ਵੈਸ਼ਨੋ ਦੇਵੀ ਦੇ ਨਵੇਂ ਮਾਰਗ ਨੂੰ ਲੈ ਕੇ ਐਨ.ਜੀ.ਟੀ ਦੇ ਆਦੇਸ਼ ''ਤੇ ਸੁਪਰੀਮ ਕੋਰਟ ਨੇ ਲਗਾਈ ਰੋਕ

ਕਟੜਾ— ਸੁਪਰੀਮ ਕੋਰਟ ਨੇ ਵੈਸ਼ਨੋ ਦੇਵੀ ਗੁਫਾ ਮੰਦਰ ਜਾਣ ਵਾਲੇ ਪੈਦਲ ਸ਼ਰਧਾਲੂਆਂ ਅਤੇ ਬੈਟਰੀ ਚਾਲਿਤ ਕਾਰਾਂ ਲਈ 24 ਨਵੰਬਰ ਤੋਂ ਨਵਾਂ ਮਾਰਗ ਖੁਲ੍ਹਣ ਦੇ ਰਾਸ਼ਟਰੀ ਗ੍ਰੀਨ ਆਫਿਸਰ ਦੇ ਆਦੇਸ਼ 'ਤੇ ਰੋਕ ਲਗਾ ਦਿੱਤੀ ਗਈ ਹੈ ਅਤੇ ਇਸ ਫੈਸਲੇ ਦਾ ਕਟੜਾ ਦੇ ਵਪਾਰੀਆਂ ਨੇ ਖੂਬ ਸੁਆਗਤ ਕੀਤਾ ਹੈ। ਐਨ.ਜੀ.ਟੀ ਆਦੇਸ਼ ਦੇ ਬਾਅਦ ਘੋੜ, ਪਾਲਕੀ, ਪਿੱਠੂ ਮਜ਼ਦੂਰਾਂ ਨੇ ਹਜ਼ਾਰਾਂ ਦੀ ਸੰਖਿਆ 'ਚ ਇੱਕਠੇ ਹੋ ਕੇ ਕਟੜਾ 'ਚ ਐਨ.ਜੀ.ਟੀ ਦੇ ਫੈਸਲੇ ਦਾ ਖੂਬ ਵਿਰੋਧ ਪ੍ਰਦਰਸ਼ਨ ਕੀਤਾ ਸੀ। ਜਿਸ 'ਚ ਉਨ੍ਹਾਂ ਨੇ ਮੰਗਿਆ ਸੀ ਕਿ ਫੈਸਲੇ ਨੂੰ ਵਾਪਸ ਲਿਆ ਜਾਵੇ। ਹੁਣ 24 ਨਵਬੰਰ ਨੂੰ ਮਾਰਗ ਖੋਲ੍ਹਣ ਦੇ ਫੈਸਲੇ 'ਤੇ ਰੋਕ ਲਗਾ ਦਿੱਤੀ ਗਈ ਹੈ। ਜਿਸ ਨਾਲ ਵਪਾਰੀ ਵਰਗ 'ਚ ਰਾਹਤ ਦੇਖੀ ਜਾ ਰਹੀ ਹੈ। 
ਸੁਪਰੀਮ ਕੋਰਟ ਦੇ ਨਿਰਦੇਸ਼ ਦੇ ਬਾਅਦ ਘੋੜਾ ਮਜ਼ਦੂਰ ਦੇ ਪ੍ਰਧਾਨ ਭੁਪੇਂਦਰ ਸਿੰਘ ਨੇ ਗੱਲ ਕਰਦੇ ਹੋਏ ਕਿਹਾ ਕਿ ਇਹ ਕਦਮ ਬਹੁਤ ਹੀ ਵਧੀਆ ਕਦਮ ਹੈ। ਉਨ੍ਹਾਂ ਨੇ ਕਿਹਾ ਕਿ ਸੁਪਰੀਮ ਕੋਰਟ ਦੇ ਫੈਸਲੇ ਦਾ ਅਸੀਂ ਸਾਰੇ ਸੁਆਗਤ ਕਰਦੇ ਹਾਂ ਅਤੇ ਵੈਸ਼ਨੋ ਦੇਵੀ 'ਚ ਜਿੰਨੇ ਲੋਕ ਇਸ ਟਰੈਕ ਕਾਰਨ ਤੋਂ ਬੇਰੁਜ਼ਗਾਰ ਹੋਣ ਵਾਲੇ ਸੀ, ਅਸੀਂ ਉਨ੍ਹਾਂ ਸਭ ਵੱਲੋਂ ਕੋਰਟ ਦਾ ਧੰਨਵਾਦ ਕਰਦੇ ਹਾਂ। ਭੁਪੇਂਦਰ ਸਿੰਘ ਨੇ ਕਿਹਾ ਕਿ ਇਹ ਨਵੇਂ ਮਾਰਗ ਨੂੰ ਖੋਲ੍ਹਣ  ਨੂੰ ਲੈ ਕੇ ਹੀ ਪਹਿਲੇ ਹੀ ਪ੍ਰਦਰਸ਼ਨ ਹੋ ਰਹੇ ਹਨ। ਇਸ ਨਾਲ ਯਾਤਰਾ ਦੇ ਸ਼ੁਰੂਆਤੀ ਮਾਰਗ 'ਤੇ ਅਸਰ ਹੋਣਾ ਨਾਲ ਹੀ ਕਈ ਲੋਕਾਂ ਦੀ ਰੋਜ਼ੀ-ਰੋਟੀ ਖੋਹ ਲਈ ਜਾਵੇਗੀ। ਸਿੰਘ ਨੇ ਬੋਰਡ ਤੋਂ ਅਪੀਲ ਕੀਤੀ ਹੈ ਕਿ ਉਹ ਨਵੇਂ ਮਾਰਗ ਨੂੰ ਲੈ ਕੇ ਆਪਣੇ ਫੈਸਲੇ ਤੇ ਫਿਰ ਤੋਂ ਵਿਚਾਰ ਕਰਨ ਅਤੇ ਨਾਲ ਹੀ ਇਹ ਵੀ ਕਿਹਾ ਕਿ ਐਸ.ਸੀ ਨੇ ਜੋ ਫੈਸਲਾ ਦਿੱਤਾ ਹੈ ਉਸ ਨਾਲ ਲੋਕਾਂ ਨੂੰ ਰਾਹਤ ਮਿਲੀ ਹੈ।