ਫਰਜ਼ੀ ਲੈਫਟੀਨੈਂਟ ਬਣ ਹਾਈ ਪ੍ਰੋਫਾਈਲ ਬੀਬੀਆਂ ਨੂੰ ਫਸਾਉਣ ਵਾਲਾ ਗ੍ਰਿਫਤਾਰ

ਅਯੁੱਧਿਆ - ਉੱਤਰ ਪ੍ਰਦੇਸ਼ ਦੀ ਅਯੁੱਧਿਆ ਪੁਲਸ ਨੇ ਇੱਕ ਬਹੁਤ ਹੈਰਾਨ ਕਰਨ ਵਾਲਾ ਖੁਲਾਸਾ ਕੀਤਾ ਹੈ। ਪੁਲਸ ਨੇ ਇੱਕ ਫਰਜ਼ੀ ਲੈਫਟੀਨੈਂਟ ਨੂੰ ਗ੍ਰਿਫਤਾਰ ਕੀਤਾ ਹੈ। ਦੋਸ਼ੀ ਦੇ ਕੋਲੋਂ ਪੁਲਸ ਨੂੰ ਫੌਜ ਦੀਆਂ ਵੱਖ-ਵੱਖ ਵਰਦੀਆਂ, ਕੈਪ, ਬੈਲਟ, ਲੈਫਟੀਨੈਂਟ ਦਾ ਫਰਜ਼ੀ ਪਛਾਣ ਪੱਤਰ ਤੋਂ ਇਲਾਵਾ ਜੰਗਲਾਂ ਵਿੱਚ ਲੜਾਈ ਲੜਦੇ ਸਮੇਂ ਪਹਿਨੀ ਜਾਣ ਵਾਲੀ ਖਾਸ ਤਰ੍ਹਾਂ ਦੀ ਡਰੈਸ ਵੀ ਬਰਾਮਦ ਹੋਈ ਹੈ।

ਇਹ ਵੀ ਪੜ੍ਹੋ- ਜੰਮੂ ਰੇਲਵੇ ਸਟੇਸ਼ਨ ਦੇ ਕੋਲ ਫੌਜ ਦੀ ਵਰਦੀ 'ਚ ਦਿਖੇ ਦੋ ਸ਼ੱਕੀ, ਸੁਰੱਖਿਆ ਬਲ ਅਲਰਟ

ਪੁਲਸ ਨੇ ਦੱਸਿਆ ਕਿ ਦੋਸ਼ੀ ਖੁਦ ਦੀਆਂ ਫੋਟੋਆਂ ਨੂੰ ਐਡਿਟ ਕਰ ਵੱਖ-ਵੱਖ ਹਥਿਆਰਾਂ ਅਤੇ ਵੱਡੇ-ਵੱਡੇ ਨੇਤਾਵਾਂ ਨਾਲ ਸੋਸ਼ਲ ਮੀਡੀਆ 'ਤੇ ਪੋਸਟ ਕਰਦਾ ਸੀ। ਸੌਰਭ ਸਿੰਘ ਉਰਫ ਦੀਪੂ ਸਿੰਘ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਹੁਣ ਪੁਲਸ ਇਸ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕਰਣ ਵਿੱਚ ਲੱਗੀ ਹੈ।

ਦੋਸ਼ੀ ਸੌਰਭ ਸਿੰਘ ਮੱਧ ਪ੍ਰਦੇਸ਼ ਦੇ ਭਿੰਡ ਦਾ ਰਹਿਣ ਵਾਲਾ ਹੈ। ਇਹ ਵੱਖ-ਵੱਖ ਸ਼ਹਿਰਾਂ ਵਿੱਚ ਘੁੰਮ ਕੇ ਹਾਈ ਪ੍ਰੋਫਾਈਲ ਬੀਬੀਆਂ ਨੂੰ ਪ੍ਰਭਾਵਿਤ ਕਰ ਉਨ੍ਹਾਂ ਨੂੰ ਆਪਣੇ ਜਾਲ ਵਿੱਚ ਫਸਾਉਂਦਾ ਸੀ। ਮਿਲਿਟਰੀ ਇੰਟੈਲੀਜੈਂਸ ਦੀ ਸ਼ਾਖਾ ਦੁਆਰਾ ਕੈਂਟ ਪੁਲਸ ਨੂੰ ਸੂਚਨਾ ਮਿਲੀ ਸੀ ਕਿ ਇੱਕ ਸ਼ਖਸ ਖੁਦ ਨੂੰ ਫੌਜ ਦਾ ਫਰਜ਼ੀ ਲੈਫਟੀਨੈਂਟ ਦੱਸਕੇ ਲੋਕਾਂ ਦੇ ਨਾਲ ਧੋਖਾਧੜੀ ਕਰ ਰਿਹਾ ਹੈ। ਇਸ ਸੂਚਨਾ 'ਤੇ ਥਾਣਾ ਕੈਂਟ ਪੁਲਸ ਅਤੇ ਐੱਸ.ਓ.ਜੀ. ਦੀ ਟੀਮ ਨੇ ਦੋਸ਼ੀ 'ਤੇ ਲਗਾਤਾਰ ਨਜ਼ਰ ਰੱਖੀ ਅਤੇ ਇਸ ਨੂੰ ਫੜਨ ਲਈ ਜਾਲ ਵਿਛਾਇਆ ਗਿਆ। ਫਿਰ ਸਹਾਦਤਗੰਜ ਚੌਰਾਹੇ ਤੋਂ ਇਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।

ਇਹ ਵੀ ਪੜ੍ਹੋ-  ਜ਼ਹਿਰੀਲੀ ਸ਼ਰਾਬ ਕਾਂਡ: ਬੰਗਾਲ 'ਚ 172 ਮੌਤਾਂ ਦੇ ਦੋਸ਼ੀ ਖੋਰਾ ਬਾਦਸ਼ਾਹ ਨੂੰ ਉਮਰ ਕੈਦ

ਪੁੱਛਗਿੱਛ ਦੌਰਾਨ ਪੁਲਸ ਨੂੰ ਪਤਾ ਲੱਗਾ ਕਿ ਖੁਦ ਨੂੰ ਇੱਕ ਵਿਸ਼ੇਸ਼ ਵਿਅਕਤੀ ਦੱਸਕੇ ਉਹ ਔਰਤਾਂ ਨੂੰ ਜਾਲ ਵਿੱਚ ਫਸਾ ਕੇ ਸ਼ੋਸ਼ਣ ਕਰਦਾ ਸੀ। ਸੌਰਭ ਦੇ ਜਾਲ ਵਿੱਚ ਕਈ ਔਰਤਾਂ ਫਸੀਆਂ ਸਨ। ਕਿਸੇ ਬੀਬੀ ਨੂੰ ਲੈਫਟੀਨੈਂਟ ਤਾਂ ਕਿਸੇ ਨੂੰ ਕੈਪਟਨ ਦੱਸਕੇ ਉਹ ਆਪਣੇ ਚੰਗੁਲ ਵਿੱਚ ਫਸਾਉਂਦਾ ਸੀ। ਪੁਲਸ ਨੇ ਦੋਸ਼ੀ ਖਿਲਾਫ 419, 420, 467, 468 ਧਾਰਾਵਾਂ ਵਿੱਚ ਮੁਕੱਦਮਾ ਦਰਜ ਕਰ ਲਿਆ ਹੈ ਅਤੇ ਕਾਨੂੰਨੀ ਕਾਰਵਾਈ ਕੀਤੀ ਜਾ ਰਹੀ ਹੈ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ।