ਮਣੀਪੁਰ ''ਚ ਦੋ ਗੁੱਟਾਂ ਵਿਚਾਲੇ ਝੜਪ ''ਚ ਇਕ ਵਿਅਕਤੀ ਦੀ ਮੌਤ, ਇਕ ਜ਼ਖ਼ਮੀ
08/29/2023 7:31:36 PM
ਇੰਫਾਲ- ਮਣੀਪੁਰ ਦੇ ਬਿਸ਼ਣੁਪੁਰ ਜ਼ਿਲ੍ਹੇ ਦੇ ਨਾਰਾਇਣਸੈਨਾ 'ਚ ਮੰਗਲਵਾਰ ਸਵੇਰੇ ਦੋ ਗੁੱਟਾਂ ਵਿਚਾਲੇ ਹੋਈ ਝੜਪ 'ਚ ਇਕ ਵਿਅਕਤੀ ਦੀ ਮੌਤ ਹੋ ਗਈ ਜਦਕਿ ਇਕ ਹੋਰ ਜ਼ਖ਼ਮੀ ਹੋ ਗਿਆ। ਪੁਲਸ ਨੇ ਇਹ ਜਾਣਕਾਰੀ ਦਿੱਤੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਪਿੰਡ ਦੀ ਸੁਰੱਖਿਆ 'ਚ ਤਾਇਨਾਤ ਇਕ ਵਿਅਕਤੀ ਅਚਾਨਕ ਬੰਬ ਫਟਣ ਕਾਰਨ ਮਾਰਿਆ ਗਿਆ। ਉਹ ਇਕ ਰਾਹਤ ਕੈਂਪ 'ਚ ਰਹਿ ਰਿਹਾ ਸੀ। ਉਨ੍ਹਾਂ ਦਸਿਆ ਕਿ ਇਕ ਹੋਰ ਵਿਅਕਤੀ ਦੇ ਮੋਢੇ 'ਤੇ ਗੋਲੀ ਲੱਗੀ ਹੈ ਜਿਸਨੂੰ ਇੰਫਾਲ ਦੇ ਇਕ ਹਸਪਤਾਲ 'ਚ ਦਖ਼ਲ ਕਰਵਾਇਆ ਗਿਆ ਹੈ। ਉਸਦੀ ਹਾਲਤ ਸਥਿਤ ਹੈ।
ਪੁਲਸ ਨੇ ਮੰਗਲਵਾਰ ਨੂੰ ਦੱਸਿਆ ਕਿ ਇਸ ਵਿਚਕਾਰ ਵੱਖ-ਵੱਖ ਸੰਗਠਨਾਂ ਦੇ ਚਾਰ ਉਗਰਵਾਦੀਆਂ ਨੂੰ ਵੱਖ-ਵੱਖ ਮੁਹਿੰਮਾਂ 'ਚ ਗ੍ਰਿਫਤਾਰ ਕੀਤਾ ਗਿਆ ਹੈ ਜਿਸ ਵਿਚ ਉਨ੍ਹਾਂ ਕੋਲੋਂ ਹਥਿਆਰ ਅਤੇ ਗੋਲਾ-ਬਾਰੂਦ ਜ਼ਬਤ ਕੀਤਾ ਗਿਆ ਹੈ। ਪੁਲਸ ਨੇ ਇਕ ਬਿਆਨ 'ਚ ਦੱਸਿਆ ਕਿ ਤਲਾਸ਼ੀ ਮੁਹਿੰਮ ਦੌਰਾਨ ਪੁਲਸ ਬਲਾਂ ਨੇ ਇੰਫਾਲ ਪੂਰਬ ਅਤੇ ਬਿਸ਼ਣੁਪੁਰ ਜ਼ਿਲ੍ਹਿਆਂ ਤੋਂ ਨੈਸ਼ਨਲ ਸੋਸ਼ਲਿਸਟ ਕਾਊਂਸਿਲ ਆਫ ਨਾਗਾਲੈਂਡ ਇਸਾਕ-ਮੁਈਵਾ (ਐੱਨ.ਐੱਸ.ਸੀ.ਐੱਨ.-ਆਈ.ਐੱਮ.) ਅਤੇ ਪੀਪੁਲਜ਼ ਲਿਬਰੇਸ਼ਨ ਆਰਮੀ (ਪੀ.ਐੱਲ.ਏ.) ਦੇ ਇਕ-ਇਕ ਉਗਰਵਾਦੀ ਅਤੇ ਕਾਂਗਲੇਈਪਕ ਕਮਿਊਨਿਸਟ ਪਾਰਟੀ (ਕੇ.ਸੀ.ਪੀ.) ਲਾਮਯਾਂਬਾ ਯੁਮਾਨ ਗੁੱਟ) ਦੇ ਦੋ ਉਗਰਵਾਦੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਮੁਹਿੰਮ ਦੌਰਾਨ 6 ਬੰਦੂਕਾਂ, 5 ਕਾਰਤੂਸ ਅਤੇ ਦੋ ਵਿਸਫੋਟਕ ਵੀ ਜ਼ਬਤ ਕੀਤੇ ਗਏ ਹਨ।