ਜ਼ਹਿਰੀਲੀ ਸ਼ਰਾਬ ਕਾਂਡ: ਬੰਗਾਲ ''ਚ 172 ਮੌਤਾਂ ਦੇ ਦੋਸ਼ੀ ਖੋਰਾ ਬਾਦਸ਼ਾਹ ਨੂੰ ਉਮਰ ਕੈਦ
08/02/2021 9:13:50 PM
ਕੋਲਕਾਤਾ - ਪੱਛਮੀ ਬੰਗਾਲ ਦੇ ਦੱਖਣੀ 24 ਪਰਗਨਾ ਜ਼ਿਲ੍ਹੇ ਵਿੱਚ 2011 ਵਿੱਚ ਹੋਏ ਜ਼ਹਿਰੀਲੀ ਸ਼ਰਾਬ ਕਾਂਡ ਦੇ ਸਰਗਨਾ ਖੋਰਾ ਬਾਦਸ਼ਾਹ ਨੂੰ ਅਲੀਪੁਰ ਜ਼ਿਲ੍ਹਾ ਅਤੇ ਸੈਸ਼ਨ ਅਦਾਲਤ ਨੇ ਉਮਰ ਕੈਦ ਦੀ ਸਜ਼ਾ ਸੁਣਾਈ ਹੈ। ਕੋਰਟ ਨੇ ਉਸ ਨੂੰ ਮੌਤ ਹੋਣ ਤੱਕ ਜੇਲ੍ਹ ਵਿੱਚ ਰੱਖਣ ਦਾ ਹੁਕਮ ਦਿੱਤਾ ਹੈ। ਇਸ ਸ਼ਰਾਬ ਕਾਂਡ ਵਿੱਚ 172 ਲੋਕਾਂ ਦੀ ਮੌਤ ਹੋ ਗਈ ਸੀ।
ਕੋਰਟ ਨੇ ਖੋਰਾ ਬਾਦਸ਼ਾਹ ਉਰਫ ਨੂਰ ਇਸਲਾਮ ਫਕੀਰ ਨੂੰ ਹੱਤਿਆ ਦਾ ਦੋਸ਼ੀ ਮੰਨਿਆ ਹੈ। ਵਧੀਕ ਜ਼ਿਲ੍ਹਾ ਅਤੇ ਸੈਸ਼ਨ ਜੱਜ ਨੇ ਸੋਮਵਾਰ ਨੂੰ ਸਜ਼ਾ ਸੁਣਾਉਂਦੇ ਹੋਏ ਕਿਹਾ ਕਿ ਉਸ ਨੂੰ ਮੌਤ ਤੱਕ ਜੇਲ੍ਹ ਵਿੱਚ ਰੱਖਿਆ ਜਾਵੇ। ਫਕੀਰ ਨੂੰ ਲੋਕਾਂ ਨੂੰ ਜ਼ਹਿਰ ਦੇਣ ਦਾ ਵੀ ਦੋਸ਼ੀ ਮੰਨਿਆ ਗਿਆ ਹੈ। ਇਸ ਜੁਰਮ ਵਿੱਚ ਉਸ ਨੂੰ 10 ਸਾਲ ਦੀ ਸਜ਼ਾ ਸੁਣਾਈ ਗਈ ਹੈ। ਕੋਰਟ ਨੇ ਕਿਹਾ ਕਿ ਦੋਨਾਂ ਸਜ਼ਾਵਾਂ ਨਾਲ ਨਾਲ ਚੱਲਣਗੀਆਂ।
ਇਹ ਵੀ ਪੜ੍ਹੋ- ਜੰਮੂ ਰੇਲਵੇ ਸਟੇਸ਼ਨ ਦੇ ਕੋਲ ਫੌਜ ਦੀ ਵਰਦੀ 'ਚ ਦਿਖੇ ਦੋ ਸ਼ੱਕੀ, ਸੁਰੱਖਿਆ ਬਲ ਅਲਰਟ
ਕਈ ਲੋਕਾਂ ਦੀ ਚੱਲੀ ਗਈ ਸੀ ਅੱਖਾਂ ਦੀ ਰੋਸ਼ਨੀ
ਬੰਗਾਲ ਦੇ 24 ਦੱਖਣੀ ਪਰਗਨਾ ਜ਼ਿਲ੍ਹੇ ਵਿੱਚ ਹੋਏ ਇਸ ਜ਼ਹਿਰੀਲੀ ਸ਼ਰਾਬ ਕਾਂਡ ਵਿੱਚ 172 ਲੋਕਾਂ ਦੀ ਮੌਤ ਹੋ ਗਈ ਸੀ ਅਤੇ ਕਈ ਲੋਕਾਂ ਦੀਆਂ ਅੱਖਾਂ ਦੀ ਰੋਸ਼ਨੀ ਚੱਲੀ ਗਈ ਸੀ। ਕੁੱਝ ਲੋਕਾਂ ਨੂੰ ਹੋਰ ਤਰ੍ਹਾਂ ਦੀ ਵਿਕਲਾਂਗਤਾ ਹੋ ਗਈ ਸੀ। ਇਹ ਸ਼ਰਾਬ ਕਾਂਡ 14 ਦਸੰਬਰ 2011 ਨੂੰ ਹੋਇਆ ਸੀ। ਇਸ ਦਿਨ ਬਾਦਸ਼ਾਹ ਦੁਆਰਾ ਚਲਾਏ ਜਾਣ ਵਾਲੇ ਸ਼ਰਾਬ ਦੇ ਅੱਡਿਆਂ ਵਲੋਂ ਮਿਲਾਵਟੀ ਅਤੇ ਜ਼ਹਿਰੀਲੀ ਸ਼ਰਾਬ ਪੀਣ ਤੋਂ ਬਾਅਦ ਲੋਕ ਬੀਮਾਰ ਪਏ ਅਤੇ ਵੇਖਦੇ ਵੇਖਦੇ ਕਈ ਲੋਕਾਂ ਦੀ ਮੌਤ ਹੋ ਗਈ ਸੀ। ਆਪਣੇ ਬਚਾਅ ਵਿੱਚ ਬਾਦਸ਼ਾਹ ਨੇ ਦਾਅਵਾ ਕੀਤਾ ਕਿ ਉਹ ਨਿਰਦੋਸ਼ ਹੈ ਅਤੇ ਸ਼ਰਾਬ ਦਾ ਕੰਮ ਨਹੀਂ ਕਰਦਾ ਹੈ। ਮਾਰੇ ਗਏ ਲੋਕ ਦੱਖਣੀ 24 ਪਰਗਨਾ ਜ਼ਿਲ੍ਹੇ ਦੇ ਮਗਰਹਾਟ, ਉਸਠੀ ਅਤੇ ਮੰਦਿਰ ਬਾਜ਼ਾਰ ਇਲਾਕੇ ਦੇ ਰਹਿਣ ਵਾਲੇ ਸਨ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ।