ਸਾਰੇ ਟੋਲ ਪਲਾਜ਼ਾਂ ''ਤੇ ਮਿਲੇਗੀ ਇਹ ਨਵੀਂ ਸੁਵਿਧਾ, ਆਵਾਜਾਈ ਮੰਤਰਾਲੇ ਨੇ ਦਿੱਤਾ ਹੁਕਮ

ਨਵੀਂ ਦਿੱਲੀ— ਲੰਬੀ ਯਾਤਰਾ ਦੌਰਾਨ ਲੋਕਾਂ ਦੀਆਂ ਲੋੜਾਂ ਨੂੰ ਧਿਆਨ 'ਚ ਰੱਖਦੇ ਹੋਏ ਅਤੇ ਟੋਲ ਨਾਕਿਆਂ ਤੋਂ ਕਮਾਈ ਵਧਾਉਣ ਦੇ ਮੱਦੇਨਜ਼ਰ ਸਰਕਾਰ ਨੇ ਹਰ ਟੋਲ ਪਲਾਜ਼ਾ 'ਤੇ ਸੇਵਾ ਕੈਟਰਿੰਗ ਸ਼ੁਰੂ ਕਰਨ ਦਾ ਫੈਸਲਾ ਕੀਤਾ ਹੈ।
ਸੜਕ ਆਵਾਜਾਈ ਅਤੇ ਰਾਜਮਾਰਗ ਮੰਤਰਾਲੇ ਨੇ ਕਿਹਾ ਕਿ ਜੋ ਹਾਈਵੇ ਨੇਸਟ (ਮਿੰਨੀ) ਨਾਂ ਤੋਂ ਖੋਲ੍ਹੇ ਜਾਣ ਵਾਲੇ ਇਨ੍ਹਾਂ ਕਿਓਸਕ 'ਤੇ ਪੀਣ ਦਾ ਪਾਣੀ, ਚਾਹ/ਕੌਫੀ ਅਤੇ ਪੈਕਟਬੰਦ ਖਾਣੇ ਦੇ ਨਾਲ ਇਕ ਵੱਡੀ ਜਨਤਕ ਸਹੂਲਤ ਹੋਵੇਗੀ। ਇਹ ਸਹੂਲਤ ਇਸ ਸਾਲ ਮਾਰਚ ਤੱਕ ਕੌਮੀ ਰਾਜ ਮਾਰਗ ਪ੍ਰਬੰਧਨ ਵਲੋਂ ਚਲਾਏ ਜਾ ਰਹੇ ਦੇਸ਼ ਦੇ ਸਾਰੇ 372 ਟੋਲ ਪਲਾਜ਼ਾ 'ਤੇ ਉਪਲੱਬਧ ਹੋਵੇਗੀ। ਇਸ ਤਰ੍ਹਾਂ ਦੇ ਦੋ ਅਜਿਹੇ ਰਾਜਮਾਰਗ ਨੇਸਟ(ਮਿੰਨੀ) ਦਾ ਉਦਘਾਟਨ ਕੀਤਾ ਗਿਆ ਹੈ ਅਤੇ ਆਪਣੀ ਸਫਲਤਾ ਨੂੰ ਦੇਖਦੇ ਹੋਏ ਇਸ ਦਾ ਵਿਸਥਾਰ ਸਾਰੇ ਟੋਲ ਪਲਾਜ਼ਾ 'ਤੇ ਕਰਨ ਦਾ ਫੈਸਲਾ ਕੀਤਾ ਗਿਆ ਹੈ।
ਉਥੇ ਹੀ ਇਕ ਸੜਕ ਹਾਈਵੇ ਨੇਸਟ (ਮਿੰਨੀ) ਰਾਸ਼ਟਰੀ ਮਾਰਗ-76 ਦੇ ਉਦੇਪੁਰ-ਚਿਤੌੜਗੜ੍ਹ-ਕੋਟਾ ਸੈਕਸ਼ਨ 'ਚ ਨਾਰਾਇਣ ਟੋਲ ਪਲਾਜ਼ਾ 'ਤੇ ਅਤੇ ਦੂਜੇ ਰਾਸ਼ਟਰੀ ਰਾਜਮਾਰਗ-65 ਦੇ ਹੈਦਰਾਬਾਦ ਵਿਜੇਵਾੜਾ ਸੈਕਸ਼ਨ 'ਚ ਕੋਰਲਾਪਹਿਦ ਟੋਲ ਪਲਾਜ਼ਾ 'ਤੇ ਖੋਲ੍ਹਿਆ ਗਿਆ ਹੈ।