ਆਰਚਰ 'ਤੇ ਜੁਰਮਾਨਾ ਲੱਗਾ ਤੇ ਲਿਖਤੀ ਚੇਤਾਵਨੀ ਦਿੱਤੀ ਗਈ

ਮਾਨਚੈਸਟਰ (ਇੰਗਲੈਂਡ)– ਇੰਗਲੈਂਡ ਦੇ ਤੇਜ਼ ਗੇਂਦਬਾਜ਼ ਜੋਫ੍ਰਾ ਆਰਚਰ 'ਤੇ ਕੌਮਾਂਤਰੀ ਕ੍ਰਿਕਟ ਦੀ ਬਹਾਲੀ ਲਈ ਲਾਏ ਗਏ ਸਖਤ ਇਕਾਂਤਵਾਸ ਪ੍ਰੋਟੋਕਾਲ ਦੀ ਉਲੰਘਣਾ ਕਰਨ ਲਈ ਜੁਰਮਾਨਾ ਲਾਇਆ ਗਿਆ ਹੈ ਤੇ ਇਕ ਅਧਿਕਾਰਤ ਚੇਤਾਵਨੀ ਦਿੱਤੀ ਗਈ ਹੈ। ਇੰਗਲੈਂਡ ਐਂਡ ਵੇਲਸ ਕ੍ਰਿਕਟ ਬੋਰਡ (ਈ. ਸੀ. ਬੀ.) ਨੇ ਸ਼ਨੀਵਾਰ ਨੂੰ ਇਕ ਬਿਆਨ ਵਿਚ ਇਹ ਜਾਣਕਾਰੀ ਦਿੱਤੀ। ਬਾਰਬਾਡੋਸ ਵਿਚ ਜਨਮੇ ਆਰਚਰ ਨੇ ਵੈਸਟਇੰਡੀਜ਼ ਵਿਰੁੱਧ ਪਹਿਲੇ ਟੈਸਟ ਤੋਂ ਬਾਅਦ ਘਰ ਜਾ ਕੇ ਸੁਰੱਖਿਅਤ ਪ੍ਰੋਟੋਕਾਲ ਦੀ ਉਲੰਘਣਾ ਕੀਤੀ ਸੀ। ਇਸ ਤੋਂ ਬਾਅਦ ਉਸ ਨੇ ਅਜਿਹਾ ਕਰਨ ਲਈ ਮੁਆਫੀ ਮੰਗੀ ਸੀ। ਆਈ. ਸੀ. ਸੀ. ਨੇ ਟਵੀਟ ਕਰ ਇਸ ਵਾਰੇ 'ਚ ਜਾਣਕਾਰੀ ਦਿੱਤੀ। 

Jofra Archer has been fined and received a written warning after breaking the bio-secure protocols around the #ENGvWI series.

He is due to rejoin the squad on 21 July and will be considered for selection for the third Test. pic.twitter.com/omUeY2CPca

— ICC (@ICC) July 18, 2020

ਫਿਰ ਵੈਸਟਇੰਡੀਜ਼ ਵਿਰੁੱਧ ਵੀਰਵਾਰ ਤੋਂ ਸ਼ੁਰੂ ਹੋਏ ਦੂਜੇ ਟੈਸਟ ਦੀ ਟੀਮ ਵਿਚੋਂ ਉਸ ਨੂੰ ਬਾਹਰ ਕਰ ਦਿੱਤਾ ਗਿਆ ਸੀ ਤੇ ਉਹ ਪੰਜ ਦਿਨਾਂ ਦੇ ਇਕਾਂਤਵਾਸ ਵਿਚ ਹੈ। ਉਸ ਨੂੰ 2 ਵਾਰ ਕੋਵਿਡ-19 ਟੈਸਟ ਕਰਵਾਉਣਾ ਹੋਵੇਗਾ ਤੇ ਨੈਗੇਟਿਵ ਆਉਣ 'ਤੇ ਹੀ ਉਹ ਮੰਗਲਵਾਰ ਨੂੰ ਟੀਮ ਦੇ ਬਾਕੀ ਮੈਂਬਰਾਂ ਦੇ ਨਾਲ ਜੁੜ ਸਕਣਗੇ।