ਹਸੀਨ ਨੇ ਲੋਕਾਂ ਤੋਂ ਕੀਤੀ ਸ਼ਮੀ ਨੂੰ ਚੌਰਾਹੇ ''ਤੇ ਕੁੱਟਣ ਦੀ ਅਪੀਲ

ਨਵੀਂ ਦਿੱਲੀ, (ਬਿਊਰੋ)— ਭਾਰਤੀ ਟੀਮ ਦੇ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ ਦੀ ਪਤਨੀ ਹਸੀਨ ਜਹਾਂ ਦੇ ਬਿਆਨ ਹਰ ਦਿਨ ਵੱਖ-ਵੱਖ ਤਰੀਕੇ ਨਾਲ ਸਾਹਮਣੇ ਆ ਰਹੇ ਹਨ । ਜਹਾਂ ਨੇ ਸ਼ਮੀ ਉੱਤੇ ਇੱਕ ਹੋਰ ਇਲਜ਼ਾਮ ਲਗਾਇਆ ਹੈ। ਸ਼ਮੀ ਨੂੰ ਝੂਠਾ ਕਹਿੰਦੇ ਹੋਏ ਜਹਾਂ ਨੇ ਕਿਹਾ ਕਿ, ਦੱਖਣੀ ਅਫਰੀਕਾ ਦੇ ਦੌਰੇ ਤੋਂ ਪਰਤਦੇ ਸਮੇਂ ਸ਼ਮੀ ਦੁਬਈ ਵਿੱਚ ਅਲਿਸ਼ਬਾ ਨਾਂ ਦੀ ਕੁੜੀ ਨੂੰ ਮਿਲਿਆ ਸੀ ਅਤੇ ਦੋਵੇਂ ਇੱਕ ਹੋਟਲ ਦੇ ਰੂਮ ਵਿੱਚ ਇਕੱਠੇ ਰੁਕੇ ਸਨ । 

ਇਸ ਤੋਂ ਪਹਿਲਾਂ ਅਲਿਸ਼ਬਾ ਨੇ ਬਿਆਨ ਦਿੱਤਾ ਸੀ ਕਿ, ''ਉਸ ਨੇ ਕੁਝ ਸਮਾਂ ਭਾਰਤੀ ਕਰਿਕਟਰ ਦੇ ਨਾਲ ਗੁਜ਼ਾਰਿਆ ਸੀ ਅਤੇ ਉਨ੍ਹਾ ਦੇ ਨਾਲ ਨਾਸ਼ਤਾ ਕਰਨ ਦੇ ਬਾਅਦ ਉਹ ਉੱਥੋਂ ਚੱਲੀ ਗਈ ਸੀ ।  ਉਸ ਨੂੰ ਝੂਠਾ ਕਰਾਰ ਦਿੰਦੇ ਹੋਏ ਹਸੀਨ ਜਹਾਂ ਨੇ ਕਿਹਾ ਕਿ, ਉਹ ਸ਼ਮੀ ਦੀ ਫੈਨ ਨਹੀਂ ਸਗੋਂ ਗਰਲਫਰੈਂਡ ਹੈ । ਦੋਹਾਂ ਨੇ ਨਾਜਾਇਜ਼ ਤਰੀਕੇ ਨਾਲ ਸਰੀਰਕ ਸੰਬੰਧ ਬਣਾਏ ਹਨ ।'' ਇੰਨਾ ਹੀ ਨਹੀਂ ਹਸੀਨ ਨੇ ਕਿਹਾ, ''ਸ਼ਮੀ ਦੀਆਂ ਅਜਿਹੀਆਂ ਹਰਕਤਾਂ 'ਤੇ ਤੁਸੀਂ ਸਾਰਿਆਂ ਨੂੰ ਮੇਰੇ ਨਾਲ ਮਿਲਕੇ ਉਸ ਨੂੰ ਸ਼ਰੇਆਮ ਚੋਰਾਹੇ ਤੇ ਕੁੱਟਣਾ ਚਾਹੀਦਾ ਹੈ ।'' 

ਅਲਿਸ਼ਬਾ ਨੇ ਕਿਹਾ ਸੀ ਕਿ, ''ਉਹ ਸ਼ਮੀ ਦੀ ਇੱਕ ਪ੍ਰਸ਼ੰਸਕ ਹੈ ਅਤੇ ਦੁਬਈ ਵਿੱਚ ਅਚਾਨਕ ਹੀ ਉਸ ਦੀ ਮੁਲਾਕਾਤ ਸ਼ਮੀ ਨਾਲ ਹੋਈ ਸੀ । ਪਾਕਿਸਤਾਨੀ ਮਹਿਲਾ ਨੇ ਸ਼ਮੀ ਨੂੰ ਕਿਸੇ ਤਰ੍ਹਾਂ ਦੇ ਪੈਸੇ ਦੇ ਲੈਣ-ਦੇਣ ਦੀ ਗੱਲ ਵੀ ਨਕਾਰੀ ਹੈ । ਉਥੇ ਹੀ ਇਸ ਮਾਮਲੇ ਵਿੱਚ ਹੋਰ ਵਿਅਕਤੀ ਮੁਹੰਮਦ ਭਰਾ ਨਾਂ ਦੇ ਸ਼ਖਸ ਦੀ ਜਾਣਕਾਰੀ ਤੋਂ ਵੀ ਮਨਾਹੀ ਕੀਤੀ ਹੈ ।'' ਹਸੀਨ ਨੇ ਕੋਲਕਾਤਾ ਵਿੱਚ ਆਪਣੀ ਐੱਫ.ਆਈ.ਆਰ. ਦਰਜ ਕਰਾਈ ਹੈ ਜਿਸ ਵਿੱਚ ਉਸ ਨੇ ਆਪਣੇ ਕਰਿਕਟਰ ਪਤੀ ਉੱਤੇ ਘਰੇਲੂ ਹਿੰਸਾ,  ਐਕਸਟਰਾ ਮੈਰੀਟਲ ਸੰਬੰਧ, ਤੰਗ-ਪਰੇਸ਼ਾਨ ਕਰਨ ਅਤੇ ਬਲਾਤਕਾਰ ਜਿਹੇ ਇਲਜ਼ਾਮ ਲਗਾਏ ਹਨ ।