ਪੈਸਾ ਕਮਾਉਣ ''ਚ ਜੁਟੇ ਮੰਤਰੀਆਂ ਨੂੰ ਬਰਖਾਸਤ ਕਰਨ ਅਖਿਲੇਸ਼-ਭਾਜਪਾ
02/09/2016 5:31:14 PM
ਲਖਨਊ— ਭਾਰਤੀ ਜਨਤਾ ਪਾਰਟੀ ਨੇ ਮੰਗਲਵਾਰ ਨੂੰ ਮੰਗ ਕੀਤੀ ਕਿ ਸਪਾ ਮੁਖੀਆ ਮੁਲਾਇਮ ਸਿੰਘ ਯਾਦਵ ਤੋਂ ਪੈਸਾ ਕਮਾਉਣ ''ਚ ਜੁਟੇ ਮੰਤਰੀਆਂ ਦੀ ਜਾਣਕਾਰੀ ਹਾਸਲ ਕਰ ਕੇ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਅਖਿਲੇਸ਼ ਯਾਦਵ ਉਨ੍ਹਾਂ ਨੂੰ ਤੁਰੰਤ ਬਰਖਾਸਤ ਕਰਨ। ਭਾਜਪਾ ਪ੍ਰਦੇਸ਼ ਬੁਲਾਰੇ ਵਿਜੇ ਬਹਾਦਰ ਪਾਠਕ ਨੇ ਕਿਹਾ,''''ਸਪਾ ਮੁਖੀਆ ਕੋਲ ਪੂਰੀ ਜਾਣਕਾਰੀ ਹੈ ਕਿ ਅਖਿਲੇਸ਼ ਸਰਕਾਰ ਦੇ ਮੰਤਰੀ ਪੈਸਾ ਕਮਾਉਣ ''ਚ ਜੁਟੇ ਹਨ। ਇਨ੍ਹਾਂ ਪੈਸਾ ਕਮਾ ਰਹੇ ਮੰਤਰੀਆਂ ਬਾਰੇ ਮੁੱਖ ਮੰਤਰੀ ਸਪਾ ਪ੍ਰਮੁੱਖ ਤੋਂ ਜਾਣਕਾਰੀ ਹਾਸਲ ਕਰ ਕੇ ਉਨ੍ਹਾਂ ਨੂੰ ਮੰਤਰੀ ਪ੍ਰੀਸ਼ਦ ਤੋਂ ਬਰਖਾਸਤ ਕਰਦੇ ਹੋਏ ਉਨ੍ਹਾਂ ਦੇ ਖਿਲਾਫ ਭ੍ਰਿਸ਼ਟਾਚਾਰ ਦੀਆਂ ਧਾਰਾਵਾਂ ''ਚ ਧਾਰਾਵਾਂ ''ਚ ਮਾਮਲਾ ਰਜਿਸਟਰਡ ਕਰਵਾਉਣ।''''
ਮੰਗਲਵਾਰ ਨੂੰ ਸਪਾ ਹੈੱਡ ਕੁਆਰਟਰ ''ਤੇ ਮੁਲਾਇਮ ਸਿੰਘ ਯਾਦਵ ਦੀਆਂ ਨਸੀਹਤਾਂ ਦੀ ਚਰਚਾ ਕਰਦੇ ਹੋਏ ਪਾਠਕ ਨੇ ਕਿਹਾ ਕਿ ਮੁਲਾਇਮ ਦੀ ਜਾਣਕਾਰੀ ''ਚ ਹੈ ਕਿ ਅਖਿਲੇਸ਼ ਸਰਕਾਰ ਦੇ ਜ਼ਿਆਦਾਤਰ ਮੰਤਰੀ ਪੈਸਾ ਕਮਾਉਣ ''ਚ ਰੁਝੇ ਹਨ। ਇਹ ਮੰਤਰੀ ਗਲਤ ਆਚਰਨ ''ਤੇ ਧਨ ਪ੍ਰਾਪਤ ਕਰ ਰਹੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਇਸ ਦਾ ਸਭ ਤੋਂ ਬੁਰਾ ਸ਼ਿਕਾਰ ਉੱਤਰ ਪ੍ਰਦੇਸ਼ ਦੇ ਵੋਟਰ ਹਨ, ਜਿਸ ਨੇ ਭਰੋਸਾ ਕਰ ਕੇ 2012 ''ਚ ਸਪਾ ਨੂੰ ਸੱਤਾ ਸੌਂਪੀ। ਜਨਤਾ ਦੇ ਭਰੋਸੇ ਦਾ ਸਨਮਾਨ ਕਰ ਕੇ ਮੁੱਖ ਮੰਤਰੀ ਆਪਣੀ ਪਾਰਟੀ ਦੇ ਮੁਖੀਆ ਨਾਲ ਸੰਪਰਕ ਕਰ ਲੈਣ ਅਤੇ ਪੈਸਾ ਕਮਾਉਣ ਵਾਲੇ ਮੰਤਰੀਆਂ ਦੀ ਜਾਣਕਾਰੀ ਹਾਸਲ ਕਰ ਕੇ ਉਨ੍ਹਾਂ ਨੂੰ ਬਰਖਾਸਤ ਕਰਨ।