਾ ਹਾਂ। ਕ੍ਰਿਕਟ ਦੀ ਬਹੁਤ ਕਮੀ ਮਹਿਸੂਸ ਹੋ ਰਹੀ ਹੈ ਪਰ ਖੇਡ ਨਾਲ ਜੁੜੇ ਰਹਿਣ ਦੇ ਲਈ ਜੋ ਵੀ ਕੁਝ ਮੈਂ ਕਰ ਸਕਦਾ ਹਾਂ ਕਰ ਰਿਹਾ ਹਾਂ। ਉਨ੍ਹਾਂ ਨੇ ਕਿਹਾ ਕਿ ਇਹ ਉਹ ਤਿੰਨ ਚੀਜ਼ਾਂ ਹਨ ਜੋ ਪਿਛਲੇ 2 ਦਿਨਾਂ ਤੋਂ ਕਰ ਰਿਹਾ ਹਾਂ।
ਸਭ ਤੋਂ ਪਹਿਲਾਂ ਹਰ ਕਿਸੇ ਤੋਂ ਘੱਟ ਤੋਂ ਘੱਟ 6 ਫੁੱਟ ਦੀ ਦੂਰੀ ਬਣਾ ਰਿਹਾ ਹਾਂ, ਦੂਜਾ ਹੱਥ ਥੋ ਰਿਹਾ ਹਾਂ ਤੇ ਸਭ ਤੋਂ ਅਹਿਮ ਚੀਜ਼, ਜਿੰਨਾ ਸੰਭਵ ਹੋ ਘਰ 'ਚ ਰਹਿ ਕੇ ਸੁਰੱਖਿਅਤ ਹਾਂ। ਕਾਰਤਿਕ ਨੇ ਕਿਹਾ ਕਿ ਜੇਕਰ ਯਾਦ ਰੱਖੀਏ ਤਾਂ ਇਹ ਸਿਰਫ ਖੁਦ ਦੀ ਦੇਖਭਾਲ ਕਰਨ ਦੇ ਵਾਰੇ 'ਚ ਨਹੀਂ ਹੈ ਬਲਕਿ ਤੁਹਾਡੇ ਚਾਰੇ ਪਾਸੇ ਜੋ ਵੀ ਲੋਕ ਹਨ ਉਨ੍ਹਾਂ ਦੀ ਸੁਰੱਖਿਆ ਦੇ ਲਈ ਵੀ ਹੈ।