ਜਰਮਨ ਔਰਤ ਤੋਂ ਨਹੀਂ ਦੇਖਿਆ ਗਿਆ ਘੋੜਿਆਂ ਦਾ ਦਰਦ, ਕੰਡੇਦਾਰ ਲਗਾਮ ਤੋਂ ਦਿਵਾਇਆ ਛੁਟਕਾਰਾ

ਝੁੰਝੁਨੂੰ— ਇਕ ਜਰਮਨ ਔਰਤ ਨੂੰ ਘੋੜਿਆਂ ਨੂੰ ਰਵਾਇਤੀ ਕੰਡੇਦਾਰ ਲਗਾਮ ਨਾਲ ਹੋਣ ਵਾਲੇ ਦਰਦ ਨਾਲ ਇੰਨਾ ਪਰੇਸ਼ਾਨ ਕਰ ਦਿੱਤਾ ਕਿ ਹੁਣ ਉਹ ਜਰਮਨ 'ਚ ਬਣੀ ਲਗਾਮ ਨੂੰ ਰਾਜਸਥਾਨ ਦੇ ਸ਼ੇਖਾਵਟੀ ਇਲਾਕੇ 'ਚ ਘੋੜੇ ਦੇ ਮਾਲਕਾਂ ਨੂੰ ਮੁਫ਼ਤ ਵੰਡ ਰਹੀ ਹੈ। ਮੰਡਵਾਲਾ ਸਫਾਰੀ ਦੇ ਪ੍ਰਬੰਧਕ ਅਨਿਰੁੱਧ ਸਿੰਘ ਅਨੁਸਾਰ ਮਰਿਅਮ ਚਾਰ ਸਾਲ ਤੋਂ ਲਗਾਤਾਰ ਭਾਰਤ ਆ ਕੇ ਸ਼ੇਖਾਵਾਟੀ ਦੇ ਪਿੰਡ ਪਰਿਵੇਸ਼ 'ਤੇ ਇਕ ਕਿਤਾਬ ਲਿਖਣਾ ਚਾਹੁੰਦੀ ਹੈ। ਇਸ ਮਕਸਦ ਨਾਲ ਉਹ ਅਧਿਐਨ ਅਤੇ ਸੋਧ ਲਈ ਘੋੜੇ 'ਤੇ ਬੈਠ ਕੇ ਖੇਤਰ 'ਚ ਘੁੰਮਦੀ ਹੈ।
ਇਸ ਦੌਰਾਨ ਮਰਿਅਮ ਨੂੰ ਘੋੜਿਆਂ ਨੂੰ ਕੰਡੇਦਾਰ ਲਗਾਮ ਨਾਲ ਹੋਣ ਵਾਲੀ ਦਰਦ ਨਾਲ ਕਾਫ ਅਸਹਿਜਤਾ ਮਹਿਸੂਸ ਹੋਈ। ਉਨ੍ਹਾਂ ਨੇ ਕਿਹਾ ਕਿ ਘੋੜਿਆਂ 'ਤੇ ਬੈਠ ਕੇ ਯਾਤਰਾ ਦੌਰਾਨ ਦੇਖਿਆ ਕਿ ਕਈ ਘੋੜਿਆਂ ਦੇ ਮੂੰਹ 'ਚ ਲਗਾਈ ਜਾਣ ਵਾਲੀ ਕੰਡੇਦਾਰ ਲਗਾਮ ਕਾਰਨ ਉਨ੍ਹਾਂ ਦੇ ਮੂੰਹ 'ਚ ਜ਼ਖਮ ਹੋ ਜਾਂਦੇ ਹਨ, ਖੂਨ ਵਗਣ ਲੱਗਦਾ ਹੈ। ਘੋੜਿਆਂ ਦੇ ਦਰਦ ਨੂੰ ਘੱਟ ਕਰਨ ਲਈ ਜਰਮਨੀ 'ਚ ਬਣੀ ਬਿਨਾਂ ਕੰਡਿਆਂ ਵਾਲੀ ਸਾਦੀ ਬਿਟ ਦੀਆਂ ਲਗਾਮਾਂ ਇੱਥੇ ਲਿਆ ਕੇ ਘੋੜਾ ਪਾਲਕਾਂ ਨੂੰ ਵੰਡਣੀਆਂ ਸ਼ੁਰੂ ਕਰ ਦਿੱਤੀਆਂ। ਮਰਿਅਮ ਇਹ ਲਗਾਮਾਂ ਘੋੜਾ ਮਾਲਕਾਂ ਨੂੰ ਮੁਫ਼ਤ ਵੰਡ ਰਹੀ ਹੈ।