ਅਜੀਬ ਘਟਨਾ: ਮਹਾਰਾਸ਼ਟਰ-MP ’ਚ ਆਸਮਾਨ ’ਚ ਦਿੱਸੀ ਰਹੱਸਮਈ ਰੋਸ਼ਨੀ, ਲੋਕ ਹੋਏ ਹੈਰਾਨ
04/03/2022 11:02:08 AM
ਨੈਸ਼ਨਲ ਡੈਸਕ- ਭਾਰਤ ਦੇ ਦੋ ਸੂਬਿਆਂ ’ਚ ਸ਼ਨੀਵਾਰ ਦੇਰ ਰਾਤ ਚਮਕਦੀ ਹੋਈ ਚੀਜ਼ ਦੇ ਆਸਮਾਨ ਤੋਂ ਹੇਠਾਂ ਡਿੱਗਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਉੱਤਰੀ ਮਹਾਰਾਸ਼ਟਰ ਅਤੇ ਮੱਧ ਪ੍ਰਦੇਸ਼ ਦੇ ਕੁਝ ਜ਼ਿਲ੍ਹਿਆਂ ’ਚ ਸ਼ਨੀਵਾਰ ਰਾਤ ਨੂੰ ਆਸਮਾਨ ਤੋਂ ਅਜੀਬ ਜਿਹੀ ਰੋਸ਼ਨੀ ਨਾਲ ਇਕ ਗੋਲੇ ਨੂੰ ਧਰਤੀ ਵੱਲ ਡਿੱਗਣ ਦੀ ਸੂਚਨਾ ਦਿੱਤੀ।
Sky is on fire tonight seen #meteorite in Maharashtra pic.twitter.com/V5h5P5Ahrf
— Divya jam (@Secret_shadow10) April 2, 2022
ਮਾਹਰਾਂ ਨੇ ਅਨੁਮਾਨ ਲਾਇਆ ਕਿ ਇਹ ਜਾਂ ਤਾ ਧਰਤੀ ਦੇ ਵਾਯੂਮੰਡਲ ’ਚ ਪ੍ਰਵੇਸ਼ ਕਰਨ ਵਾਲੇ ਉਲਕਾਪਿੰਡ ਹੋ ਸਕਦੇ ਹਨ ਜਾਂ ਰਾਕੇਟ ਬੂਸਟਰ ਦੇ ਟੁੱਕੜੇ ਹੋ ਸਕਦੇ ਹਨ, ਜੋ ਸੈਟੇਲਾਈਟ ਲਾਂਚ ਮਗਰੋਂ ਡਿੱਗ ਜਾਂਦੇ ਹਨ। ਹਾਲਾਂਕਿ ਅਜੇ ਤੱਕ ਇਹ ਖ਼ੁਲਾਸਾ ਨਹੀਂ ਹੋ ਸਕਿਆ ਹੈ ਕਿ ਆਖ਼ਰ ਵਿਚ ਉਹ ਕੀ ਸੀ?
Some unidentified object seen falling from sky, in Khargone District of, gogawan Madhya Pradesh India at same time around 7.30pm today.#meteorite@isro#isro@NASA#nasa@PMOIndia @aajtak @NASA pic.twitter.com/d8GdAjIsCu
— Rudra Kanungo (@Rudra_kanungo) April 2, 2022
ਕਦੋਂ ਅਤੇ ਕਿੱਥੇ ਦਿੱਸਿਆ ਇਹ ਨਜ਼ਾਰਾ-
ਪੂਰਬੀ ਮਹਾਰਾਸ਼ਟਰ ਦੇ ਚੰਦਰਪੁਰ ਜ਼ਿਲ੍ਹੇ ’ਚ ਇਕ ਸਥਾਨਕ ਸਰਕਾਰੀ ਅਧਿਕਾਰੀ ਨੇ ਦੱਸਿਆ ਕਿ ਸਿੰਧੇਵਾਹੀ ਤਹਿਸੀਲ ਦੇ ਲਾਡਬੋਰੀ ਪਿੰਡ ’ਚ ਸ਼ਨੀਵਾਰ ਰਾਤ ਕਰੀਬ ਪੌਣੇ 8 ਵਜੇ ‘ਐਲੂਮੀਨੀਅਮ ਅਤੇ ਸਟੀਲ’ ਦੀ ਇਕ ਵਸਤੂ ਡਿੱਗੀ ਹੈ। ਇਸ ਦੀ ਵੀਡੀਓ ਵੀ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋਇਆ ਹੈ। ਵੀਡੀਓ ’ਚ ਦਿੱਸ ਰਿਹਾ ਹੈ ਕਿ ਕਿਵੇਂ ਆਸਮਾਨ ਤੋਂ ਚਮਕਦੀ ਹੋਈ ਚੀਜ਼ ਜ਼ਮੀਨ ਵੱਲ ਆ ਰਹੀ ਹੈ।
Meteor Shower? #Lights in #sky Seen in #Maharashtra, #MadhyaPradesh and some other parts of the country. Any guesses...!#Lightinsky#Meteorshower #meteor #Meteorite pic.twitter.com/LK2lfYXBf1
— Gurmeet Singh, IIS (@Gurmeet_Singh33) April 3, 2022
ਅਜਿਹਾ ਨਜ਼ਾਰਾ ਮਹਾਰਾਸ਼ਟਰ ਦੇ ਬੁਲਢਾਣਾ, ਅਕੋਲਾ ਅਤੇ ਜਲਗਾਂਵ ਜ਼ਿਲ੍ਹਿਆਂ ’ਚ ਸ਼ਾਮ ਕਰੀਬ ਸਾਢੇ 7 ਵਜੇ ਅਤੇ ਗੁਆਂਢੀ ਮੱਧ ਪ੍ਰਦੇਸ਼ ਦੇ ਬੜਵਾਨੀ, ਭੋਪਾਲ, ਇੰਦੌਰ, ਬੈਤੁਲ ਅਤੇ ਧਾਰ ਜ਼ਿਲ੍ਹਿਆਂ ’ਚ ਵੀ ਨਜ਼ਰ ਆਏ ਹਨ। ਉੱਜੈਨ ਸਥਿਤ ਜੀਵਾਜੀ ਵੇਧਸ਼ਾਲਾ ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਕਿਹਾ ਕਿ ਇਹ ਇਕ ਆਮ ਘਟਨਾ ਸੀ, ਜਿਸ ’ਚ ਉਲਕਾਪਿੰਡ ਸ਼ਾਮਲ ਸਨ। ਭੋਪਾਲ, ਇੰਦੌਰ, ਬੈਤੂਲ ਅਤੇ ਧਾਰ ਜ਼ਿਲ੍ਹਿਆਂ ’ਚ ਵੀ ਇਸ ਆਸਮਾਨੀ ਨਜ਼ਾਰੇ ਦਿੱਸਣ ਦੀਆਂ ਖ਼ਬਰਾਂ ਹਨ।