ਇੰਗਲੈਂਡ ਦੀ ਬੀਬੀਆਂ ਦੇ ਫੁੱਟਬਾਲ ’ਚ ਕੋਰੋਨਾ ਵਾਇਰਸ ਦੇ 32 ਪਾਜ਼ੇਟਿਵ ਮਾਮਲੇ
12/23/2020 9:59:06 PM
ਲੰਡਨ- ਇੰਗਲੈਂਡ ਦੀ ਬੀਬੀਆਂ ਦੇ ਫੁੱਟਬਾਲ ’ਚ ਕੋਰੋਨਾ ਪਾਜ਼ੇਟਿਵ ਦੇ 32 ਮਾਮਲੇ ਸਾਹਮਣੇ ਆਏ ਹਨ। ਚੋਟੀ 2 ਫੁੱਟਬਾਲ ਲੀਗ ’ਚ 864 ਖਿਡਾਰੀਆਂ ਅਤੇ ਕਲੱਬ ਦੇ ਸਟਾਫ ਦੇ ਟੈਸਟ ’ਚ ਇਹ ਮਾਮਲੇ ਸਾਹਮਣੇ ਆਏ ਹਨ। ਬੀਬੀਆਂ ਦੇ ਸੁਪਰ ਲੀਗ ਅਤੇ ਬੀਬੀਆਂ ਦੇ ਚੈਂਪੀਅਨਸ਼ਿਪ ’ਚ ਹਫਤਾਵਾਰੀ ਟੈਸਟ ਤੋਂ ਬਾਅਦ ਇੰਗਲਿਸ਼ ਫੁੱਟਬਾਲ ਐਸੋਸੀਏਸ਼ਨ ਵਲੋਂ ਐਲਾਨ ਇਹ ਸਭ ਤੋਂ ਜ਼ਿਆਦਾ ਕੋਵਿਡ-19 ਮਾਮਲੇ ਹਨ।
ਇੰਗਲੈਂਡ ’ਚ ਕੋਵਿਡ-19 ਦੇ ਨਵੇਂ ਸੰਕਰਮਣ ਦੇ ਫੈਲਣ ਨੂੰ ਲੈ ਕੇ ਜਾਰੀ ਚਿੰਤਾਵਾਂ ਕਾਰਨ ਵੱਡੀ ਗਿਣਤੀ ’ਚ ਪਾਜ਼ੇਟਿਵ ਮਾਮਲੇ ਸਾਹਮਣੇ ਆਉਣਾ ਚਿੰਤਾ ਦੀ ਗੱਲ ਹੈ। ਕੁੱਲ ਟੈਸਟ ਦੇ ਲੱਗਭਗ ਚਾਰ ਫੀਸਦੀ ਮਾਮਲੇ ਪਾਜ਼ੇਟਿਵ ਪਾਏ ਗਏ ਹਨ। ਇਸ ਤੋਂ ਪਹਿਲਾਂ ਇੰਗਲਿਸ਼ ਫੁੱਟਬਾਲ ਐਸੋਸੀਏਸ਼ਨ ਨੇ 19 ਤੋਂ 25 ਅਕਤੂਬਰ ਦੇ ਵਿਚ ਸਭ ਤੋਂ ਜ਼ਿਆਦਾ 10 ਪਾਜ਼ੇਟਿਵ ਮਾਮਲਿਆਂ ਦੀ ਪੁਸ਼ਟੀ ਕੀਤੀ ਸੀ। ਟੀਮਾਂ ਐਤਵਾਰ ਨੂੰ ਆਪਣੇ ਪਿਛਲੇ ਮੁਕਾਬਲੇ ਖੇਡਣ ਤੋਂ ਬਾਅਦ ਅਗਲੇ ਮਹੀਨੇ ਤੱਕ ਸਰਦੀਆਂ ਦੀ ਬ੍ਰੇਕ ’ਤੇ ਹਨ।
ਨੋਟ- ਇਸ ਖਬਰ ਸਬੰਧੀ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ।