ਨੰਨ੍ਹੀ ਦਿਲਰੋਜ ਦੇ ਭਰਾ ਅਗਮਪ੍ਰੀਤ ਨੇ ਬੇਦਰਦ ਕਾਤਲ ਔਰਤ ਦਾ ਫੂਕਿਆ ਰਾਵਣ ਰੂਪ ਪੁਤਲਾ
10/06/2022 6:23:47 PM
ਲੁਧਿਆਣਾ (ਮੋਹਿਨੀ) : ਢਾਈ ਸਾਲਾ ਮਾਸੂਮ ਨੰਨ੍ਹੀ ਦਿਲਰੋਜ ਦਾ 28 ਨਵੰਬਰ, 2021 ਨੂੰ ਉਨ੍ਹਾਂ ਦੇ ਗੁਆਂਢ 'ਚ ਰਹਿਣ ਵਾਲੀ ਔਰਤ ਨੇ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ ਸੀ। ਉਸ ਨੇ ਦਿਲਰੋਜ ਨੂੰ ਆਪਣੇ ਝਾਂਸੇ 'ਚ ਲੈ ਕੇ ਜ਼ਿੰਦਾ ਦਫ਼ਨਾ ਦਿੱਤਾ ਸੀ। ਇਸ ਪ੍ਰਤੀ ਗੁੱਸਾ ਜ਼ਾਹਰ ਕਰਦੇ ਹੋਏ ਮ੍ਰਿਤਕਾ ਦਿਲਰੋਜ ਦੇ ਭਰਾ ਅਗਮਪ੍ਰੀਤ ਸਿੰਘ ਨੇ ਉਕਤ ਦੋਸ਼ੀ ਔਰਤ ਨੀਲਮ ਦਾ ਰਾਵਣ ਰੂਪੀ ਪੁਤਲਾ ਬਣਾ ਕੇ ਸਾੜਿਆ ਅਤੇ ਆਪਣੀ ਭੈਣ ਨੂੰ ਸ਼ਰਧਾਂਜਲੀ ਭੇਂਟ ਕੀਤੀ।
ਇਹ ਵੀ ਪੜ੍ਹੋ : ਸੁਖ਼ਨਾ ਝੀਲ 'ਤੇ 'ਏਅਰਸ਼ੋਅ' ਦੇਖਣ ਵਾਲਿਆਂ ਦੀ ਲੱਗ ਰਹੀ ਭੀੜ, ਲੋਕ ਭੁੱਲ ਕੇ ਵੀ ਨਾਲ ਨਾ ਲਿਜਾਣ ਇਹ ਚੀਜ਼ਾਂ (ਤਸਵੀਰਾਂ)
ਦਿਲਰੋਜ ਦੇ ਪਰਿਵਾਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਧੀ ਦੇ ਨਾਲ ਦੋਸ਼ੀ ਨੀਲਮ ਨੇ ਦਰਿੰਦਗੀ ਦੀ ਉਹ ਹੱਦ ਪਾਰ ਕਰ ਦਿੱਤੀ ਸੀ, ਜਿਸ ਨੂੰ ਸੁਣ ਕੇ ਵੀ ਰੌਂਗਟੇ ਖੜ੍ਹੇ ਹੋ ਜਾਂਦੇ ਹਨ। ਉਸ ਦੇ ਭਰਾ ਦਾ ਕਹਿਣਾ ਹੈ ਕਿ ਮੈਂ ਆਪਣੀ ਭੈਣ ਦੀ ਕਾਤਲ ਦਾ ਪੁਤਲਾ ਬਣਾਇਆ ਅਤੇ ਉਸ ਨੂੰ ਅਗਨੀ ਭੇਂਟ ਕੀਤਾ ਹੈ ਅਤੇ ਸਮਾਜ ਦੇ ਲੋਕਾਂ ਨੂੰ ਮੇਰਾ ਇਹ ਸੁਨੇਹਾ ਹੈ ਕਿ ਅਜਿਹੇ ਕਾਤਲਾਂ ਨੂੰ ਬਖ਼ਸ਼ਿਆ ਨਾ ਜਾਵੇ।
ਇਹ ਵੀ ਪੜ੍ਹੋ : ਪੰਜਾਬ ਦੇ ਨੌਜਵਾਨਾਂ ਨੂੰ ਮਾਨ ਸਰਕਾਰ ਦਾ ਵੱਡਾ ਤੋਹਫ਼ਾ, ਖ਼ੁਦ ਟਵੀਟ ਕਰਕੇ ਦਿੱਤੀ ਇਹ ਖ਼ੁਸ਼ਖਬਰੀ
ਦੱਸਣਯੋਗ ਹੈ ਕਿ ਦਿਲਰੋਜ ਦੇ ਪਿਤਾ ਪੰਜਾਬ ਪੁਲਸ 'ਚ ਤਾਇਨਾਤ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਧੀ ਦੇ ਜਾਣ ਦਾ ਬੇਹੱਦ ਗਮ ਹੈ। ਦੋਸ਼ੀ ਔਰਤ ਅਜੇ ਜੇਲ੍ਹ 'ਚ ਬੰਦ ਹੈ ਅਤੇ ਅਦਾਲਤ 'ਚ ਕੇਸ ਚੱਲ ਰਿਹਾ ਹੈ। ਉਨ੍ਹਾਂ ਨੂੰ ਭਰੋਸਾ ਹੈ ਕਿ ਸਾਨੂੰ ਇਨਸਾਫ਼ ਜ਼ਰੂਰ ਮਿਲੇਗਾ।
ਨੋਟ : ਇਸ ਖ਼ਬਰ ਸਬੰਧੀ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