ਰਾਜ ਸਭਾ ਤੋਂ ਬਾਅਦ ਮਹਾਰਾਸ਼ਟਰ ਵਿਧਾਨ ਪਰੀਸ਼ਦ ਚੋਣਾਂ ’ਚ ਹੋਵੇਗਾ ਸਖ਼ਤ ਮੁਕਾਬਲਾ

ਮੁੰਬਈ– ਰਾਜ ਸਭਾ ਚੋਣਾਂ ਦੌਰਾਨ ਜੋ ਨਾਟਕ ਖੇਡਿਆ ਗਿਆ ਸੀ, ਉਸ ਦੇ 20 ਜੂਨ ਨੂੰ ਹੋਣ ਵਾਲੀਆਂ ਮਹਾਰਾਸ਼ਟਰ ਵਿਧਾਨ ਪਰੀਸ਼ਦ ਚੋਣਾਂ ’ਚ ਦੋਹਰਾਏ ਜਾਣ ਦੀ ਸੰਭਾਵਨਾ ਹੈ। ਵਿਧਾਨ ਪਰੀਸ਼ਦ ਦੀਆਂ 10 ਸੀਟਾਂ ਲਈ 11 ਉਮੀਦਵਾਰ ਚੋਣ ਲੜ ਰਹੇ ਹਨ। ਪਾਰਟੀਆਂ ਵਿਚਾਲੇ ਕਰਾਸ ਵੋਟਿੰਗ ਵਧਣ ਦੀ ਸੰਭਾਵਨਾ ਹੈ ਕਿਉਂਕਿ ਭਾਜਪਾ ਨੇ 5 ਉਮੀਦਵਾਰ ਉਤਾਰੇ ਹਨ, ਜਦਕਿ ਉਸ ਕੋਲ ਸਿਰਫ 4 ਉਮੀਦਵਾਰਾਂ ਨੂੰ ਚੁਣਨ ਦੀ ਗਿਣਤੀ ਹੈ। ਇਸ ਲਈ ਇਕ ਵਾਰ ਫਿਰ ਤੋਂ ‘ਮਹਾ ਵਿਕਾਸ ਅਘਾੜੀ ਗਠਜੋੜ’ ਅਤੇ ਆਜ਼ਾਦ ਵਰਗੀਆਂ ਉਸ ਦੀਆਂ ਸਹਿਯੋਗੀ ਪਾਰਟੀਆਂ ਜਿਵੇਂ ਆਜ਼ਾਦ ਉਮੀਦਵਾਰਾਂ ਨੇ ਭਾਜਪਾ ਦੇ 5ਵੇਂ ਉਮੀਦਵਾਰ ਦੀ ਚੋਣ ਕਰਵਾਉਣ ਲਈ ਪਹੁੰਚ ਕੀਤੀ ਹੈ। ਸਥਿਤੀ ਹੋਰ ਵੀ ਦਿਲਚਸਪ ਹੋ ਸਕਦੀ ਸੀ, ਜੇਕਰ ਸਦਾਭਾਊ ਖੋਟ, ਭਾਜਪਾ ਦੇ ਸਮਰਥਨ ਵਾਲੇ 6ਵੇਂ ਉਮੀਦਵਾਰ ਚੋਣ ਮੈਦਾਨ ਵਿਚ ਹੁੰਦੇ। ਹਾਲਾਂਕਿ ਖੋਟ ਨੇ ਪਾਰਟੀ ਤੋਂ  ਸੋਮਵਾਰ ਨੂੰ ਆਪਣੀ ਨਾਮਜ਼ਦਗੀ ਵਾਪਸ ਲੈ ਲਈ ਸੀ।

