ਗੈਂਗਵਾਰ ਦੇ ਕਤਲਾਂ ਦਾ ਇਤਿਹਾਸ ਲੰਬਾ, ਲਾਂਰੇਸ ਗਰੁੱਪ ਤੁਰਿਆ ਦਵਿੰਦਰ ਬੰਬੀਹਾ ਗਰੁੱਪ ਨੂੰ ਖਤਮ ਕਰਨ ਦੇ ਰਾਹ

ਮਲੋਟ/ਮੋਗਾ (ਜੁਨੇਜਾ): 22 ਅਕਤੂਬਰ ਨੂੰ ਔਲਖ ਵਿਖੇ ਰਣਜੀਤ ਸਿੰਘ ਰਾਣਾ ਸਿੱਧੂ ਦੇ ਕਤਲ ਦੀ ਜ਼ਿੰਮੇਵਾਰੀ ਭਾਵੇਂ ਉਸੇ ਦਿਨ ਹੀ ਲਾਂਰੇਸ ਬਿਸ਼ਨੋਈ ਗਰੁੱਪ ਨੇ ਲੈ ਲਈ ਸੀ ਅਤੇ ਇਸ ਕਤਲ ਨੂੰ ਗੁਰਲਾਲ ਸਿੰਘ ਬਰਾੜ ਦੇ ਕਤਲ ਦਾ ਬਦਲਾ ਦੱਸਿਆ ਸੀ । ਜਾਣਕਾਰੀ ਅਨੁਸਾਰ ਗੁਰਲਾਲ ਬਰਾੜ ਲਾਂਰੇਸ ਬਿਸ਼ਨੋਈ ਵਲੋਂ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ 'ਚ ਬਣਾਈ ਵਿਦਿਆਰਥੀ ਜਥੇਬੰਦੀ ਸਟੂਡੈਂਟ ਆਫ ਪੰਜਾਬ ਯੂਨੀਵਰਸਿਟੀ ਸੋਪੂ ਦਾ ਪ੍ਰਧਾਨ ਸੀ ਅਤੇ ਕਰੀਬ 5 ਮਹੀਨੇ ਪਹਿਲਾਂ ਉਸਦਾ ਦਵਿੰਦਰ ਬੰਬੀਹਾ ਗਰੁੱਪ ਨੇ ਕਤਲ ਕਰ ਦਿੱਤਾ ਸੀ, ਜਿਸ ਤੋਂ ਬਾਅਦ ਲਾਂਰੇਸ ਗਿਰੋਹ ਨੇ ਬੰਬੀਹਾ ਗਿਰੋਹ ਦਾ ਸਫਾਇਆ ਕਰਨ ਦੀ ਠਾਣ ਲਈ ਸੀ ਇਸ ਲਈ 22 ਅਕਤੂਬਰ ਨੂੰ ਬੰਬੀਹਾ ਗਰੁੱÎਪ ਸਮਰਥਕ ਰਣਜੀਤ ਸਿੰਘ ਰਾਣਾ ਦਾ ਕਤਲ ਕਰਕੇ ਉਨ੍ਹਾਂ ਗੁਰਲਾਲ ਬਰਾੜ ਨੂੰ ਪਹਿਲੀ ਸ਼ਰਧਾਂਜਲੀ ਦੱਸਿਆ ਸੀ। ਹੁਣ ਪੁਲਸ ਨੇ ਵੀ ਲਾਂਰੇਸ ਗਿਰੋਹ ਦੇ ਬੰਦਿਆਂ ਦੀ ਗ੍ਰਿਫਤਾਰੀ ਕਰਕੇ ਇਸ 'ਤੇ ਮੋਹਰ ਲਾ ਦਿੱਤੀ ਹੈ। ਆਪਸੀ ਗੈਂਗਵਾਰ ਦਾ ਇਹ ਪੰਜਾਬ ਵਿਚ ਕੋਈ ਪਹਿਲਾਂ ਕਤਲ ਨਹੀਂ ਸੀ ਸਗੋਂ ਗੈਂਗਵਾਰ ਦੇ ਕਤਲਾਂ ਦਾ ਇਤਿਹਾਸ ਲੰਬਾ ਹੈ।

