3 ਭਾਰਤੀਆਂ ਨੇ ਵਿਸ਼ਵ ਯੁਵਾ ਮੁੱਕੇਬਾਜ਼ੀ ਦੇ ਫਾਈਨਲ ''ਚ ਕੀਤਾ ਪ੍ਰਵੇਸ਼

ਗੁਹਾਟੀ— ਭਾਰਤ ਦੀ 3 ਮੁੱਕੇਬਾਜ਼ਾਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਏ.ਆਈ.ਬੀ.ਏ. ਯੁਵਾ ਮਹਿਲਾ ਵਿਸ਼ਵ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ 'ਚ ਆਪਣੇ ਭਾਰ ਵਰਗ ਦੇ ਫਾਈਨਲ 'ਚ ਪ੍ਰਵੇਸ਼ ਕੀਤਾ। ਜੌਤੀ ਗੁਲੀਆ (51 ਕਿ.ਗ੍ਰਾ), ਸ਼ਸ਼ੀ ਚੋਪੜਾ (57 ਕਿ.ਗ੍ਰਾ) ਤੇ ਅੰਕੁਸ਼ਿਤਾ ਬੋਰੋ (64 ਕਿ.ਗ੍ਰਾ) ਨੇ ਜਿੱਤ ਦਰਜ ਕੀਤੀ। ਭਾਰਤੀ ਦਲ ਪਹਿਲੇ ਵਲੋਂ ਸਭ ਤੋਂ ਪਹਿਲਾਂ ਜੌਤੀ ਰਿੰਗ 'ਚ ਆਈ, ਜਿਸ ਨੇ ਕਜਾਖਸਤਾਨ ਦੇ ਜ਼ਾਂਸੀਆ ਆਬਦ੍ਰੇਮੋਵਾ ਵੰਡੇ ਹੋਏ ਫੈਸਲੇ 'ਚ ਹਰਾਇਆ। ਹੁਣ ਫਾਈਨਲ 'ਚ ਉਸਦਾ ਸਾਹਮਣਾ ਕੈਟਰੀਨਾ ਮੋਲਚਾਨੋਵਾ ਨਾਲ ਹੋਵੇਗਾ।
ਸ਼ਸ਼ੀ ਨੇ ਰਿੰਗ 'ਚ ਮਾਂਗੋਲੀਆ ਦੀ ਨਾਮੁਨ ਮੋਂਖੋਰ ਦਾ ਸਰਬਸੰਮਤੀ ਦੇ ਫੈਸਲੇ 'ਚ ਹਰਾਇਆ। ਹੁਣ ਐਤਵਾਰ ਨੂੰ ਹੋਣ ਵਾਲੇ ਫਾਈਨਲ 'ਚ ਉਹ ਵਿਅਤਨਾਮ ਦੀ ਡੀ ਹੋਂਗ ਐਨਗੋਚ ਨਾਲ ਮੁਕਾਬਲਾ ਹੋਵੇਗਾ। ਅੰਕੁਸ਼ਿਤਾ ਦੇ ਰਿੰਗ 'ਚ ਥਾਈਲੈਂਡ ਦੀ ਥਾਨਚਨੋਕ ਸਾਕਸੀ ਨੂੰ ਹਰਾ ਦਿੱਤਾ।