ਦਿੱਲੀ ਏਅਰਪੋਰਟ ''ਚ ਜਨਮਦਿਨ ਮਨਾਏਗਾ 9 ਸਾਲਾਂ ਦਾ ਇਹ ਬੱਚਾ
06/04/2019 9:13:35 PM
ਨਵੀਂ ਦਿੱਲੀ: ਨੌ ਸਾਲਾਂ ਦੇ ਬੱਚੇ ਅਬੀਰ ਮਾਗੋ ਦਾ ਜਨਮਦਿਨ ਇਸ ਵਾਰ ਖਾਸ ਹੋਣ ਜਾ ਰਿਹਾ ਹੈ ਕਿਉਂਕਿ ਇਸ ਵਾਰ ਉਸ ਦਾ ਜਨਮਦਿਨ ਆਪਣੀ ਪਸੰਦੀਦਾ ਜਗ੍ਹਾ ਇੰਦਰਾ ਗਾਂਧੀ ਇੰਟਰਨੈਸ਼ਨਲ ਏਅਰਪੋਰਟ 'ਚ ਮਨਾਇਆ ਜਾਵੇਗਾ। ਅਬੀਰ ਨੂੰ ਇਹ ਮੌਕਾ ਇਸ ਲਈ ਮਿਲਿਆ ਕਿਉਂਕਿ ਉਸ ਨੇ ਇੰਦਰਾ ਗਾਂਧੀ ਇੰਟਰਨੈਸ਼ਨਲ ਏਅਰਪੋਰਟ ਦਾ ਮਾਡਲ ਬਣਾਇਆ ਹੈ। ਇਸ ਔਖੇ ਕੰਮ ਲਈ ਉਸ ਨੇ 21 ਘੰਟੇ ਤਕ ਲਗਾਤਾਰ ਕੰਮ ਕੀਤਾ ਹੈ। ਦਿਨ ਭਰ ਲਗਾਤਾਰ ਲਗਨ ਨਾਲ ਕੰਮ ਕਰਨ 'ਤੇ ਉਸ ਵਲੋਂ ਬਣਾਏ ਗਏ ਆਈ. ਜੀ. ਆਈ. ਏਅਰਪੋਰਟ ਦੇ ਮਾਡਲ ਦੀ ਹਰ ਜਗ੍ਹਾ ਤਾਰੀਫ ਹੋ ਰਹੀ ਹੈ।
Delhi: 9-yr-old Abeer Magoo, to celebrate his 10th birthday at IGI airport, after he made a model of airport, says, "I worked for 21 hours non-stop to make this model. The Airport CEO has invited me for a tour. I will visit each part of the airport on my birthday. I'm excited." pic.twitter.com/HnbJO0lQxg
— ANI (@ANI) June 4, 2019
ਇਸ ਖਾਸ ਕੰਮ ਲਈ ਏਅਰਪੋਰਟ ਦੇ ਸੀ. ਈ. ਓ. ਨੇ ਉਸ ਨੂੰ ਏਅਰਪੋਰਟ ਬੁਲਾਇਆ ਹੈ ਤੇ ਉਸ ਨੂੰ ਏਅਰਪੋਰਟ 'ਚ ਘੁੰਮਾਇਆ ਵੀ ਜਾਵੇਗਾ। ਅਬੀਰ ਨੇ ਦੱਸਿਆ ਕਿ ਇਸ ਦਿਨ ਦਾ ਉਸ ਨੂੰ ਬੜੀ ਬੇਸਬਰੀ ਨਾਲ ਇੰਤਜ਼ਾਰ ਹੈ ਤੇ ਇਹ ਦਿਨ ਉਸ ਦੇ ਲਈ ਖਾਸ ਬਣਨ ਜਾ ਰਿਹਾ ਹੈ ਕਿਉਂਕਿ ਏਅਰਪੋਰਟ ਅਥਾਰਿਟੀ ਇਸ ਵਾਰ ਉਸ ਦਾ ਜਨਮਦਿਨ ਮਨਾਏਗੀ, ਜੋ ਕਿ ਉਸ ਲਈ ਬੜੇ ਮਾਣ ਦੀ ਗੱਲ ਹੈ। ਅਬੀਰ ਨੂੰ ਮਾਡਲ ਬਣਾਉਣਾ ਪਸੰਦਾ ਹੈ ਤੇ ਉਸ ਨੇ ਏਅਰਪੋਰਟ ਦਾ ਮਾਡਲ ਬਣਾਇਆ ਹੈ। ਇਸ ਦੇ ਲਈ ਉਸ ਨੇ ਇੰਟਰਨੈਟ ਤੋਂ ਏਅਰਪੋਰਟ ਦੀਆਂ ਕਈ ਸਾਰੀਆਂ ਤਸਵੀਰਾਂ ਦੀ ਮਦਦ ਲਈ। ਇਸ ਦੇ ਨਾਲ ਹੀ ਉਸ ਨੇ ਕਈ ਵਾਰ ਏਅਰਪੋਰਟ ਦਾ ਦੌਰਾ ਵੀ ਕੀਤਾ, ਜਿਸ ਦੇ ਬਾਅਦ ਉਸ ਨੇ ਮਾਡਲ ਨੂੰ ਹੂਬਹੂ ਬਣਾ ਦਿੱਤਾ।