ਗੋਰਖਪੁਰ ਸੀਟ ਤੋਂ ਅਸਤੀਫਾ ਦੇਣਗੇ, ਮੁੱਖ ਮੰਤਰੀ ਯੋਗੀ, ਉਨ੍ਹਾਂ ਦੀ ਜਗ੍ਹਾ ਲੈਣ ਲਈ ਚਰਚਾ ''ਚ ਹੈ ਇਹ ਨਾਂ

ਲਖਨਊ/ਗੋਰਖਪੁਰ—ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਗੋਰਖਪੁਰ ਤੋਂ ਭਾਜਪਾ ਦੇ ਸੰਸਦ ਮੈਂਬਰ ਹਨ, ਪਰ ਹੁਣ ਤੱਕ ਯੋਗੀ ਨੇ ਸੰਸਦ ਅਹੁਦੇ ਤੋਂ ਅਸਤੀਫਾ ਨਹੀਂ ਦਿੱਤਾ ਹੈ। ਸੂਤਰਾਂ ਦੀ ਮੰਨੀਏ ਤਾਂ ਰਾਸ਼ਟਰਪਤੀ ਚੋਣਾਂ ਦੇ ਬਾਅਦ ਮੁੱਖ ਮੰਤਰੀ ਯੋਗੀ ਸੰਸਦ ਅਹੁਦੇ ਤੋਂ ਅਸਤੀਫਾ ਦੇ ਦੇਣਗੇ। ਇਸ ਦੇ ਨਾਲ ਹੀ ਉੱਪ ਮੁੱਖ ਮੰਤਰੀ ਕੇਸ਼ਵ ਪ੍ਰਸਾਦ ਮੌਰਿਆ ਦੀ ਵੀ ਫੁੱਲਪੁਰ ਸੀਟ ਤੋਂ ਅਸਤੀਫਾ ਦੇਣ ਦੀ ਚਰਚਾ ਜ਼ੋਰਾਂ 'ਤੇ ਹੈ।
ਜਾਣਕਾਰੀ ਮੁਤਾਬਕ ਯੂ.ਪੀ. ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਹੁਣ ਯੂ.ਪੀ. 'ਚ ਕਿਸੇ ਵੀ ਸਦਨ ਦੇ ਮੈਂਬਰ ਨਹੀਂ ਹਨ। ਨਿਯਮਾਂ ਦੇ ਮੁਤਾਬਕ ਉਨ੍ਹਾਂ ਨੂੰ 6 ਮਹੀਨੇ ਦੇ ਅੰਦਰ ਵਿਧਾਨ ਪਰੀਸ਼ਦ ਦਾ ਵਿਧਾਨ ਸਭਾ ਦੋਵਾਂ 'ਚ ਕਿਸੇ ਇਕ ਸਦਨ ਦਾ ਮੈਂਬਰ ਬਣਨਾ ਹੋਵੇਗਾ।
ਉੱਥੇ ਉਨ੍ਹਾਂ ਦੇ ਸੰਸਦੀ ਖੇਤਰ ਤੋਂ ਉਂਝ ਤਾਂ ਕੋਈ ਦਾਅਵੇਦਾਰ ਹੈ, ਪਰ ਪਾਰਟੀ ਕਿਸੇ ਨੂੰ ਨਾਰਾਜ਼ ਨਹੀਂ ਕਰਨਾ ਚਾਹੁੰਦੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਗੋਰਖਪੁਰ ਸੀਟ ਤੋਂ ਮੋਦੀ ਯੋਗੀ ਦੇ ਹੀ ਪਸੰਦ ਦੇ ਕਿਸੇ ਨੇਤਾ ਨੂੰ ਲੋਕ ਸਭਾ ਦਾ ਚੋਣ ਲੜਵਾਇਆ ਜਾ ਸਕਦਾ ਹੈ। ਇੱਥੇ ਤੋਂ ਕੌਣ ਚੋਣਾਂ ਲੜੇਗਾ ਅਜੇ ਸਪੱਸ਼ਟ ਨਹੀਂ ਹੈ। ਸੂਤਰਾਂ ਦੀ ਮੰਨੀਏ ਤਾਂ ਗੋਰਖਪੁਰ ਸਦਰ ਤੋਂ ਭਾਜਪਾ ਵਿਧਾਇਕ ਡਾਕਟਰ ਰਾਧਾ ਮੋਹਨਦਾਸ਼ ਅਗਰਵਾਲ ਯੋਗੀ ਦੀ ਜਗ੍ਹਾ ਲੈ ਸਕਦੇ ਹਨ, ਉੱਥੇ ਪਨੀਯਰਾ ਤੋਂ ਭਾਜਪਾ ਵਿਧਾਇਕ ਫਤੇਬਹਾਦੁਰ ਸਿੰਘ ਦੇ ਨਾਂ ਦੀ ਵੀ ਚਰਚਾ ਹੈ।
ਜ਼ਿਕਰਯੋਗ ਹੈ ਕਿ ਗੋਰਖਪੁਰ ਸੰਸਦੀ ਸੀਟ ਯੋਗੀ ਆਦਿਤਿਆਨਾਥ ਦੀ ਅਜਿੱਤ ਸੀਟ ਹੈ, ਪਰ ਮੁੱਖ ਮੰਤਰੀ ਬਣਨ ਦੇ ਬਾਅਦ ਯੋਗੀ ਆਦਿਤਿਆਨਾਥ ਨੂੰ ਨਿਯਮ ਮੁਤਾਬਕ ਇਸ ਸੀਟ ਨੂੰ ਛੱਡਣਾ ਪਵੇਗਾ। ਯੋਗੀ ਇੱਥੋਂ ਤੋਂ ਲਗਾਤਾਰ 5 ਵਾਰ ਤੋਂ ਸੰਸਦ ਮੈਂਬਰ ਚੁਣੇ ਜਾ ਰਹੇ ਹਨ। ਹੁਣ ਯੋਗੀ ਸੰਸਦ ਮੈਂਬਰ ਅਹੁਦੇ ਤੋਂ ਅਸਤੀਫਾ ਦੇਣ ਦੇ ਬਾਅਦ ਵਿਧਾਨ ਸਭਾ ਦਾ ਚੋਣ ਲੜਨਗੇ। ਵਿਪਿਨ ਸਿੰਘ ਨੇ ਵੀ ਯੋਗੀ ਦੇ ਲਈ ਆਪਣੀ ਸੀਟ ਛੱਡਣ ਦੀ ਮਸ਼ਕ ਪੇਸ਼ ਕੀਤੀ ਹੈ।