IPL 2018 : ਰਾਜਸਥਾਨ ਰਾਇਲਸ ਹਾਰੀ ਮੈਚ, ਟੀਮ ਦੇ ਮੇਂਟਰ ਨੇ ਮੰਗੀ ਮੁਆਫੀ
04/21/2018 1:38:29 PM
ਨਵੀਂ ਦਿੱਲੀ (ਬਿਊਰੋ)— ਦੋ ਸਾਲ ਬੈਨ ਝੱਲਣ ਦੇ ਬਾਅਦ ਚੇਨਈ ਸੁਪਰਕਿੰਗਸ ਅਤੇ ਰਾਜਸਥਾਨ ਰਾਇਲਸ ਇਸ ਸੀਜ਼ਨ 'ਚ ਪਹਿਲੀ ਵਾਰ ਸ਼ੁੱਕਰਵਾਰ ਨੂੰ ਆਹਮੋ-ਸਾਹਮਣੇ ਆਈਆਂ । ਚੇਨਈ ਨੇ ਪਹਿਲੇ ਮੈਚ ਵਿੱਚ ਬਾਜ਼ੀ ਮਾਰਦੇ ਹੋਏ ਪੁਣੇ ਵਿੱਚ ਮਹਾਰਾਸ਼ਟਰ ਕ੍ਰਿਕਟ ਐਸੋਸੀਏਸ਼ਨ ਦੇ ਮੈਦਾਨ 'ਤੇ ਰਾਜਸਥਾਨ ਨੂੰ 64 ਦੌੜਾਂ ਨਾਲ ਹਰਾ ਦਿੱਤਾ । ਟਾਸ ਹਾਰਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਉਤਰੀ ਚੇਨਈ ਨੇ ਪਹਿਲੇ 13 ਓਵਰ ਵਿੱਚ ਲਗਭਗ 11.50 ਦੇ ਰਨ ਰੇਟ ਨਾਲ ਦੌੜਾਂ ਬਣਾਕੇ ਸਕੋਰ 150 ਦੌੜਾਂ ਉੱਤੇ ਪਹੁੰਚਾ ਦਿੱਤਾ ਸੀ ਪਰ ਅੰਤਿਮ 7 ਓਵਰਾਂ ਵਿੱਚ ਉਸਨੇ ਸਿਰਫ 7.71 ਦੇ ਰਨ ਰੇਟ ਨਾਲ 54 ਦੌੜਾਂ ਬਣਾਈਆਂ । ਰਾਇਲਸ ਦੇ ਗੇਂਦਬਾਜ਼ਾਂ ਖਾਸ ਤੌਰ 'ਤੇ ਸ਼੍ਰੇਅਸ ਗੋਪਾਲ (20 ਦੌੜਾਂ ਦੇਕੇ ਤਿੰਨ ਵਿਕਟ) ਅਤੇ ਬੇਨ ਲਾਗਲਿਨ (38 ਦੌੜਾਂ ਦੇਕੇ ਦੋ ਵਿਕਟ) ਨੇ ਡੈਥ ਓਵਰਾਂ ਵਿੱਚ ਚੇਨਈ ਨੂੰ ਤੇਜ਼ੀ ਨਾਲ ਦੌੜਾਂ ਨਹੀਂ ਬਣਾਉਣ ਦਿੱਤੀਆਂ । ਇਸਦੇ ਬਾਵਜੂਦ ਰਾਜਸਥਾਨ ਦੇ ਬੱਲੇਬਾਜ਼ ਇਸ ਟੀਚੇ ਨੂੰ ਹਾਸਲ ਨਹੀਂ ਕਰ ਸਕੇ । ਮੈਚ ਹਾਰਨ ਦੇ ਬਾਅਦ ਆਸਟਰੇਲੀਆ ਦੇ ਸਾਬਕਾ ਲੈਗ ਸਪਿਨਰ ਅਤੇ ਰਾਜਸਥਾਨ ਦੇ ਮੇਂਟਰ ਸ਼ੇਨ ਵਾਰਨ ਨੇ ਫੈਂਸ ਤੋਂ ਇਸ ਹਾਰ ਲਈ ਮੁਆਫੀ ਮੰਗੀ । ਵਾਰਨ ਨੇ ਰਾਜਸਥਾਨ ਰਾਇਲਸ ਦੇ ਫੈਂਸ ਲਈ ਟਵਿਟਰ 'ਤੇ ਇੱਕ ਟਵੀਟ ਕੀਤਾ ਜਿਸਦੇ ਜ਼ਰੀਏ ਉਨ੍ਹਾਂ ਨੇ ਦੱਸਿਆ ਟੀਮ ਛੇਤੀ ਹੀ ਜ਼ੋਰਦਾਰ ਵਾਪਸੀ ਕਰੇਗੀ ।