ਇਹ ਵੀ ਪੜ੍ਹੋ : ਹਵਸੀ ਭੇੜੀਏ ਨੇ ਦੋਸਤ ਦੀ 14 ਸਾਲਾ ਧੀ ਨੂੰ ਬਣਾਇਆ ਹਵਸ ਸ਼ਿਕਾਰ, ਇੰਝ ਖੁੱਲ੍ਹਿਆ ਭੇਤ

ਲੰਬਾਂ ਹੈ ਇਤਿਹਾਸ ਆਪਸੀ ਭੇੜਾਂ ਅਤੇ ਕਤਲਾਂ ਦਾ
ਗੈਂਗਵਾਰ 'ਚ ਆਪਸੀ ਕਤਲਾਂ ਦਾ ਇਤਿਹਾਸ ਭਾਵੇਂ ਲੰਬਾ ਹੋ ਸਕਦਾ ਹੈ ਪਰ 8 ਜੁਲਾਈ 2005 ਨੂੰ ਚੰਡੀਗੜ੍ਹ ਬੋਟ ਕਲੱਬ ਨੇੜੇ ਖ਼ਤਰਨਾਕ ਗੈਂਗਸਟਰ ਪ੍ਰਭਜਿੰਦਰ ਸਿੰਘ ਡਿੰਪੀ ਚੰਦਭਾਨ ਦੇ ਹੋਏ ਕਤਲ 'ਚ ਉਸਦੇ ਹੀ ਸਾਥੀ ਜਸਵਿੰਦਰ ਰੌਕੀ ਫ਼ਾਜ਼ਿਲਕਾ ਦਾ ਨਾਮ ਬੋਲਿਆ। ਭਾਵੇਂ ਸ਼ੇਰਾ ਖੁੱਬਣ ਰੌਕੀ ਦੀ ਛਤਰਛਾਇਆ ਹੇਠ ਵੱਡਾ ਨਾਮ ਬਣਿਆ ਪਰ ਬਾਅਦ 'ਚ ਇਨਾਂ ਦੀ ਅਣਬਣ ਹੋ ਗਈ। 2012 ਜੁਲਾਈ 'ਚ ਸ਼ੇਰੇ ਖੁੱਬਣ ਨੇ ਫਿਰੋਜ਼ਪੁਰ 'ਚ ਰੌਕੀ ਦੇ ਸਾਥੀ ਅਮਲਦੀਪ ਹੈਪੀ ਦਿਉੜਾ ਦਾ ਕਤਲ ਕੀਤਾ ਸੀ ਜਿਸ ਤੋਂ ਬਾਅਦ ਉਸੇ ਸਾਲ ਹੀ ਸਤੰਬਰ 2012 ਸ਼ੇਰੇ ਖੁੱਬਣ ਦੀ ਬਠਿੰਡਾ 'ਚ ਪੁਲਸ ਮੁਕਾਬਲੇ 'ਚ ਮੌਤ ਹੋ ਗਈ। ਸ਼ੇਰੇ ਦੇ ਸਾਥੀ ਇਸ ਪੁਲਸ ਮੁਕਾਬਲੇ ਲਈ ਮੁਖਬਰ ਸਮਝਦੇ ਕਰਮੀਤੀ ਸੇਖੋਂ ਦਾ ਦਸੰਬਰ 13 ਵਿਚ ਕਤਲ ਕਰ ਦਿੱਤਾ ਅਤੇ ਬਾਅਦ ਵਿਚ ਬਾਅਦ ਵਿਚ 2 ਮਈ 2016 ਨੂੰ ਜੈਪਾਲ ਭੁੱਲਰ ਅਤੇ ਤੀਰਥ ਢਿਲਵਾਂ ਵੱਲੋਂ ਜਸਵਿੰਦਰ ਰੌਕੀ ਦਾ ਕਤਲ ਨੂੰ ਸ਼ੇਰੇ ਖੁੱਬਣ ਦੀ ਮੌਤ ਦਾ ਬਦਲਾ ਦੱਸਿਆ ਸੀ ।

