ਨਾਜਾਇਜ਼ ਸੰਬੰਧਾਂ ਦਾ ਵਿਰੋਧ ਕਰਨ 'ਤੇ ਥਾਣਾ ਇੰਚਾਰਜ ਨੇ ਪਤਨੀ ਨੂੰ ਸ਼ਰੇਆਮ ਕੁੱਟਿਆ
02/12/2020 1:26:14 PM
ਧਾਰ— ਮੱਧ ਪ੍ਰਦੇਸ਼ ਦੇ ਧਾਰ ਸਥਿਤ ਇਕ ਪੁਲਸ ਥਾਣੇ ਤੋਂ ਹੈਰਾਨ ਕਰਨ ਵਾਲਾ ਵੀਡੀਓ ਸਾਹਮਣੇ ਆਇਆ ਹੈ। ਵੀਡੀਓ 'ਚ ਗੰਧਵਾਨੀ ਪੁਲਸ ਸਟੇਸ਼ਨ ਦੇ ਇੰਚਾਰਜ ਨਰੇਂਦਰ ਸੂਰਿਆਵੰਸ਼ੀ ਸ਼ਰੇਆਮ ਆਪਣੀ ਪਤਨੀ ਨੂੰ ਕੁੱਟਦੇ ਹੋਏ ਦਿੱਸ ਰਹੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਪਤਨੀ ਨੇ ਥਾਣਾ ਇੰਚਾਰਜ ਨੂੰ ਕਿਸੇ ਦੂਜੀ ਔਰਤ ਨਾਲ ਰੰਗੇ ਹੱਥੀਂ ਫੜਿਆ ਸੀ ਅਤੇ ਉਨ੍ਹਾਂ ਦੇ ਨਾਜਾਇਜ਼ ਸੰਬੰਧਾਂ ਦਾ ਵਿਰੋਧ ਕੀਤਾ ਸੀ। ਇਸ ਤੋਂ ਗੁੱਸੇ ਹੋ ਕੇ ਨਰੇਂਦਰ ਨੇ ਆਪਣੀ ਪਤਨੀ ਦੀ ਥਾਣੇ 'ਚ ਹੀ ਕੁੱਟਮਾਰ ਕੀਤੀ। ਦੋਸ਼ੀ ਨਰੇਂਦਰ ਨੂੰ ਜ਼ਿਲਾ ਪੁਲਸ ਲਾਈਨ ਭੇਜ ਦਿੱਤਾ ਗਿਆ ਹੈ ਅਤੇ ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ।
#WATCH Madhya Pradesh: Gandhwani Police Station Incharge Narendra Suryavanshi assaulted his wife in Dhar allegedly after she opposed his illicit relationship with another woman. SDOP Manawar says, “Narendra has been sent to district lines. Investigation is underway.” (11.02.2020) pic.twitter.com/11rK9DtoVd
— ANI (@ANI) February 12, 2020
ਪਤਨੀ ਨੂੰ ਵਾਲਾਂ ਤੋਂ ਫੜ ਕੇ ਘੜੀਸਿਆ
ਘਟਨਾ ਦਾ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਵੀਡੀਓ 'ਚ ਥਾਣਾ ਇੰਚਾਰਜ ਪਤਨੀ ਨੂੰ ਘੜੀਸਦੇ ਹੋਏ ਲਿਆਂਦਾ ਹੈ ਅਤੇ ਉਸ 'ਤੇ ਲੱਤਾਂ ਮਾਰਦੇ ਹੋਏ ਦਿੱਸ ਰਿਹਾ ਹੈ। ਦੋਸ਼ੀ ਥਾਣਾ ਇੰਚਾਰਜ ਆਪਣੀ ਪਤਨੀ ਨੂੰ ਵਾਲਾਂ ਤੋਂ ਘੜੀਸ ਕੇ ਜ਼ਮੀਨ 'ਤੇ ਸੁੱਟਦੇ ਹੋਏ ਨਜ਼ਰ ਆ ਰਿਹਾ ਹੈ। ਇਸ ਦੌਰਾਨ ਉੱਥੇ ਮੌਜੂਦ ਲੋਕਾਂ ਨੇ ਵਿਚ ਬਚਾਅ ਦੀ ਕੋਸ਼ਿਸ਼ ਕੀਤੀ। ਐੱਚ.ਡੀ.ਓ.ਪੀ. ਮਨਾਵਰ ਨੇ ਦੱਸਿਆ,''ਨਰੇਂਦਰ ਨੂੰ ਜ਼ਿਲਾ ਪੁਲਸ ਲਾਈਨ ਭੇਜ ਦਿੱਤਾ ਗਿਆ ਹੈ ਅਤੇ ਮਾਮਲੇ ਦੀ ਜਾਂਚ ਜਾਰੀ ਹੈ।
ਇਹ ਸੀ ਮਾਮਲਾ
ਮੀਡੀਆ ਰਿਪੋਰਟਸ ਅਨੁਸਾਰ,''ਨਰੇਂਦਰ ਸੂਰਿਆਵੰਸ਼ੀ ਦਾ ਪਰਿਵਾਰ ਇੰਦੌਰ 'ਚ ਰਹਿੰਦਾ ਹੈ। ਕਿਸੇ ਨੇ ਉਨ੍ਹਾਂ ਦੀ ਪਤਨੀ ਨੂੰ ਸੂਚਨਾ ਦਿੱਤੀ ਕਿ ਥਾਣਾ ਇੰਚਾਰਜ ਦੇ ਗੰਧਵਾਨੀ ਦੇ ਸਰਕਾਰੀ ਘਰ ਪਿਛਲੇ 2-3 ਦਿਨਾਂ ਤੋਂ ਕੋਈ ਕੁੜੀ ਰਹਿ ਰਹੀ ਹੈ। ਇਸ ਤੋਂ ਬਾਅਦ ਸੂਰਿਆਵੰਸ਼ੀ ਆਪਣੇ ਬੇਟੇ ਨਾਲ ਗੰਧਵਾਨੀ ਪਹੁੰਚੀ ਅਤੇ ਅਤੇ ਹੰਗਾਮਾ ਕਰ ਦਿੱਤਾ। ਸੂਚਨਾ ਮਿਲਦੇ ਹੀ ਪੁਲਸ ਉੱਥੇ ਪੁੱਜੀ ਅਤੇ ਮਾਮਲਾ ਸ਼ਾਂਤ ਕਰਵਾਇਆ। ਪੁਲਸ ਘਰ ਦੇ ਅੰਦਰੋਂ ਕੁੜੀ ਨੂੰ ਕੱਢ ਕੇ ਮਨਾਵਰ ਲੈ ਗਈ।