WWE ''ਚ ਕੇਵਿਨ ਦੇ ਰਿਕਾਰਡ ਨੂੰ ਤੋੜ ਬਰਾਕ ਨੇ ਰਚਿਆ ਨਵਾਂ ਇਤਿਹਾਸ

ਨਵੀਂ ਦਿੱਲੀ(ਬਿਊਰੋ)— ਸਭ ਤੋਂ ਖਤਰਨਾਕ ਰੈਸਲਰ ਬਰਾਕ ਲੈਸਨਰ ਡਬਲਿਊ.ਡਬਲਿਊ.ਈ. ਵਿਚ ਇਤਿਹਾਸ ਰਚ ਦਿੱਤਾ ਹੈ। ਲੈਸਨਰ ਨੇ ਯੂਨੀਵਰਸਲ ਚੈਂਪੀਅਨਸ਼ਿਪ ਦਾ ਖਿਤਾਬ ਸਭ ਤੋਂ ਜ਼ਿਆਦਾ ਸਮੇਂ ਤੱਕ ਰੱਖਣ ਦਾ ਰਿਕਾਰਡ ਕਾਇਮ ਕੀਤਾ। ਇਹ ਖਿਤਾਬ ਪਿਛਲੇ 6 ਮਹੀਨਿਆਂ ਤੋਂ ਉਨ੍ਹਾਂ ਕੋਲ ਹੈ। ਪਿਛਲੇ ਤਿੰਨ ਪੀ.ਪੀ.ਵੀ. ਵਿਚ ਉਨ੍ਹਾਂ ਨੇ ਇਹ ਟਾਈਟਲ ਡਿਫੈਂਡ ਕੀਤਾ ਹੈ।

ਪਹਿਲਾਂ ਕੇਵਿਨ ਓਵੰਸ ਯੂਨੀਵਰਸਲ ਚੈਂਪੀਅਨ ਸਨ। ਲੈਸਨਰ ਵਲੋਂ ਪਹਿਲਾਂ ਇਹ ਖਿਤਾਬ ਲੰਬੇ ਸਮਾਂ ਤੱਕ ਕੇਵਿਨ ਓਵੰਸ ਕੋਲ ਰਿਹਾ। ਪਰ ਹੁਣ 8 ਅਕਤੂਬਰ ਨੂੰ ਇਹ ਰਿਕਾਰਡ ਬਰਾਕ ਲੈਸਨਰ ਕੋਲ ਹੈ ਅਤੇ ਉਨ੍ਹਾਂ ਨੇ ਕੇਵਿਨ ਦੇ ਰਿਕਾਰਡ ਨੂੰ ਤੋੜ ਦਿੱਤਾ ਹੈ। ਓਵੰਸ ਨੇ ਅਲੀਮੀਨੇਸ਼ਨ ਚੈਂਬਰ ਵਿਚ ਫੈਟਲ ਚੌਥੇ ਮੈਚ ਵਿਚ ਬਿਗ ਕੈਸ, ਰੋਮਨ ਰੇਂਸ ਅਤੇ ਸੈਥ ਰਾਲਿੰਸ ਨੂੰ ਹਰਾ ਕੇ ਇਹ ਟਾਈਟਲ ਆਪਣੇ ਨਾਮ ਕੀਤਾ ਸੀ।
ਓਵੰਸ ਦਾ ਇਸ ਟਾਈਟਲ ਦਾ ਸੈਥ ਰਾਲਿੰਸ ਅਤੇ ਰੋਮਨ ਰੇਂਸ ਨਾਲ ਮੁਕਾਬਲਾ ਹੋਇਆ ਸੀ। ਇਸਦੇ ਇਲਾਵਾ ਕਰਿਸ ਜੈਰੀਕੋ ਨਾਲ ਵੀ ਉਨ੍ਹਾਂ ਦੀ ਫਾਈਟ ਹੋਈ ਸੀ। ਫਾਸਟਲੇਨ ਵਿਚ ਗੋਲਡਬਰਗ ਦੇ ਹੱਥੋਂ ਕੇਵਿਨ ਓਵੰਸ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਓਵੰਸ ਕੋਲ ਇਹ ਟਾਈਟਲ 188 ਦਿਨ ਤੱਕ ਰਿਹਾ। ਉਥੇ ਹੀ ਰੈਸਲਮੇਨੀਆ 33 ਵਿਚ ਲੈਸਨਰ ਨੇ ਗੋਲਡਬਰਗ ਨੂੰ ਹਰਾ ਕੇ ਇਹ ਖਿਤਾਬ ਆਪਣੇ ਨਾਮ ਕੀਤਾ ਸੀ। ਜੇਕਰ ਰੈਸਲਮੇਨੀਆ 34 ਤੱਕ ਇਹ ਟਾਈਟਲ ਲੈਸਨਰ ਕੋਲ ਹੀ ਰਹਿੰਦਾ ਹੈ ਤਾਂ ਫਿਰ 374 ਦਿਨ ਤੱਕ ਇਹ ਟਾਇਟਲ ਲੈਸਨਰ ਕੋਲ ਹੀ ਰਹੇਗਾ।