ਪੁਰਾਣੇ ਉਮੀਦਵਾਰਾਂ ''ਤੇ ਹੀ ਦਾਅ ਚੱਲੇਗੀ ਭਾਜਪਾ, ਅੱਜ ਸ਼ਾਮ ਨੂੰ ਜਾਰੀ ਹੋ ਸਕਦੀ ਹੈ ਸੂਚੀ

ਜਲੰਧਰ : ਪੰਜਾਬ ''ਚ 4 ਫਰਵਰੀ ਨੂੰ ਹੋਣ ਜਾ ਰਹੀਆਂ ਵਿਧਾਨ ਸਭਾ ਚੋਣਾਂ ਲਈ ਸਿਆਸੀ ਦਲ ਮੈਦਾਨ ''ਚ ਹਨ ਪਰ ਭਾਜਪਾ ਇਕ ਅਜਿਹੀ ਪਾਰਟੀ ਹੈ, ਜਿਸ ਨੇ ਅਜੇ ਤੱਕ ਸੂਬੇ ''ਚ ਆਪਣੇ ਹਿੱਸੇ ਵਾਲੀਆਂ ਸਾਰੀਆਂ 23 ਸੀਟਾਂ ''ਚੋਂ ਕਿਸੇ ਇਕ ''ਤੇ ਵੀ ਆਪਣੇ ਉਮੀਦਵਾਰ ਦਾ ਐਲਾਨ ਨਹੀਂ ਕੀਤਾ ਹੈ। ਦੂਜੇ ਪਾਸੇ ਦਿੱਲੀ ''ਚ ਪਾਰਲੀਮੈਂਟਰੀ ਕਮੇਟੀ ਦੀ ਮੀਟਿੰਗ ਚੱਲ ਰਹੀ ਹੈ ਅਤੇ ਸੂਤਰਾਂ ਮੁਤਾਬਕ ਕਿਹਾ ਜਾ ਰਿਹਾ ਹੈ ਕਿ ਭਾਜਪਾ ਜ਼ਿਆਦਾਤਰ ਆਪਣੇ ਪੁਰਾਣੇ ਉਮੀਦਵਾਰਾਂ ਨੂੰ ਹੀ ਮੈਦਾਨ ''ਚ ਉਤਾਰੇਗੀ। ਅੰਮ੍ਰਿਤਸਰ ਪੂਰਬੀ ਤੋਂ ਕਿਸੇ ਫਿਲਮੀ ਸਟਾਰ ਨੂੰ ਉਤਾਰੇ ਜਾਣ ਦੀ ਵੀ ਗੱਲ ਕਹੀ ਜਾ ਰਹੀ ਹੈ। ਭਗਤ ਚੂਨੀ ਲਾਲ ਅਤੇ ਮਦਨ ਮੋਹਨ ਮਿੱਤਲ ਦੇ ਬੇਟਿਆਂ ਨੂੰ ਟਿਕਟ ਮਿਲਣ ਦੀ ਉਮੀਦ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਭਾਜਪਾ ਉਮੀਦਵਾਰਾਂ ਦੀ ਸੂਚੀ ਸ਼ਾਮ ਨੂੰ 7.30 ਵਜੇ ਤੱਕ ਆ ਸਕਦੀ ਹੈ।