ਜਦੋਂ ਕਿ ਐੱਨ. ਸੀ. ਪੀ ਅਤੇ ਸ਼ਿਵ ਸੈਨਾ ਕੋਲ ਆਪਣੇ ਦੋ ਉਮੀਦਵਾਰਾਂ ਵਿਚੋਂ ਹਰੇਕ ਨੂੰ ਚੁਣਨ ਲਈ ਗਿਣਤੀ ਹੈ। ਕਾਂਗਰਸ ਨੂੰ ਆਪਣੇ ਐੱਮ. ਐੱਲ. ਸੀ ਉਮੀਦਵਾਰਾਂ ’ਚੋਂ ਇਕ ਨੂੰ ਚੁਣਨ ਲਈ ਆਪਣੇ ਸਹਿਯੋਗੀਆਂ ਅਤੇ ਆਜ਼ਾਦ ਉਮੀਦਵਾਰਾਂ ਦੀਆਂ 10 ਹੋਰ ਵੋਟਾਂ ਦੀ ਲੋੜ ਹੋਵੇਗੀ। ਭਾਜਪਾ ਨੂੰ ਪਾਰਟੀ ਤੋਂ ਬਾਹਰ 5ਵੇਂ ਉਮੀਦਵਾਰ ਲਈ 22 ਵੋਟਾਂ ਦੀ ਲੋੜ ਹੋਵੇਗੀ। ਓਧਰ ਵਿਰੋਧੀ ਧਿਰ ਦੇ ਨੇਤਾ ਦੇਵੇਂਦਰ ਫੜਨਵੀਸ ਨੇ ਸੋਮਵਾਰ ਨੂੰ ਮੰਨਿਆ ਕਿ ਭਾਜਪਾ ਲਈ ਗਿਣਤੀ ਘੱਟ ਹੋਣ 'ਤੇ ਆਪਣੇ 5ਵੇਂ ਉਮੀਦਵਾਰ ਨੂੰ ਚੁਣਨਾ 'ਮੁਸ਼ਕਲ ਕੰਮ' ਹੈ। ਐੱਮ. ਵੀ. ਏ ਗਠਜੋੜ ਦੇ ਅੰਦਰ ਬਹੁਤ ਬੇਚੈਨੀ ਹੈ, ਜੋ ਅੰਦਰੋਂ ਨਾਖੁਸ਼ ਹਨ। ਗਠਜੋੜ ਨੂੰ ਇਕ ਰਸਤਾ ਚਾਹੀਦਾ ਹੈ (ਸਰਕਾਰ ਦੇ ਖ਼ਿਲਾਫ ਆਪਣਾ ਗੁੱਸਾ ਜ਼ਾਹਰ ਕਰਨ ਲਈ) ਅਤੇ ਇਸ ਲਈ ਅਸੀਂ ਇਸ ਦਾ ਫਾਇਦਾ ਚੁੱਕਣ ਲਈ ਆਪਣਾ 5ਵਾਂ ਉਮੀਦਵਾਰ ਪੇਸ਼ ਕੀਤਾ ਹੈ।

ਭਾਜਪਾ ਆਗੂ ਨੇ ਕਿਹਾ ਕਿ ਪਾਰਟੀ ਚਾਹੁੰਦੀ ਹੈ ਕਿ MLC ਉਮੀਦਵਾਰ ਬਿਨਾਂ ਕਿਸੇ ਵਿਰੋਧ ਦੇ ਚੁਣੇ ਜਾਣ। ਹਾਲਾਂਕਿ ਉਸ ਨੇ ਕਾਂਗਰਸ 'ਤੇ MLC ਚੋਣਾਂ ਲਈ ਆਪਣੇ ਦੂਜੇ ਉਮੀਦਵਾਰ ਨੂੰ ਵਾਪਸ ਨਾ ਲੈਣ ਦਾ ਦੋਸ਼ ਲਗਾਇਆ। ਫੜਨਵੀਸ ਨੇ ਕਿਹਾ, "ਸਾਨੂੰ ਉਮੀਦ ਹੈ ਕਿ ਚੋਣਾਂ ਬਿਨਾਂ ਲੜਾਈ ਦੇ ਹੋਣੀਆਂ ਚਾਹੀਦੀਆਂ ਹਨ। MVA ਦੇ ਕੁਝ ਲੋਕ ਵੀ ਅਜਿਹਾ ਚਾਹੁੰਦੇ ਸਨ। ਫੜਨਵੀਸ ਨੇ ਕਿਹਾ ਹਾਲਾਂਕਿ ਕਾਂਗਰਸ ਨੇ ਆਪਣਾ ਦੂਜਾ ਉਮੀਦਵਾਰ ਵਾਪਸ ਲੈਣ ਤੋਂ ਇਨਕਾਰ ਕਰ ਦਿੱਤਾ। ਭਾਜਪਾ ਨੂੰ ਆਪਣਾ 5ਵਾਂ ਉਮੀਦਵਾਰ ਚੁਣੇ ਜਾਣ ਦਾ ਭਰੋਸਾ ਹੈ ਕਿਉਂਕਿ ਰਾਜ ਸਭਾ ਚੋਣਾਂ ਦੇ ਉਲਟ, MLC ਚੋਣਾਂ ਗੁਪਤ ਬੈਲਟ ਰਾਹੀਂ ਕਰਵਾਈਆਂ ਜਾਂਦੀਆਂ ਹਨ, ਜਿੱਥੇ ਕਰਾਸ ਵੋਟਿੰਗ ਦੀਆਂ ਸੰਭਾਵਨਾਵਾਂ ਜ਼ਿਆਦਾ ਹੁੰਦੀਆਂ ਹਨ। ਭਾਜਪਾ ਨੂੰ ਫਿਰ ਤੋਂ MVA ਦੇ ਉਨ੍ਹਾਂ ਹੀ ਵਿਧਾਇਕਾਂ ਅਤੇ ਆਜ਼ਾਦ ਉਮੀਦਵਾਰਾਂ ਨੂੰ ਲੁਭਾਉਣ ਦਾ ਭੋਰਸਾ ਹੈ, ਜਿਨ੍ਹਾਂ ਨੇ ਰਾਜ ਸਭਾ ਚੋਣਾਂ ’ਚ ਇਸ ਨੂੰ ਵੋਟ ਦਿੱਤੀ ਸੀ।