10 ਘੰਟੇ ਤੋਂ ਜ਼ਿਆਦਾ ਕੰਮ ਕਰਨ ਨਾਲ ਹੋ ਸਕਦੀਆਂ ਹਨ ਦਿਲ ਦੀਆਂ ਬੀਮਾਰੀਆਂ
06/26/2019 12:27:47 AM
ਨਵੀਂ ਦਿੱਲੀ–ਜੋ ਲੋਕ 10 ਘੰਟੇ ਜਾਂ ਉਸ ਤੋਂ ਜ਼ਿਆਦਾ ਸਮਾਂ ਰੋਜ਼ ਆਫਿਸ 'ਚ ਬਿਤਾਉਂਦੇ ਹਨ, ਉਨ੍ਹਾਂ 'ਚ ਸਟ੍ਰੋਕ ਯਾਨੀ ਦਿਲ ਦੀ ਬੀਮਾਰੀ ਹੋਣ ਦਾ ਖਤਰਾ ਜ਼ਿਆਦਾ ਹੁੰਦਾ ਹੈ। ਇਕ ਹਾਲ ਹੀ ਦੀ ਖੋਜ 'ਚ ਇਹ ਦਾਅਵਾ ਕੀਤਾ ਗਿਆ ਹੈ। ਇਕ ਖੋਜ ਮੁਤਾਬਕ ਜੋ ਕਰਮਚਾਰੀ ਪਿਛਲੇ ਇਕ ਦਹਾਕੇ ਤੋਂ ਦਫਤਰ 'ਚ 10 ਘੰਟੇ ਜਾਂ ਉਸ ਤੋਂ ਜ਼ਿਆਦਾ ਸਮਾਂ ਬਿਤਾਉਂਦੇ ਹਨ, ਉਨ੍ਹਾਂ 'ਚ ਦਿਲ ਦੀ ਬੀਮਾਰੀ ਦਾ ਖਤਰਾ 45 ਫੀਸਦੀ ਤੱਕ ਜ਼ਿਆਦਾ ਹੋ ਸਕਦਾ ਹੈ।
ਇੰਝ ਕੀਤੀ ਗਈ ਖੋਜ
ਕੰਮਕਾਜ ਦੇ ਘੰਟਿਆਂ ਅਤੇ ਬ੍ਰੇਨ ਹੈਮਰੇਜ ਦਰਮਿਆਨ ਸਬੰਧ ਸਥਾਪਿਤ ਕਰਨ ਲਈ ਖੋਜਕਾਰਾਂ ਨੇ 1,43,592 ਫ੍ਰੈਂਚ ਕਰਮਚਾਰੀਆਂ 'ਤੇ ਅਧਿਐਨ ਕੀਤਾ। ਇਨ੍ਹਾਂ 'ਚ 29 ਫੀਸਦੀ ਲੋਕਾਂ ਨੇ ਦੱਸਿਆ ਕਿ ਉਹ 10 ਘੰਟੇ ਜਾਂ ਉਸ ਤੋਂ ਜ਼ਿਆਦਾ ਸਮਾਂ ਕੰਮ ਕਰਦੇ ਹਨ। ਇਹ ਪੈਟਰਨ ਸਾਲ ਭਰ 'ਚ ਘੱਟ ਤੋਂ ਘੱਟ 50 ਦਿਨ ਤੱਕ ਦੇਖਿਆ ਗਿਆ। 10 'ਚੋਂ ਇਕ ਮੁਕਾਬਲੇਬਾਜ਼ ਨੇ ਕਿਹਾ ਕਿ ਉਹ ਘੱਟ ਤੋਂ ਘੱਟ 10 ਸਾਲਾਂ ਤੋਂ ਇਸੇ ਤਰ੍ਹਾਂ ਲੰਮੇ ਸਮੇਂ ਤੱਕ ਕੰਮ ਕਰਦੇ ਆ ਰਹੇ ਹਨ। ਜ਼ਿਆਦਾ ਕੰਮ ਕਰਨ ਵਾਲੇ ਮੁਕਾਬਲੇਬਾਜ਼ਾਂ 'ਚੋਂ 1224 ਮੁਕਾਬਲੇਬਾਜ਼ਾਂ ਨੂੰ ਅਗਲੇ ਸੱਤ ਸਾਲਾਂ 'ਚ ਦਿਲ ਦੇ ਦੌਰੇ ਦਾ ਸਾਹਮਣਾ ਕਰਨਾ ਪਿਆ? ਰਸਾਲੇ ਸਟ੍ਰੋਕ 'ਚ ਪ੍ਰਕਾਸ਼ਿਤ ਖੋਜ ਮੁਤਾਬਕ ਜੋ ਲੋਕ ਦਸ ਘੰਟੇ ਜਾਂ ਉਸ ਤੋਂ ਜ਼ਿਆਦਾ ਸਮਾਂ ਕੰਮ ਕਰਦੇ ਹਨ, ਉਨ੍ਹਾਂ 'ਚ ਹਾਰਟ ਸਟ੍ਰੋਕ ਹੋਣ ਦਾ ਖਤਰਾ 29 ਫੀਸਦੀ ਤੱਕ ਜ਼ਿਆਦਾ ਹੁੰਦਾ ਹੈ। ਖੋਜ ਮੁਤਾਬਕ ਜੋ ਪਿਛਲੇ 10 ਸਾਲਾਂ ਤੋਂ 10 ਘੰਟੇ ਜਾਂ ਉਸ ਤੋਂ ਜ਼ਿਆਦਾ ਕੰਮ ਕਰਦੇ ਰਹੇ, ਉਨ੍ਹਾਂ 'ਚ ਹਾਰਟ ਸਟ੍ਰੋਕ ਦਾ ਖਤਰਾ 45 ਫੀਸਦੀ ਤੱਕ ਜ਼ਿਆਦਾ ਹੁੰਦਾ ਹੈ।
1,44,81 ਮੁਕਾਬਲੇਬਾਜ਼ਾਂ 'ਚ ਇਹ ਖਤਰਾ ਦੇਖਿਆ ਗਿਆ। ਇਹ ਮੁਕਾਬਲੇਬਾਜ਼ 18 ਤੋਂ 69 ਸਾਲ ਦਰਮਿਆਨ ਸਨ ਅਤੇ ਖੋਜ 'ਚ ਦੇਖਿਆ ਗਿਆ ਕਿ ਯੁਵਾ ਕਰਮਚਾਰੀਆਂ ਨੂੰ ਹਾਰਟ ਸਟ੍ਰੋਕ ਦਾ ਖਤਰਾ ਜ਼ਿਆਦਾ ਸੀ। ਪ੍ਰੋਫੈਸਰ ਡੇਸਕੈਥਾ ਨੇ ਕਿਹਾ ਕਿ ਦਸ ਸਾਲ ਤੱਕ ਲੰਮੇ ਘੰਟਿਆਂ ਤੱਕ ਕੰਮ ਕਰਨ ਅਤੇ ਸਟ੍ਰੋਕ ਦਰਮਿਆਨ ਸਬੰਧ ਉਨ੍ਹਾਂ ਲੋਕਾਂ 'ਚ ਜ਼ਿਆਦਾ ਪਾਇਆ ਗਿਆ, ਜੋ 50 ਸਾਲ ਤੋਂ ਹੇਠਾਂ ਦੇ ਸਨ। ਉਨ੍ਹਾਂ ਕਿਹਾ ਕਿ ਇਸ ਬਾਰੇ ਹੋਰ ਖੋਜ ਕਰਨ ਦੀ ਲੋੜ ਹੈ।