ਵਾਰਨ ਨੇ ਲਿਖਿਆ ਹੈ, ''ਸ਼ੁੱਕਰਵਾਰ ਨੂੰ ਰਾਜਸਥਾਨ ਦੇ ਖਿਡਾਰੀ ਤਿੰਨਾਂ ਡਿਪਾਰਟਮੈਂਟਸ ਵਿੱਚ ਬਿਹਤਰ ਪ੍ਰਦਰਸ਼ਨ ਕਰਨ ਵਿੱਚ ਫੇਲ ਰਹੇ । ਖਿਡਾਰੀਆਂ ਦੇ ਖ਼ਰਾਬ ਪ੍ਰਦਰਸ਼ਨ ਲਈ ਮੈਂ ਫੈਂਸ ਤੋਂ ਮੁਆਫੀ ਮੰਗਦਾ ਹਾਂ । ਟੀਮ ਦੇ ਮੁੰਡੇ ਚੰਗੀ ਕੋਸ਼ਿਸ਼ ਕਰ ਰਹੇ ਹਨ ਅਤੇ ਮੈਨੂੰ ਉਮੀਦ ਹੈ ਕਿ ਉਹ ਉਸ ਵਿੱਚ ਕਾਮਯਾਬ ਵੀ ਹੋਣਗੇ । ਹੁਣੇ ਤੱਕ ਅਸੀ ਪੰਜ ਵਿੱਚੋਂ ਤਿੰਨ ਮੁਕਾਬਲੇ ਹਾਰ ਚੁੱਕੇ ਹਾਂ, ਹੁਣ ਸਾਡੀ ਕੋਸ਼ਿਸ਼ ਲਗਾਤਾਰ ਦੋ ਮੈਚਾਂ ਵਿੱਚ ਜਿੱਤ ਦਰਜ ਕਰਨ ਦੀ ਹੋਵੇਗੀ''। ਜ਼ਿਕਰਯੋਗ ਹੈ ਕਿ ਚੇਨਈ ਦੇ ਖਿਲਾਫ ਰਾਇਲਸ ਦੀ ਟੀਮ ਨੇ ਸ਼ਰਮਨਾਕ ਪ੍ਰਦਰਸ਼ਨ ਕੀਤਾ ਅਤੇ 18.3 ਓਵਰ ਵਿੱਚ 140 ਦੌੜਾਂ ਬਣਾਕੇ ਆਲ ਆਉਟ ਹੋ ਗਈ ।
Apologies to all the @rajasthanroyals fans as that was a terrible display tonight in all 3 departments. The boys are trying & will come good so don’t lose hope, stay patient - we will get it right. Win the next 2 games and be 4/3 at the halfway stage - 2/5 is not ok !#IPL2018
— Shane Warne (@ShaneWarne) April 20, 2018
ਵੱਡੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਰਾਜਸਥਾਨ ਦੀ ਸ਼ੁਰੂਆਤ ਹੀ ਖ਼ਰਾਬ ਰਹੀ ਅਤੇ ਸਲਾਮੀ ਬੱਲੇਬਾਜ਼ ਹੇਨਰਿਚ ਕਲਾਸੇਨ 7 ਦੌੜਾਂ ਬਣਾਕੇ ਬੋਲਡ ਹੋ ਗਏ । ਇਸਦੇ ਬਾਅਦ ਬੱਲੇਬਾਜ਼ੀ ਕਰਨ ਆਏ ਸੰਜੂ ਸੈਮਸਨ ਵੀ ਚੇਨਈ ਦੇ ਖਿਲਾਫ ਜ਼ਿਆਦਾ ਕੁਝ ਨਹੀਂ ਕਰ ਸਕੇ ਅਤੇ 2 ਦੌੜਾਂ ਬਣਾਕੇ ਆਉਟ ਹੋ ਗਏ । ਟੀਮ ਵੱਲੋਂ ਬੇਨ ਸਟੋਕਸ ਸਭ ਤੋਂ ਜ਼ਿਆਦਾ 45 ਦੌੜਾਂ ਬਣਾਉਣ ਵਿੱਚ ਕਾਮਯਾਬ ਰਹੇ ।