ਬੇਘਰ ਬਜ਼ੁਰਗ ਜੋੜੇ ਲਈ ਮਸੀਹਾ ਬਣਿਆ ਪੰਜਾਬ ਪੁਲਸ ਦਾ ਜਵਾਨ
08/19/2019 7:39:16 PM
ਅੰਮ੍ਰਿਤਸਰ (ਸੁਮਿਤ ਖੰਨਾ) : ਅੱਜ ਤੱਕ ਸ਼ਾਇਦ ਤੁਸੀਂ ਪੰਜਾਬ ਪੁਲਸ ਨੂੰ ਦੂਜਿਆਂ ਦੀਆਂ ਜੇਬਾਂ 'ਚੋਂ ਪੈਸੇ ਕਢਵਾਉਂਦੇ ਹੀ ਵੇਖਿਆ ਹੋਵੇਗਾ ਪਰ ਅੱਜ ਅਸੀਂ ਤੁਹਾਨੂੰ ਇਕ ਅਜਿਹੇ ਪੁਲਸ ਵਾਲੇ ਨੂੰ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਸਦੀ ਦਰਿਆਦਿਲੀ ਤੁਹਾਡਾ ਵੀ ਦਿਲ ਜਿੱਤ ਲਵੇਗੀ। ਅੰਮ੍ਰਿਤਸਰ ਦੇ ਥਾਣਾ ਮਹਿਤਾ 'ਚ ਤਾਇਨਾਤ ਹੈੱਡ ਕਾਂਸਟੇਬਲ ਹਰਪ੍ਰੀਤ ਸਿੰਘ ਇਕ ਗਰੀਬ ਜੋੜੇ ਲਈ ਮਸੀਹਾ ਬਣ ਕੇ ਆਏ ਹਨ। ਘਰ ਦੇ ਨਾਮ 'ਤੇ ਇਸ ਬਜ਼ੁਰਗ ਜੋੜੇ ਕੋਲ ਖੰਡਰ ਵਰਗੀ ਇਹ ਖਸਤਾਹਾਲ ਇਮਾਰਤ ਹੈ, ਜਿਸ 'ਚ ਇਹ ਦਿਨ ਕੱਟੀ ਕਰ ਰਹੇ ਸਨ। ਇਸ ਗਰੀਬ ਜੋੜੇ ਦੀ ਖਸਤਾ ਹਾਲਤ ਵੇਖ ਕੇ ਹਰਪ੍ਰੀਤ ਸਿੰਘ ਦਾ ਅਜਿਹਾ ਦਿਲ ਪਸੀਜਿਆ ਕਿ ਇਸਨੇ ਨਾ ਸਿਰਫ ਇਸ ਪਰਿਵਾਰ ਨੂੰ ਮੀਂਹ 'ਚ ਡੰਗ ਟਪਾਉਣ ਲਈ 11 ਹਜ਼ਾਰ ਰੁਪਏ ਭੇਟ ਕੀਤੇ ਸਗੋਂ ਐੱਨ.ਆਰ.ਆਈਜ਼ ਦੇ ਸਹਿਯੋਗ ਨਾਲ ਇਨ੍ਹਾਂ ਲਈ ਕਮਰਾ ਵੀ ਬਣਵਾਉਣਾ ਸ਼ੁਰੂ ਕਰ ਦਿੱਤਾ।
ਜਾਣਕਾਰੀ ਮਪਤਾਬਕ ਕਿਸੇ ਕੰਮ ਜਾਂਦਿਆਂ ਹਰਪ੍ਰੀਤ ਨੇ ਇਸ ਜੋੜੇ ਨੂੰ ਮੀਂਹ ਦੌਰਾਨ ਤੱਪੜਾਂ ਹੇਠ ਖੁਦ ਨੂੰ ਲੁਕਾਉਣ ਦੀ ਕੋਸ਼ਿਸ਼ ਕਰਦਿਆਂ ਵੇਖਿਆ ਤਾਂ ਉਨ੍ਹਾਂ ਕੋਲੋਂ ਘਰ ਬਾਰੇ ਪੁੱਛਿਆ ਤਾਂ ਪਤਾ ਲੱਗਾ ਕਿ ਘਰ ਦੇ ਨਾਂ 'ਤੇ ਇਨ੍ਹਾਂ ਕੋਲ ਸਿਰਫ ਇਹ ਖੰਡਰ ਵਰਗੀ ਚਾਰ-ਦੀਵਾਰੀ ਹੈ।