ਨੌਕਰੀ ਦੀ ਭਾਲ ''ਚ ਜਾ ਰਹੇ ਭੈਣ-ਭਰਾ ''ਚ ਵੱਜਿਆ ਟਰੱਕ, ਭੈਣ ਦੀ ਮੌਤ

ਫਗਵਾੜਾ,(ਹਰਜੋਤ)—ਫਗਵਾੜਾ-ਜਲੰਧਰ ਸੜਕ 'ਤੇ ਚਹੇੜੂ ਰੇਲਵੇ ਪੁੱਲ ਉਪਰ ਕਪੂਰਥਲਾ ਤੋਂ ਮੋਟਰਸਾਇਕਲ 'ਤੇ ਸਵਾਰ ਹੋ ਕੇ ਆਏ ਭੈਣ-ਭਰਾ ਨੂੰ ਟਰੱਕ ਨੇ ਟੱਕਰ ਮਾਰ ਦਿੱਤੀ, ਜਿਸ ਦੌਰਾਨ 29 ਸਾਲਾ ਲੜਕੀ ਦੀ ਮੌਤ ਹੋ ਗਈ, ਜਦ ਕਿ ਭਰਾ ਗੰਭੀਰ ਜ਼ਖਮੀ ਹੋ ਗਿਆ।
ਚੌਂਕੀ ਇੰਚਾਰਜ ਸਬ ਇੰਸਪੈਕਟਰ ਗੁਰਪ੍ਰੀਤ ਕੌਰ ਅਤੇ ਜਾਂਚ ਅਧਿਕਾਰੀ ਉਕਾਰ ਸਿੰਘ ਨੇ ਦੱਸਿਆ ਕਿ ਮ੍ਰਿਤਕ ਲੜਕੀ ਦੀ ਪਛਾਣ ਆਰਤੀ ਖੁੱਲਰ ਪੁੱਤਰੀ ਪ੍ਰਸ਼ੋਤਮ ਲਾਲ ਵਾਸੀ ਪਰਮਜੀਤ ਗੰਜ ਕਪੂਰਥਲਾ ਵੱਜੋਂ ਹੋਈ ਹੈ। ਉਕਤ ਲੜਕੀ ਆਪਣੇ ਭਰਾ ਅਕਸ਼ੇ ਕੁਮਾਰ ਪੁੱਤਰ ਸੁਨੀਲ ਸਦਾਨਾ ਵਾਸੀ ਡਿਫੈਂਸ ਕਾਲੋਨੀ ਕਪੂਰਥਲਾ ਨਾਲ ਫਗਵਾੜਾ ਵੱਲ ਆ ਰਹੇ ਸਨ। ਇਸ ਦੌਰਾਨ ਮਗਰੋਂ ਆ ਰਹੇ ਟਰੱਕ ਨੇ ਉਨ੍ਹਾਂ ਨੂੰ ਜ਼ੋਰਦਾਰ ਟੱਕਰ ਮਾਰ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਉਕਤ ਲੜਕੀ ਨੇ ਐੱਮ. ਏ, ਬੀ. ਐੱਡ ਕੀਤੀ ਹੋਈ ਸੀ ਅਤੇ ਆਪਣੇ ਭਰਾ ਨਾਲ ਨੌਕਰੀ ਦੀ ਭਾਲ 'ਚ ਜਾ ਰਹੇ ਸਨ। ਜ਼ਖਮੀ ਲੜਕਾ ਮ੍ਰਿਤਕ ਲੜਕੀ ਦੀ ਭੂਆ ਦਾ ਲੜਕਾ ਦੱਸਿਆ ਗਿਆ ਹੈ। ਇਸ ਸਬੰਧੀ ਪੁਲਸ ਨੇ ਧਾਰਾ 174 ਅਧੀਨ ਕਾਰਵਾਈ ਕਰਕੇ ਲਾਸ਼ ਵਾਰਸਾ ਦੇ ਹਵਾਲੇ ਕਰ ਦਿੱਤੀ ਹੈ।