ਪਿੰਡ ਅਚਰਾਲ ਖੁਰਦ ਵਿਚ ਸਦਰ ਪੁਲਸ ਦੀ ਰੇਡ, 50 ਲਿਟਰ ਲਾਹਨ ਬਰਾਮਦ
04/08/2022 5:44:49 PM
ਸਮਾਣਾ (ਦਰਦ, ਅਸ਼ੋਕ) : ਗਾਜੇਵਾਸ ਪੁਲਸ ਨੇ ਪਿੰਡ ਅਚਰਾਲ ਖੁਰਦ ’ਚ ਕੀਤੀ ਰੇਡ ਦੌਰਾਨ 50 ਲਿਟਰ ਲਾਹਨ ਬਰਾਮਦ ਕਰਕੇ ਇਕ ਵਿਅਕਤੀ ਖ਼ਿਲਾਫ ਐਕਸਾਈਜ਼ ਐਕਟ ਦੀਆਂ ਧਰਾਵਾਂ ਤਹਿਤ ਮਾਮਲਾ ਦਰਜ ਕੀਤਾ ਹੈ। ਦੋਸ਼ੀ ਦੀ ਪਹਿਚਾਣ ਧਰਮ ਸਿੰਘ ਨਿਵਾਸੀ ਪਿੰਡ ਅਚਰਾਲ ਖੁਰਦ ਵਜੋਂ ਹੋਈ। ਗਾਜੇਵਾਸ ਪੁਲਸ ਮੁਖੀ ਸਬ ਇੰਸਪੈਕਟਰ ਰਣਧੀਰ ਸਿੰਘ ਨੇ ਦੱਸਿਆ ਕਿ ਏ. ਐੱਸ. ਆਈ. ਸਮਸ਼ੇਰ ਸਿੰਘ ਵੱਲੋਂ ਪੁਲਸ ਪਾਰਟੀ ਸਣੇ ਗਸ਼ਤ ਦੌਰਾਨ ਨਾਜਾਇਜ਼ ਸ਼ਰਾਬ ਕਸੀਦ ਕਰਨ ਸੰਬੰਧੀ ਮਿਲੀ ਸੂਚਨਾ ਦੇ ਆਧਾਰ ’ਤੇ ਰੇਡ ਕੀਤੀ।
ਇਸ ਦੌਰਾਨ ਜਦੋਂ ਪੁਲਸ ਨੇ ਮੌਕੇ ਜਾ ਕੇ ਟੋਆ ਪੁੱਟ ਕੇ ਦੇਖਿਆ ਤਾਂ ਜ਼ਮੀਨ ’ਚ ਦੱਬੀ ਹੋਈ 50 ਲਿਟਰ ਲਾਹਨ ਬਰਾਮਦ ਕੀਤੀ। ਇਸ ਦੌਰਾਨ ਮੁਲਜ਼ਮ ਮੌਕੇ ਤੋਂ ਫ਼ਰਾਰ ਹੋਣ ਵਿਚ ਸਫਲ ਰਿਹਾ। ਪੁਲਸ ਵੱਲੋਂ ਫਰਾਰ ਦੋਸ਼ੀ ਦੀ ਭਾਲ ਕੀਤੀ ਜਾ ਰਹੀ ਹੈ।