ਦੀਪ ਸਨਫੀਸਟ ਜੂਨੀਅਰ ਓਪਨ ''ਚ ਦੋਹਰੇ ਖਿਤਾਬ ਦੇ ਦਾਅਵੇਦਾਰ

ਕੋਲਕਾਤਾ, (ਬਿਊਰੋ)— ਮੱਧ ਪ੍ਰਦੇਸ਼ ਦੇ ਦੀਪ ਮੁਨੀਮ ਅੱਜ ਇੱਥੇ ਸਨਫੀਸਟ ਏ.ਆਈ.ਟੀ.ਐੱਫ. ਸੁਪਰ ਸੀਰੀਜ਼ ਜੂਨੀਅਰ ਟੈਨਿਸ ਟੂਰਨਾਮੈਂਟ 'ਚ ਦੋਹਰੇ ਖਿਤਾਬ ਦੀ ਦੌੜ 'ਚ ਬਣੇ ਹੋਏ ਹਨ। 

ਦੀਪ ਨੂੰ ਅੰਡਰ-14 ਲੜਕਿਆਂ ਦੇ ਸਿੰਗਲ ਸੈਮੀਫਾਈਨਲ 'ਚ ਕਰਨਾਟਕ ਦੇ ਅਨਮਯ ਯੋਗੇਸ਼ ਦੇਵਰਾਜ ਤੋਂ ਸਖਤ ਚੁਣੌਤੀ ਦਾ ਸਾਹਮਣਾ ਕਰਨਾ ਪਿਆ ਪਰ ਉਨ੍ਹਾਂ ਨੇ 6-4, 3-6, 6-2 ਨਾਲ ਜਿੱਤ ਦਰਜ ਕੀਤੀ। ਹੁਣ ਫਾਈਨਲ 'ਚ ਉਨ੍ਹਾਂ ਦਾ ਸਾਹਮਣਾ ਅਰਜੁਨ ਗੋਹੜ ਨਾਲ ਹੋਵੇਗਾ। ਮੱਧ ਪ੍ਰਦੇਸ਼ ਦਾ ਇਹ ਖਿਡਾਰੀ ਅੰਡਰ-16 ਖਿਤਾਬ ਦੀ ਦੌੜ 'ਚ ਵੀ ਬਣਿਆ ਹੋਇਆ ਹੈ ਜਿਸ ਦੇ ਫਾਈਨਲ 'ਚ ਉਹ ਧਨਯ ਸ਼ਾਹ ਨਾਲ ਭਿੜਨਗੇ ਜਿਨ੍ਹਾਂ ਨੇ ਅਸਮ ਦੇ ਕ੍ਰਿਤਾਂਤਾ ਸ਼ਰਮਾ ਨੂੰ 2-6, 6-0, 6-3 ਨਾਲ ਹਰਾਇਆ।