ਮੋਬਾਇਲ ਵਿੰਗ ਦੇ ਪੂਰੀ ਰਾਤ ਚਲੇ ਆਪ੍ਰੇਸ਼ਨ ’ਚ 2 ਲੋਹੇ ਦੇ ਟਰੱਕ ਕੀਤੇ ਜ਼ਬਤ, ਹੋ ਸਕਦੈ 10 ਲੱਖ ਰੁਪਏ ਦਾ ਜੁਰਮਾਨਾ
08/09/2022 10:26:23 AM
ਅੰਮ੍ਰਿਤਸਰ (ਇੰਦਰਜੀਤ)- ਆਬਕਾਰੀ ਤੇ ਕਰ ਵਿਭਾਗ ਦੇ ਅੰਮ੍ਰਿਤਸਰ ਮੋਬਾਇਲ ਵਿੰਗ ਨੇ ਲੋਹੇ ਦੇ ਦੋ ਨਵੇਂ ਟਰੱਕ ਜ਼ਬਤ ਕੀਤੇ ਹਨ। ਇਨ੍ਹਾਂ ਵਿਚੋਂ ਇਕ ਟਰੱਕ ਗੁਰਦਾਸਪੁਰ ਸ਼ਹਿਰ ਅਤੇ ਦੂਜਾ ਅੰਮ੍ਰਿਤਸਰ ਦੇ ਦਿਹਾਤੀ ਖੇਤਰ ਵਿਚੋਂ ਬਰਾਮਦ ਹੋਇਆ ਹੈ। ਮੋਬਾਇਲ ਟੀਮ ਵਲੋਂ ਜ਼ਬਤ ਕੀਤੇ ਗਏ ਟਰੱਕਾਂ ’ਤੇ 10 ਲੱਖ ਰੁਪਏ ਤੋਂ ਵੱਧ ਦਾ ਜੁਰਮਾਨਾ ਲੱਗਣ ਦੀ ਸੰਭਾਵਨਾ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਅੰਮ੍ਰਿਤਸਰ ਬਾਰਡਰ ਰੇਂਜ ਦੇ ਸਹਾਇਕ ਕਮਿਸ਼ਨਰ ਸੰਦੀਪ ਗੁਪਤਾ ਵਲੋਂ ਮਿਲੇ ਇਨਪੁਟ ਅਨੁਸਾਰ ਮੋਬਾਇਲ ਵਿਭਾਗ ਨੇ ਕਾਰਵਾਈ ਕੀਤੀ ਸੀ। ਵਿਭਾਗ ਨੂੰ ਗੁਪਤ ਸੂਚਨਾ ਰਾਹੀਂ ਪਤਾ ਲੱਗਾ ਕਿ ਅੰਮ੍ਰਿਤਸਰ ਦੇ ਰਾਮਤੀਰਥ ਰੋਡ ’ਤੇ ਇੱਕ ਥਾਂ ’ਤੇ ਲੋਹੇ ਦਾ ਨਵਾਂ ਸਾਮਾਨ ਆਉਣ ਵਾਲਾ ਹੈ।
ਪੜ੍ਹੋ ਇਹ ਵੀ ਖ਼ਬਰ: ਗੁਰਜੀਤ ਕੌਰ ਨੇ ਬਚਪਨ 'ਚ ਛੱਡ ਦਿੱਤਾ ਸੀ ਘਰ, ਜਾਣੋ ਤਮਗਾ ਜੇਤੂ ਹਾਕੀ ਖਿਡਾਰਨ ਦੀ ਸੰਘਰਸ਼ਮਈ ਕਹਾਣੀ
