ਫਾਈਨਲ ਮੈਚ ਤੋਂ ਪਹਿਲਾਂ ਆਰਚਰ ਦਾ ਆਇਆ ਵੱਡਾ ਬਿਆਨ, ਆਪਣੇ ਬਾਰੇ ਦੱਸੀ ਖਾਸ ਗੱਲ

ਸਪੋਰਸਟ ਡੈਸਕ — ਇੰਗਲੈਂਡ ਦੇ ਤੇਜ਼ ਗੇਂਦਬਾਜ਼ ਜੋਫਰਾ ਆਰਚਰ ਨੇ ਕਿਹਾ ਕਿ ਆਈ. ਸੀ. ਸੀ. ਵਰਲਡ ਕੱਪ ਦੇ ਫਾਈਨਲ 'ਚ ਵੀ ਉਨ੍ਹਾਂ ਨੂੰ ਆਪਣੇ ਆਪ ਨੂੰ ਦਬਾਅ ਅਜ਼ਾਦ ਰੱਖਣ 'ਚ ਕੋਈ ਪਰੇਸ਼ਾਨੀ ਨਹੀਂ ਹੋਵੇਗੀ। ਇੰਗਲੈਂਡ ਲਈ ਡੈਬਿਊ ਕਰਨ ਦੇ ਦੋ ਮਹੀਨਿਆਂ ਦੇ ਅੰਦਰ ਹੀ ਵਰਲਡ ਕੱਪ ਫਾਈਨਲ ਖੇਡਣ ਦੀ ਤਿਆਰੀ 'ਚ ਲੱਗੇ 24 ਸਾਲ ਦੇ ਇਸ ਖਿਡਾਰੀ ਨੇ ਨਿਊਜੀਲੈਂਡ ਦੇ ਖਿਲਾਫ ਫਾਈਨਲ ਤੋਂ ਪਹਿਲਾਂ ਟੂਟੂਰਨਾਮੈਂਟ 'ਚ ਹੁਣ ਤੱਕ 19 ਵਿਕਟਾਂ ਹਾਸਲ ਕੀਤੀਆਂ ਹਨ ਜੋ ਵਰਲਡ ਕੱਪ 'ਚ ਇੰਗਲੈਂਡ ਦਾ ਰਿਕਾਰਡ ਹੈ।

ਆਰਚਰ ਨੇ ਕਿਹਾ, 'ਮੈਨੂੰ ਲਗਦਾ ਹੈ ਮੈਂ ਹਮੇਸ਼ਾ ਤੋਂ ਅਜਿਹਾ ਹੀ ਰਿਹਾ ਹਾਂ। ਮੈਂ ਕੋਸ਼ਿਸ਼ ਕਰਦਾ ਹਾਂ ਕਿ ਕਿਸੇ ਦਬਾਅ 'ਚ ਨਹੀਂ ਆਵਾਂ,  ਕਿਉਂਕਿ ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਤੁਸੀਂ ਗਲਤੀ ਕਰਨ ਲਗਦੇ ਹੋ। ਉੁਨ੍ਹਾਂ ਨੇ ਕਿਹਾ, 'ਆਸਟਰੇਲੀਆ (ਸੈਮੀਫਾਈਨਲ) ਦੇ ਖਿਲਾਫ ਵੀ ਜਦੋਂ ਅਸੀਂ ਨਾਸ਼ਤਾ ਕਰ ਰਹੇ ਸਨ ਤੱਦ ਮੈਨੂੰ ਨਹੀਂ ਲਗਾ ਕਿ ਸਾਡੀ ਟੀਮ ਕਿਸੇ ਤਰ੍ਹਾਂ ਦੇ ਦਬਾਅ 'ਚ ਹੈ। ਜਦੋਂ ਅਸੀਂ ਮੈਦਾਨ 'ਤੇ ਉਤਰੇ ਤਾਂ ਹਰ ਕਿਸੇ ਦਾ ਧਿਆਨ ਮੈਚ 'ਤੇ ਸੀ। ਬਾਰਬਾਡੋਸ (ਵੈਸਟਇੰਡੀਜ਼) 'ਚ ਜੰਮੇਂ ਇਸ ਤੇਜ਼ ਗੇਂਦਬਾਜ਼ ਦੇ ਪਿਤਾ ਇੰਗਲੈਂਡ ਦੇ ਹਨ। ਇੰਗਲੈਂਡ ਤੇ ਵੇਲਸ ਕ੍ਰਿਕੇਟ ਬੋਰਡ ਨੇ ਆਪਣੇ ਨਿਯਮਾਂ 'ਚ ਬਦਲਾਅ ਕੀਤਾ ਜਿਸ ਦੇ ਨਾਲ ਆਰਚਰ ਸਮੇਂ ਤੋਂ ਪਹਿਲਾਂ ਟੀਮ ਦੀ ਅਗਵਾਈ ਕਰਨ ਦੇ ਪਾਤਰ ਹੋ ਗਏ। ਉਨ੍ਹਾਂ ਨੇ ਮਈ 'ਚ ਇੰਗਲੈਂਡ ਵੱਲੋਂ ਡੈਬਿਊ ਕੀਤਾ। ਸਸੇਕਸ ਦੇ ਇਸ ਤੇਜ਼ ਗੇਂਦਬਾਜ਼ ਨੇ ਆਸਟਰੇਲੀਆ ਦੇ ਖਿਲਾਫ ਸੈਮੀਫਾਈਨਲ 'ਚ ਸ਼ਾਨਦਾਰ ਪ੍ਰ੍ਰਦਰਸ਼ਨ ਕਰਦੇ ਹੋਏ ਕਪਤਾਨ ਆਰੋਨ ਫਿੰਚ ਤੇ ਗਲੇਨ ਮੈਕਸਵੇਲ ਦੀ ਵਿਕਟ ਹਾਸਲ ਕੀਤੀ।