ਜੇਤਲੀ ਨੇ ਰਾਜਸਭਾ ਦੇ ਮੈਂਬਰ ਦੇ ਰੂਪ 'ਚ ਚੁੱਕੀ ਸਹੁੰ
04/15/2018 2:35:43 PM
ਨਵੀਂ ਦਿੱਲੀ— ਵਿੱਤ ਮੰਤਰੀ ਅਰੁਣ ਜੇਤਲੀ ਨੇ ਅੱਜ ਰਾਜਸਭਾ ਦੇ ਮੈਂਬਰ ਦੇ ਰੂਪ 'ਚ ਸਹੁੰ ਚੁੱਕੀ ਹੈ। ਜੇਤਲੀ ਪਿਛਲੇ ਮਹੀਨੇ ਹੋਏ ਰਾਜਸਭਾ ਦੇ ਦੁਵੱਲੀ ਚੋਣਾਂ 'ਚ ਉਤਰ ਪ੍ਰਦੇਸ਼ ਤੋਂ ਰਾਜਸਭਾ ਲਈ ਚੁਣੇ ਗਏ ਸਨ। ਉਨ੍ਹਾਂ ਦਾ ਪਿਛਲਾ ਕਾਰਜਕਾਲ 2 ਅਪ੍ਰੈਲ ਨੂੰ ਖਤਮ ਹੋਇਆ ਸੀ। ਉਹ ਲਗਾਤਾਰ ਤੀਜੀ ਵਾਰ ਉਚ ਸਦਨ ਲਈ ਚੁਣੇ ਗਏ ਹਨ। ਉਪ-ਰਾਸ਼ਟਰੀ ਅਤੇ ਰਾਜਸਭਾ ਦੇ ਸਭਾਪਤੀ ਐਮ.ਵੈਂਕੇਯਾ ਨਾਇਡੂ ਨੇ ਜੇਤਲੀ ਨੂੰ ਸੰਸਦ ਭਵਨ 'ਚ ਸਹੁੰ ਚੁਕਵਾਈ। ਇਸ ਮੌਕੇ 'ਤੇ ਸੰਸਦੀ ਕਾਰਜ ਮੰਤਰੀ ਅਨੰਤ ਕੁਮਾਰ ਅਤੇ ਰਾਜਸਭਾ 'ਚ ਵਿਰੋਧੀ ਧੀਰ ਨੇਤਾ ਗੁਲਾਮ ਨਬੀ ਆਜਾਦ ਅਤੇ ਕਈ ਹੋਰ ਸੀਨੀਅਰ ਵਿਅਕਤੀ ਵੀ ਮੌਜੂਦ ਰਹੇ।
Finance Minister #ArunJaitley, who was re-elected from #RajyaSabha, took oath of office in Rajya Sabha Chairman Venkaiah Naidu's chamber in the Parliament. He had contested from #UttarPradesh#rajyasabhaelections
— ANI Digital (@ani_digital) April 15, 2018
Read @ANI story | https://t.co/fKKOmfxE1B pic.twitter.com/hlSr4eo2du
ਜੇਤਲੀ ਬੀਮਾਰ ਹੋਣ ਕਾਰਨ ਹੋਰ ਨਵੇਂ ਚੁਣੇ ਗਏ ਮੈਂਬਰਾਂ ਨਾਲ ਸਹੁੰ ਨਹੀਂ ਚੁੱਕ ਸਕੇ। ਨਵੇਂ ਕਾਰਜਕਾਲ 'ਚ ਵੀ ਉਨ੍ਹਾਂ ਨੂੰ ਸਦਨ ਨੇਤਾ ਨਿਯੁਕਤ ਕੀਤਾ ਗਿਆ ਹੈ। ਪਿਛਲੇ ਕਾਰਜਕਾਲ 'ਚ ਉਹ ਗੁਜਰਾਤ ਤੋਂ ਰਾਜਸਭਾ ਮੈਂਬਰ ਸਨ ਪਰ ਇਸ ਵਾਰ ਉਨ੍ਹਾਂ ਨੂੰ ਉਤਰ ਪ੍ਰਦੇਸ਼ ਤੋਂ ਉਚ ਸਦਨ ਭੇਜਿਆ ਗਿਆ ਹੈ। ਪਿਛਲੀਆਂ ਲੋਕਸਭਾ ਚੋਣਾਂ 'ਚ ਉਹ ਪੰਜਾਬ ਦੀ ਅਮ੍ਰਿਤਸਰ ਸੀਟ ਤੋਂ ਚੋਣ ਮੈਦਾਨ 'ਚ ਉਤਰੇ ਸਨ ਪਰ ਕਾਂਗਰਸ ਦੇ ਅਮਰੇਂਦਰ ਸਿੰਘ ਤੋਂ ਹਾਰ ਗਏ ਸਨ।