ਸਹਾਇਕ ਕਮਿਸ਼ਨਰ ਵਲੋਂ ਦਿੱਤੀਆਂ ਹਦਾਇਤਾਂ ਤਹਿਤ ਮੋਬਾਇਲ ਵਿੰਗ ਦੇ ਈ. ਟੀ. ਓ. ਕੁਲਬੀਰ ਸਿੰਘ ਦੀ ਅਗਵਾਈ ਹੇਠ ਟੀਮ ਦਾ ਗਠਨ ਕੀਤਾ ਗਿਆ। ਇਸ ਵਿਚ ਇੰਸਪੈਕਟਰ ਸਰਵਣ ਸਿੰਘ ਢਿੱਲੋਂ ਅਤੇ ਸੁਰੱਖਿਆ ਮੁਲਾਜ਼ਮ ਹਾਜ਼ਰ ਸਨ। ਲੋਹੇ ਦੇ ਟਰੱਕ ਦੀ ਸੂਚਨਾ ’ਤੇ ਕਾਰਵਾਈ ਕਰਦਿਆਂ ਰਾਤ 11 ਵਜੇ ਨਾਕਾਬੰਦੀ ਮੁਕੰਮਲ ਕਰ ਲਈ ਗਈ। ਮੋਬਾਇਲ ਟੀਮ ਦਾ ਉਕਤ ਆਪ੍ਰੇਸ਼ਨ ਪੂਰੀ ਰਾਤ ਚਲਿਆ। ਇਸ ਦੌਰਾਨ ਮੋਬਾਇਲ ਵਿੰਗ ਟੀਮ ਨੂੰ ਇੱਕ ਜਗ੍ਹਾ ਅਣਲੋਡ ਲੋਹੇ ਦੀ ਰਾਡ ਵਾਲਾ ਟਰੱਕ ਮਿਲਿਆ, ਜਿਸ ਵਿਚ ਨਵੇਂ ਮਾਲ ਲਈ ਢੁਕਵੇਂ ਦਸਤਾਵੇਜ਼ ਨਹੀਂ ਸਨ। ਇਸ ਸਬੰਧੀ ਈ. ਟੀ. ਓ. ਕੁਲਬੀਰ ਸਿੰਘ ਨੇ ਟੀਮ ਸਮੇਤ ਕਾਰਵਾਈ ਕਰਦੇ ਹੋਏ ਟਰੱਕ ਨੂੰ ਜ਼ਬਤ ਕਰ ਕੇ ਮੋਬਾਇਲ ਵਿੰਗ ਹੈੱਡਕੁਆਰਟਰ ਦੇ ਹਵਾਲੇ ਕਰ ਦਿੱਤਾ।
ਪੜ੍ਹੋ ਇਹ ਵੀ ਖ਼ਬਰ: ਤਰਨਤਾਰਨ ’ਚ ਸ਼ਰਮਸਾਰ ਹੋਈ ਮਾਂ ਦੀ ਮਮਤਾ, ਕੂੜੇ ਦੇ ਢੇਰ ’ਚੋਂ ਮਿਲੀ ਨਵ-ਜਨਮੀ ਬੱਚੀ ਦੀ ਲਾਸ਼
ਇਸੇ ਦੌਰਾਨ ਮੋਬਾਇਲ ਵਿੰਗ ਟੀਮ ਨੂੰ ਸੂਚਨਾ ਮਿਲੀ ਕਿ ਦੇਰ ਰਾਤ ਇਕ ਲੋਹੇ ਦਾ ਟਰੱਕ ਗੁਰਦਾਸਪੁਰ ਵੱਲ ਆ ਰਿਹਾ ਹੈ। ਈ. ਟੀ. ਓ. ਕੁਲਬੀਰ ਸਿੰਘ ਦੀ ਅਗਵਾਈ ਹੇਠ ਉਕਤ ਟੀਮ ਨੇ ਰਾਤ 12 ਵਜੇ ਤੋਂ ਬਾਅਦ ਵਾਹਨਾਂ ਨੂੰ ਗੁਰਦਾਸਪੁਰ ਵੱਲ ਮੋੜ ਦਿੱਤਾ। ਉਥੇ ਨਾਕਾ ਲਗਾ ਕੇ ਆਉਣ-ਜਾਣ ਵਾਲੇ ਵਾਹਨਾਂ ਦੀ ਚੈਕਿੰਗ ਕੀਤੀ ਜਾ ਰਹੀ ਸੀ। ਇਸੇ ਦੌਰਾਨ ਬਾਅਦ ਦੁਪਹਿਰ ਕਰੀਬ 3 ਵਜੇ ਸਿਟੀ ਗੁਰਦਾਸਪੁਰ ਅੰਦਰ ਸਥਿਤ ਇਕ ਗੋਦਾਮ ਨੇਡ਼ੇ ਇਕ ਹੋਰ ਟਰੱਕ ਜੋ ਕਿ ਮਾਲ ਉਤਾਰ ਰਿਹਾ ਸੀ, ਦੀ ਲਪੇਟ ਵਿਚ ਆ ਗਿਆ। ਇਸ ਵਿਚ ਮੋਬਾਇਲ ਟੀਮ ਨੂੰ ਮੁੱਢਲੀ ਜਾਂਚ ਵਿੱਚ ਟੈਕਸ ਚੋਰੀ ਦੇ ਸੁਰਾਗ ਮਿਲੇ ਹਨ। ਈ. ਟੀ. ਓ. ਕੁਲਬੀਰ ਸਿੰਘ ਦੀ ਅਗਵਾਈ ਹੇਠ ਮੋਬਾਈਲ ਵਿੰਗ ਦੀ ਟੀਮ ਨੇ ਟਰੱਕ ਨੂੰ ਕਬਜ਼ੇ ਵਿੱਚ ਲੈ ਲਿਆ ਹੈ।
ਪੜ੍ਹੋ ਇਹ ਵੀ ਖ਼ਬਰ: ਸੈਂਟਰਲ ਜੇਲ੍ਹ ਲੁਧਿਆਣਾ ’ਚ ਸਿੱਖਿਅਤ ਵਿਦੇਸ਼ੀ ਨਸਲ ਦੇ 3 ਕੁੱਤੇ ਤਾਇਨਾਤ, ਸੁੰਘ ਕੇ ਦੱਸਣਗੇ ਕਿਸ ਕੋਲ ਹੈ ਮੋਬਾਇਲ
ਸਹਾਇਕ ਮਿਸਰਾ ਸੰਦੀਪ ਗੁਪਤਾ ਨੇ ਕਿਹਾ ਕਿ ਕੰਮ ਪੂਰੀ ਪਾਰਦਰਸਤਾ ਨਾਲ ਕੀਤਾ ਜਾਵੇਗਾ ਅਤੇ ਮਾਲ ਦੀ ਤਾਜਾ ਮੁਲਾਂਕਣ ਤੋਂ ਬਾਅਦ ਟੈਕਸ ਅਤੇ ਜੁਰਮਾਨੇ ਦੀਆਂ ਧਾਰਾਵਾਂ ਤੈਅ ਕੀਤੀਆਂ ਜਾਣਗੀਆਂ। ਉਨ੍ਹਾਂ ਕਿਹਾ ਕਿ ਟੈਕਸ ਚੋਰੀ ਵਿਰੁੱਧ ਮੁਹਿੰਮ ਜਾਰੀ ਰਹੇਗੀ। ਇਸ ਮਾਮਲੇ ਸਬੰਧੀ ਵਿਭਾਗੀ ਸੂਤਰਾਂ ਨਾਲ ਸੰਪਰਕ ਕਰਨ ’ਤੇ ਉਨ੍ਹਾਂ ਦੱਸਿਆ ਕਿ ਲੋਹੇ ਦੇ ਨਵੇਂ ਟਰੱਕ ਬਹੁਤ ਮਹਿੰਗੇ ਹਨ ਅਤੇ ਇਨ੍ਹਾਂ ਦੋਵਾਂ ਟਰੱਕਾਂ ’ਤੇ 10 ਲੱਖ ਰੁਪਏ ਦੇ ਕਰੀਬ ਜੁਰਮਾਨਾ ਹੋ ਸਕਦਾ ਹੈ।
ਪੜ੍ਹੋ ਇਹ ਵੀ ਖ਼ਬਰ: ਡੇਰਾ ਬਾਬਾ ਨਾਨਕ ਤੋਂ ਦੁਖ਼ਦ ਖ਼ਬਰ: ਧੀ ਤੋਂ ਬਾਅਦ ਜ਼ਿੰਦਗੀ ਤੇ ਮੌਤ ਦੀ ਲੜਾਈ ਲੜ ਰਹੇ ਮਾਂ-ਪੁੱਤ ਦੀ ਵੀ ਹੋਈ ਮੌਤ