ਇਹ ਵੀ ਪੜ੍ਹੋ : ਭਗਵੰਤ ਮਾਨ ਦਾ ਵੱਡਾ ਬਿਆਨ, ਕੈਪਟਨ ਨੇ ਪੰਜਾਬ ਅਤੇ ਕਿਸਾਨਾਂ ਦੀ ਪਿੱਠ 'ਚ ਛੁਰਾ ਮਾਰਿਆ

ਉਧਰ 2 ਫਰਵਰੀ 2010 ਨੂੰ ਸੁੱਖਾ ਕਾਹਲਵਾਂ ਨੇ ਜਲੰਧਰ ਸਪੋਰਟਸ ਕਾਲਜ ਵਿਚ ਕੋਚ ਰਹੇ ਅਤੇ ਆਪਣੇ ਹੀ ਸਾਥੀ ਨਵਦੀਪ ਸਿੰਘ ਲਵਲੀ ਬਾਬਾ ਦਾ ਕਤਲ ਕਰ ਦਿੱਤਾ ਸੀ। ਜਿਸ ਦਾ ਬਦਲਾ ਲੈਣ ਲਈ 21 ਜਨਵਰੀ 2015 ਨੂੰ ਵਿੱਕੀ ਗਾਊਂਡਰ, ਪ੍ਰੇਮਾ ਲਹੌਰੀਆਂ ਅਤੇ ਸਾਥੀਆਂ ਸੁੱਖਾ ਕਾਹਲਵਾਂ ਨੂੰ ਪੁਲਸ ਹਿਰਾਸਤ ਵਿਚ ਕਤਲ ਕਰ ਦਿੱਤਾ। ਬਾਅਦ ਵਿਚ ਵਿੱਕੀ ਅਤੇ ਸਾਥੀ ਗ੍ਰਿਫਤਾਰ ਹੋਏ ਅਤੇ ਨਾਭਾ ਹਾਈ ਸਿਕੀਓਰਿਟੀ ਜੇਲ ਵਿਚੋਂ ਵਿੱਕੀ ਗਾਊਡਰ, ਗੁਰਪ੍ਰੀਤ ਸੇਖੋਂ, ਤੀਰਥ ਢਿਲਵਾਂ ਸਮੇਤ ਸਾਥੀਆਂ ਫਰਾਰ ਹੋ ਗਏ। 27 ਜਨਵਰੀ 2018 ਨੂੰ ਵਿੱਕੀ ਗਾਊਡਰ ਅਤੇ ਪ੍ਰੇਮਾ ਲਹੌਰੀਆਂ ਨੂੰ ਪੰਜਾਬ ਰਾਜਸਥਾਨ ਦੀ ਸਰਹੱਦ 'ਤੇ ਗੰਗਾਨਗਰ ਵਿਖੇ ਇਕ ਢਾਣੀ ਵਿਚ ਮਾਰ ਦਿੱਤਾ ਗਿਆ ਸੀ। ਇਸ ਤਰ੍ਹਾਂ ਹੀ 2 ਦਸੰਬਰ ਨੂੰ ਮਲੋਟ ਵਿਖੇ ਮੰਨਾ ਦੇ ਕਤਲ ਤੋਂ ਬਾਅਦ ਰਾਜੂ ਬਿਸੋਡੀ ਨੇ ਲਾਰੇਂਸ ਬਿਸ਼ਨੋਈ ਦੇ ਫੇਸਬੁੱਕ ਪੇਜ ਉਪਰ ਮੰਨਾ ਦੇ ਕਤਲ ਦੀ ਜ਼ਿੰਮੇਵਾਰੀ ਲੈਂਦਿਆਂ ਇਸ ਨੂੰ ਅੰਕਿਤ ਭਾਦੂ ਦੇ ਕਤਲ ਦਾ ਬਦਲਾ ਦੱਸਿਆ ਸੀ । 22 ਅਕਤੂਬਰ ਨੂੰ ਮਲੋਟ ਨੇੜੇ ਔਲਖ ਵਿਖੇ ਰਾਣਾ ਸਿੱਧੂ ਦਾ ਕਤਲ ਕਰਕੇ ਲਾਂਰੇਸ ਗਰੁੱਪ ਨੇ ਇਸ ਨੂੰ ਗੁਰਲਾਲ ਬਰਾੜ ਦੀ ਮੌਤ ਦਾ ਬਦਲਾ ਦੱਸਿਆ ਹੈ।