ਸਿਰਫ ਇਕ ਵੋਟ ਲਈ ਜੰਗਲ 'ਚ ਬਣਾਇਆ ਗਿਆ ਪੋਲਿੰਗ ਬੂਥ
04/23/2019 8:18:25 PM
ਅਹਿਮਦਾਬਾਦ— ਗੁਜਰਾਤ ਦੇ ਜੂਨਾਗੜ੍ਹ ਲੋਕ ਸਭਾ ਖੇਤਰ ਦੇ ਗਿਰ ਵੋਟ ਕੇਂਦਰ 'ਤੇ 100 ਫੀਸਦੀ ਵੋਟਿੰਗ ਹੋਈ। ਦਰਅਸਲ ਇਥੇ ਇਕ ਹੀ ਵੋਟਰ ਹੈ ਤੇ ਸਰਕਾਰ ਨੇ ਇਸ ਇਕ ਵੋਟਰ ਲਈ ਅਲਗ ਤੋਂ ਬੂਥ ਬਣਾਇਆ ਹੈ। ਇਸ ਵੋਟਰ ਦਾ ਨਾਂ ਭਰਤ ਦਾਸ ਬਾਪੂ ਹੈ। ਬਾਨੇਜ ਮੰਦਰ ਦੇ 62 ਸਾਲਾ ਪੁਜਾਰੀ ਮਹੰਤ ਭਰਤ ਦਾਸ ਲਈ ਪੁਲਸ ਸਣੇ 8 ਵੋਟ ਕਰਮਚਾਰੀਆਂ ਦੀ ਟੀਮ ਪੋਲਿੰਗ ਬੂਥ 'ਤੇ ਮੌਜੂਦ ਸੀ। ਉਹ ਸਾਲ 2007 ਤੋਂ ਉਥੇ ਵੋਟ ਪਾ ਰਹੇ ਹਨ। ਭਰਤ ਦਾਸ ਨੇ ਵੋਟ ਪਾਊਣ ਤੋਂ ਬਾਅਦ ਕਿਹਾ ਕਿ ਸਰਕਾਰ ਨੇ ਸਿਰਫ ਇਕ ਵੋਟਰ ਲਈ ਪੋਲਿੰਗ ਬੂਥ ਬਣਾਉਣ ਲਈ ਖਰਚਾ ਕੀਤਾ ਹੈ। ਅਜਿਹੇ 'ਚ ਮੇਰੀ ਵੀ ਜ਼ਿੰਮੇਵਾਰੀ ਬਣਦੀ ਹੈ ਕਿ ਮੈਂ ਵੋਟ ਪਾਵਾਂ ਤੇ ਇਸ ਤਰ੍ਹਾਂ ਵੋਟ ਕੇਂਦਰ 'ਤੇ 100 ਫੀਸਦੀ ਵੋਟਿੰਗ ਹੋਈ।
Gujarat:A polling booth in Gir Forest has been set up for 1 voter in Junagadh.Voter Bharatdas Bapu says,“Govt spends money for this polling booth for 1 vote.I've voted&it's 100% voter turnout here.For 100% voter turnout everywhere,I request all to go&vote.” #LokSabhaElections2019 pic.twitter.com/N0xYNKSK0S
— ANI (@ANI) April 23, 2019
ਬਾਪੂ ਨੇ ਕਿਹਾ ਕਿ ਹਰ ਬੂਥ 'ਤੇ 100 ਫੀਸਦੀ ਵੋਟਿੰਗ ਹੋਣੀ ਚਾਹੀਦੀ ਹੈ। ਉਨ੍ਹਾਂ ਨੇ ਲੋਕਾਂ ਨੂੰ ਵੱਧ ਤੋਂ ਵੱਧ ਵੋਟ ਪਾਉਣ ਦੀ ਅਪੀਲ ਕੀਤੀ ਹੈ। ਜ਼ਿਕਰਯੋਗ ਹੈ ਕਿ ਤੀਜੇ ਪੜਾਅ ਲਈ 116 ਸੀਟਾਂ 'ਤੇ ਵੋਚਿੰਗ ਹੋਈ ਹੈ ਪਹਿਲੇ ਤੇ ਦੂਜੇ ਪੜਾਅ 'ਚ 91 ਤੇ 95 ਸੀਟਾਂ ਲਈ ਵੋਟਿੰਗ ਹੋਈ ਸੀ।