ਹਿਮਾਚਲ ''ਚ 136 ਵੋਟਿੰਗ ਕੇਂਦਰ ਦੀ ਵਾਗਡੋਰ ਸੰਭਾਲਣਗੀਆਂ ਔਰਤਾਂ

ਸ਼ਿਮਲਾ— ਹਿਮਾਚਲ ਦੇ ਸਾਰੇ 68 ਵਿਧਾਨਸਭਾ ਖੇਤਰਾਂ 'ਚ 9 ਨਵੰਬਰ ਨੂੰ ਹੋਣ ਵਾਲੀਆਂ ਵਿਧਾਨਸਭਾ ਚੋਣਾਂ ਲਈ ਕੁੱਲ 136 ਵੋਟਿੰਗ ਕੇਂਦਰਾਂ 'ਤੇ ਮਹਿਲਾ ਪੁਲਸ ਕਰਮਚਾਰੀਆਂ ਅਤੇ ਸਾਰੀਆਂ ਮਹਿਲਾ ਕਰਮਚਾਰੀਆਂ ਨੂੰ ਡਿਊਟੀ ਲਈ ਤਾਇਨਾਤ ਕੀਤਾ ਜਾਵੇਗਾ। ਇਸ ਗੱਲ ਦੀ ਜਾਣਕਾਰੀ ਮੁੱਖ ਚੋਣ ਅਧਿਕਾਰੀ ਪੁਸ਼ਪੇਂਦਰ ਰਾਜਪੂਤ ਨੇ ਦਿੱਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਚੁਣਾਵੀ ਪ੍ਰੀਕਿਰਿਆ 'ਚ ਮਹਿਲਾਵਾਂ ਨੂੰ ਹਿੱਸੇਦਾਰੀ 'ਚ ਪ੍ਰੇਰਿਤ ਕਰਨ ਲਈ ਰਾਜ 'ਚ ਪਹਿਲੀ ਵਾਰ ਹਰ ਚੋਣ ਅਧਿਕਾਰੀ ਖੇਤਰ 'ਚ ਦੋ ਮਹਿਲਾ ਪ੍ਰਬੰਧਿਤ ਵੋਟਿੰਗ ਕੇਂਦਰ ਸਥਾਪਿਤ ਕੀਤੇ ਗਏ ਹਨ। 
ਰਾਜ ਦੇ ਸਭ ਤੋਂ ਵੱਡੇ ਜ਼ਿਲੇ ਕਾਂਗੜਾ 'ਚ ਬਹੁਤ ਮਹਿਲਾ ਪ੍ਰਬੰਧ ਕੇਂਦਰ ਹਨ। ਹਿਮਾਚਲ 'ਚ ਕੁੱਲ 49.13 ਲੱਖ ਵੋਟਰ ਆਪਣਾ ਵੋਟ ਦੇਣਗੇ। 9 ਨਵੰਬਰ ਨੂੰ ਵਿਧਾਨਸਭਾ ਚੋਣਾਂ ਹਨ ਅਤੇ ਇਸ ਦੀ ਨਤੀਜੇ 18 ਦਸੰਬਰ ਨੂੰ ਘੋਸ਼ਿਤ ਕੀਤੇ ਜਾਣਗੇ। ਰਾਜ 'ਚ ਕੁੱਲ 7,521 ਵੋਟਿੰਗ ਕੇਂਦਰ ਹਨ, ਜਿਨ੍ਹਾਂ 'ਚ ਕਿੰਨੌਰ ਦੇ ਕਾਂਹ 'ਚ ਸਭ ਤੋਂ ਘੱਟ 6 ਵੋਟਰ ਹਨ। ਸਭ ਤੋਂ ਉਚੇ ਸਥਾਨ 'ਤੇ ਸਥਿਤ ਵੋਟਿੰਗ ਕੇਂਦਰ ਹਿਕਿੱਮ ਹੈ, ਜੋ ਲਾਹੌਨ ਸਪੀਤੀ ਜ਼ਿਲੇ 'ਚ ਸਭ ਤੋਂ ਜ਼ਿਆਦਾ ਉਚਾਈ 15 ਹਜ਼ਾਰ ਫੁੱਟ 'ਤੇ ਸਥਿਤ ਹਨ।