ਜ਼ਹਿਰੀਲੀ ਦਵਾਈ ਨਿਗਲਣ ਨਾਲ ਨਵ-ਵਿਆਹੁਤਾ ਦੀ ਮੌਤ

ਗੋਨਿਆਣਾ (ਗੋਰਾ ਲਾਲ)-ਗੋਨਿਆਣਾ ਮੰਡੀ ਦੇ ਇਕ ਪ੍ਰਾਈਵੇਟ ਹਸਪਤਾਲ ਵਿਖੇ ਇਕ ਨਵ-ਵਿਆਹੁਤਾ ਦੀ ਅੱਜ ਮੌਤ ਹੋ ਗਈ। ਸੂਤਰਾਂ ਅਨੁਸਾਰ ਵੀਰਪਾਲ ਕੌਰ (25) ਪਤਨੀ ਅਮਨਦੀਪ ਸਿੰਘ ਵਾਸੀ ਪਿੰਡ ਬਚੇਰ (ਸਿਰਸਾ) ਹਰਿਆਣਾ ਨੇ ਬੀਤੀ ਸ਼ਾਮ ਆਪਣੇ ਸਹੁਰੇ ਘਰ ਕਿਸੇ ਕਾਰਨ ਕੋਈ ਜ਼ਹਿਰੀਲੀ ਦਵਾਈ ਨਿਗਲ ਲਈ ਸੀ। ਤਬੀਅਤ ਖਰਾਬ ਹੋਣ 'ਤੇ ਉਸ ਨੂੰ ਪਹਿਲਾਂ ਕਾਲਿਆਂਵਾਲੀ ਵਿਖੇ ਦਾਖਲ ਕਰਵਾਇਆ ਅਤੇ ਬਾਅਦ 'ਚ ਇਕ ਪ੍ਰਾਈਵੇਟ ਹਸਪਤਾਲ ਵਿਖੇ ਦਾਖਲ ਕਰਵਾਇਆ ਗਿਆ, ਜਿਥੇ ਉਸ ਦੀ ਬਾਅਦ ਦੁਪਹਿਰ ਮੌਤ ਹੋ ਗਈ। ਉਕਤ ਹਸਪਤਾਲ ਦੇ ਡਾਕਟਰ ਨੇ ਇਸ ਸਬੰਧੀ ਥਾਣਾ ਸਿਰਸਾ ਦੀ ਪੁਲਸ ਨੂੰ ਸੂਚਿਤ ਦਿੱਤਾ ਹੈ। ਪੁਲਸ ਨੇ ਹਸਪਤਾਲ ਵਿਖੇ ਆ ਕੇ ਕਾਨੂੰਨੀ ਕਾਰਵਾਈ ਕਰਦਿਆਂ ਮ੍ਰਿਤਕਾ ਦੀ ਲਾਸ਼ ਕਬਜ਼ੇ 'ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤੀ।