ਜੈਕ ਕੈਲਿਸ ਬਣੇ ਪਿਤਾ, ਟਵਿੱਟਰ ’ਤੇ ਤਸਵੀਰ ਸ਼ੇਅਰ ਕਰਕੇ ਦਿੱਤੀ ਜਾਣਕਾਰੀ
03/12/2020 5:11:21 PM
ਸਪੋਰਟਸ ਡੈਸਕ— ਦੱਖਣੀ ਅਫਰੀਕਾ ਦੇ ਧਾਕੜ ਖਿਡਾਰੀ ਅਤੇ ਮਹਾਨ ਆਲਰਾਊਂਡਰ ਜੈਕ ਕੈਲਿਸ ਨੇ ਕ੍ਰਿਕਟ ਤੋਂ ਸੰਨਿਆਸ ਦੇ ਬਾਅਦ ਆਪਣੀ ਪ੍ਰੇਮਿਕਾ ਚਾਰਲੇਨ ਐਂਗੇਲਸ ਨਾਲ ਜਨਵਰੀ 2019 ’ਚ ਵਿਆਹ ਕਰ ਲਿਆ ਸੀ। ਉਦੋਂ ਤੋਂ ਇਹ ਦੋਵੇਂ ਆਪਣੀ ਜ਼ਿੰਦਗੀ ਆਰਾਮ ਨਾਲ ਬਿਤਾ ਰਹੇ ਹਨ। ਹਾਲ ਹੀ ’ਚ ਕੈਲਿਸ ਨੇ ਟਵਿੱਟਰ ’ਤੇ ਇਕ ਪੋਸਟ ਰਾਹੀਂ ਆਪਣੇ ਪਹਿਲੇ ਬੱਚੇ ਦੇ ਜਨਮ ਦਾ ਐਲਾਨ ਕੀਤਾ ਹੈ।
Welcome to the world Joshua Henry Kallis. Most incredible day of both our lives. Hearts exploding with love. Truely blessed @charlene_engels ❤️ pic.twitter.com/lEFwUgswp3
— Jacques Kallis (@jacqueskallis75) March 11, 2020
11 ਮਾਰਚ ਨੂੰ ਕੈਲਿਸ ਦੀ ਪਤਨੀ ਨੇ ਇਕ ਸੋਹਣੇ ਬੱਚੇ ਨੂੰ ਜਨਮ ਦਿੱਤਾ ਹੈ ਜਿਸ ਦੀ ਤਸਵੀਰ ਖੁਦ ਕੈਲਿਸ ਨੇ ਆਪਣੇ ਸੋਸ਼ਲ ਮੀਡੀਆ ’ਤੇ ਪੋਸਟ ਕਰਦੇ ਹੋਏ ਲਿਖਿਆ ਕਿ ਦੁਨੀਆ ’ਚ ਤੁਹਾਡਾ ਸਵਾਗਤ ਹੈ ਜੋਸ਼ੁਆ ਹੇਨਰੀ ਕੈਲਿਸ। ਸਾਡੀ ਜ਼ਿੰਦਗੀ ਦਾ ਸਭ ਤੋਂ ਵਧੀਆ ਦਿਨ। ਤੁਹਾਡਾ ਧੰਨਵਾਦ ਚਾਰਲੋਨ ਐਂਗੇਲਸ।
ਵਿਆਹ ਦੌਰਾਨ ਵਾਪਰਿਆ ਸੀ ਹਾਦਸਾ
ਜਿਸ ਜਗ੍ਹਾ ’ਤੇ ਕੈਲਿਸ ਨੇ ਵਿਆਹ ਕੀਤਾ ਸੀ ਉੱਥੇ ਪੋ੍ਰੋਗਰਾਮ ਤੋਂ ਪਹਿਲਾਂ ਅੱਗ ਲਗ ਗਈ ਸੀ। ਅੱਗ ਇੰਨੀ ਭਿਆਨਕ ਸੀ ਕਿ ਇਕ ਸਮੇਂ ਤਾਂ ਵਿਆਹ ਦੇ ਪੋਸਟਪੋਨ ਤਕ ਹੋਣ ਦੀ ਚਰਚਾ ਸ਼ੁਰੂ ਹੋ ਗਈ ਸੀ ਪਰ ਬਚਾਅ ਕਾਰਜ ਤੇਜ਼ ਹੋਣ ਦੇ ਕਾਰਨ ਪ੍ਰੋਗਰਾਮ ਤੈਅ ਸਮੇਂ ’ਤੇ ਹੀ ਹੋਇਆ।