ਦ੍ਰਾਵਿੜ ਨੂੰ ਭਾਰਤੀ ਟੀਮ ਦੀ ਮਦਦ ਲਈ ਆਸਟਰੇਲੀਆ ਭੇਜਣਾ ਚਾਹੀਦੈ : ਵੇਂਗਸਰਕਰ
12/21/2020 10:27:45 PM
ਨਵੀਂ ਦਿੱਲੀ– ਭਾਰਤੀ ਟੀਮ ਦੇ ਸਾਬਕਾ ਬੱਲੇਬਾਜ਼ ਦਲੀਪ ਵੇਂਗਸਰਕਰ ਨੇ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ. ਸੀ. ਸੀ. ਆਈ.) ਨੂੰ ਅਪੀਲ ਕੀਤੀ ਹੈ ਕਿ ਟੀਮ ਦੇ ਸਾਬਕਾ ਬੱਲੇਬਾਜ਼ ਰਾਹੁਲ ਦ੍ਰਾਵਿੜ ਨੂੰ ਟੀਮ ਇੰਡੀਆ ਦੀ ਮਦਦ ਕਰਨ ਲਈ ਤੁਰੰਤ ਆਸਟਰੇਲੀਆ ਭੇਜਣਾ ਚਾਹੀਦਾ ਹੈ।
ਵੇਂਗਸਰਕਰ ਦਾ ਮੰਨਣਾ ਹੈ ਕਿ ਦ੍ਰਾਵਿੜ ਦੇ ਕੋਚ ਦੇ ਰੂਪ ਵਿਚ ਤਜਰਬਾ ਟੀਮ ਦੇ ਨਿਯਮਤ ਕਪਤਾਨ ਵਿਰਾਟ ਕੋਹਲੀ ਦੀ ਗੈਰ-ਹਾਜ਼ਰੀ ਵਿਚ ਟੀਮ ਇੰਡੀਆ ਦੇ ਕੰਮ ਆਵੇਗਾ। ਭਾਰਤ ਨੂੰ ਆਸਟਰੇਲੀਆ ਦੇ ਹੱਥੋਂ ਪਹਿਲੇ ਟੈਸਟ ਮੁਕਾਬਲੇ ਵਿਚ 8 ਵਿਕਟਾਂ ਨਾਲ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।
ਵੇਂਗਸਰਕਰ ਨੇ ਕਿਹਾ, ‘‘ਬੀ. ਸੀ. ਸੀ. ਆਈ. ਨੂੰ ਦ੍ਰਾਵਿੜ ਨੂੰ ਤੁਰੰਤ ਆਸਟਰੇਲੀਆ ਭੇਜਣਾ ਚਾਹੀਦਾ ਹੈ। ਆਸਟਰੇਲੀਆ ਦੇ ਵਾਤਾਵਰਣ ਵਿਚ ਦ੍ਰਾਵਿੜ ਤੋਂ ਬਿਹਤਰ ਕੋਈ ਵੀ ਭਾਰਤੀ ਬੱਲੇਬਾਜ਼ਾਂ ਦਾ ਮਾਰਗ ਦਰਸ਼ਨ ਨਹੀਂ ਕਰ ਸਕਦਾ। ਉਸਦਾ ਰਹਿਣਾ ਨੈੱਟ ਵਿਚ ਟੀਮ ਨੂੰ ਕਾਫੀ ਮਦਦ ਦੇਵੇਗਾ। ਬੋਰਡ ਰਾਸ਼ਟਰੀ ਟੀਮ ਵਿਚ ਦ੍ਰਾਵਿੜ ਦਾ ਇਸਤੇਮਾਲ ਬਾਖੂਬੀ ਕਰ ਸਕਦਾ ਹੈ।’’
ਨੋਟ- ਦ੍ਰਾਵਿੜ ਨੂੰ ਭਾਰਤੀ ਟੀਮ ਦੀ ਮਦਦ ਲਈ ਆਸਟਰੇਲੀਆ ਭੇਜਣਾ ਚਾਹੀਦੈ : ਵੇਂਗਸਰਕਰ। ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਸਾਂਝੇ ਕਰੋ।