ਕੰਟਰੋਲ ਰੇਖਾ ਤੋਂ ਪਾਰ ਹੋਈ ਗੋਲੀਬਾਰੀ ''ਚ ਦੋ ਨਾਗਰਿਕਾਂ ਦੀ ਮੌਤ : ਪਾਕਿ

ਇਸਲਾਮਾਬਾਦ (ਭਾਸ਼ਾ)— ਪਾਕਿਸਤਾਨ ਨੇ ਦਾਅਵਾ ਕੀਤਾ ਕਿ ਵੀਰਵਾਰ ਨੂੰ ਕੰਟਰੋਲ ਰੇਖਾ (ਐੱਲ. ਓ. ਸੀ.) ਦੇ ਪਾਰ ਤੋਂ ਭਾਰਤੀ ਫੌਜੀਆਂ ਵੱਲੋਂ ਕੀਤੀ ਗੋਲੀਬਾਰੀ ਵਿਚ ਉਸ ਦੇ ਦੋ ਨਾਗਰਿਕਾਂ ਦੀ ਮੌਤ ਹੋ ਗਈ ਅਤੇ ਦੋ ਹੋਰ ਜ਼ਖਮੀ ਹੋ ਗਏ। ਵਿਦੇਸ਼ ਦਫਤਰ ਦੇ ਬੁਲਾਰਾ ਮੁਹਮੰਦ ਫੈਸਲ ਨੇ ਦੱਸਿਆ ਕਿ ਭਾਰਤੀ ਫੌਜੀਆਂ ਨੇ ਵੀਰਵਾਰ ਸਵੇਰੇ ਪਧਾਰ ਸੈਕਟਰ ਦੇ ਥੁਬ ਅਤੇ ਬਨਤਿਰਾਨ ਉਪ ਸੈਕਟਰਾਂ ਵਿਚ ''ਬਿਨਾਂ ਉਕਸਾਵੇ ਦੇ ਗੋਲੀਬਾਰੀ'' ਕੀਤੀ ਅਤੇ ਬ੍ਰਾਮਲਾ ਪਿੰਡ ਨੂੰ ਨਿਸ਼ਾਨਾ ਬਣਾਇਆ। ਉਨ੍ਹਾਂ ਨੇ ਦੱਸਿਆ ਕਿ ਇਸ ਗੋਲੀਬਾਰੀ ਵਿਚ ਦੋ ਨਾਗਰਿਕਾਂ ਦੀ ਮੌਤ ਹੋ ਗਈ ਅਤੇ ਇਕ ਔਰਤ ਸਮੇਤ ਦੋ ਹੋਰ ਜ਼ਖਮੀ ਹੋ ਗਏ।