ਤੀਜੀ ਪਤਨੀ ਨਾਲ ਵਿਗੜੇ ਇਮਰਾਨ ਖਾਨ ਦੇ ਸੰਬੰਧ, ਦੱਸਿਆ ਇਹ ਕਾਰਨ
04/25/2018 1:48:56 PM
ਲਾਹੌਰ (ਬਿਊਰੋ)— ਪਾਕਿਸਤਾਨੀ ਸਿਆਸਤਦਾਨ ਇਮਰਾਨ ਖਾਨ ਹਾਲ ਹੀ ਵਿਚ ਆਪਣੇ ਤੀਜੇ ਵਿਆਹ ਨੂੰ ਲੈ ਕੇ ਸੁਰਖੀਆਂ ਵਿਚ ਸਨ। ਹੁਣ ਪਾਕਿਸਤਾਨੀ ਮੀਡੀਆ ਵੱਲੋਂ ਇਹ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਮਰਾਨ ਖਾਨ ਦਾ ਤੀਜਾ ਵਿਆਹ ਵੀ ਖਤਮ ਹੋਣ ਦੇ ਕੰਢੇ ਹੈ। ਇਮਰਾਨ ਅਤੇ ਉਸ ਦੀ ਤੀਜੀ ਪਤਨੀ ਬੁਸ਼ਰਾ ਮਨੇਕਾ ਵਿਚਕਾਰ ਘਰੇਲੂ ਝਗੜਾ ਸ਼ੁਰੂ ਹੋ ਗਿਆ ਹੈ। ਝਗੜੇ ਮਗਰੋਂ ਇਮਰਾਨ ਨੇ ਬੁਸ਼ਰਾ ਨੂੰ ਪੇਕੇ ਘਰ ਭੇਜ ਦਿੱਤਾ ਹੈ। ਸਥਾਨਕ ਮੀਡੀਆ ਮੁਤਾਬਕ ਬੁਸ਼ਰਾ ਬੀਤੇ ਕਰੀਬ ਇਕ ਮਹੀਨੇ ਤੋਂ ਆਪਣੇ ਪੇਕੇ ਘਰ ਰਹਿ ਰਹੀ ਹੈ। ਝਗੜੇ ਦਾ ਕਾਰਨ ਇਹ ਦੱਸਿਆ ਜਾ ਰਿਹਾ ਹੈ ਕਿ ਬੁਸ਼ਰਾ ਦੇ ਪਹਿਲੇ ਵਿਆਹ ਦਾ ਬੇਟਾ ਇਮਰਾਨ ਦੇ ਬਾਨੀ ਗਾਲਾ ਵਾਲੇ ਘਰ ਵਿਚ ਲੋੜ ਤੋਂ ਜ਼ਿਆਦਾ ਸਮੇਂ ਤੱਕ ਮੌਜੂਦ ਰਹਿੰਦਾ ਸੀ। ਉਸ ਦੀ ਜ਼ਿਆਦਾ ਦੇਰ ਮੌਜੂਦਗੀ ਇਮਰਾਨ ਨੂੰ ਪਸੰਦ ਨਹੀਂ ਸੀ।
#Pakistan 's Tehreek-e-Insaf chairman #ImranKhan 's third wife #BushraManek has reportedly returned back to her maternal home following a domestic dispute over the ex-cricketer's pet dogs.
— ANI Digital (@ani_digital) April 25, 2018
Read @ANI Story | https://t.co/XWj1cKEHp5 pic.twitter.com/Ci6g56fScV
ਮੀਡੀਆ ਰਿਪੋਰਟ ਮੁਤਾਬਕ ਇਮਰਾਨ ਦੀ ਦੂਜੀ ਪਤਨੀ ਰੇਹਮ ਵੀ ਉਸ ਦੀ ਇਸੇ ਜਿੱਦ ਦਾ ਸ਼ਿਕਾਰ ਹੋਈ ਸੀ ਕਿਉਂਕਿ ਵਿਆਹ ਮਗਰੋਂ ਰੇਹਮ ਦੇ ਬੇਟੇ ਨੇ ਇਮਰਾਨ ਦੇ ਘਰ ਰਹਿਣਾ ਸ਼ੁਰੂ ਕਰ ਦਿੱਤਾ ਸੀ। ਜਾਣਕਾਰੀ ਮੁਤਾਬਕ ਇਮਰਾਨ ਦੀਆਂ ਭੈਣਾਂ ਉਸ ਦੇ ਤੀਜੇ ਵਿਆਹ ਤੋਂ ਖੁਸ਼ ਨਹੀਂ ਸਨ। ਭੈਣਾਂ ਦੀ ਇਸ ਮਾਮਲੇ ਵਿਚ ਚੁੱਪੀ ਨੇ ਇਮਰਾਨ ਦੇ ਉਸ ਦੀ ਪਤਨੀ ਵਿਚਕਾਰ ਹੋਏ ਝਗੜੇ ਦੇ ਸ਼ੱਕ ਨੂੰ ਹੋਰ ਵਧਾ ਦਿੱਤਾ ਹੈ। ਇਕ ਹੋਰ ਗੱਲ ਜਿਸ ਨੇ ਬੁਸ਼ਰਾ ਦੇ ਅਹੁਦੇ ਦੇ ਕਮਜ਼ੋਰ ਹੋਣ ਦਾ ਸ਼ੱਕ ਪੈਦਾ ਕੀਤਾ ਹੈ। ਉਹ ਇਹ ਹੈ ਇਕ ਇਮਰਾਨ ਖਾਨ ਕੋਲ ਕਈ ਨਸਲਾਂ ਦੇ ਕੁੱਤੇ ਸਨ। ਪਰ ਬੁਸ਼ਰਾ ਨੇ ਆਉਣ ਮਗਰੋਂ ਇਨਾਂ ਸਾਰੇ ਕੁੱਤਿਆਂ ਨੂੰ ਘਰੋਂ ਦੂਰ ਭੇਜ ਦਿੱਤਾ ਗਿਆ ਸੀ। ਹੁਣ ਇਹ ਕੁੱਤੇ ਘਰ ਦੇ ਆਲੇ-ਦੁਆਲੇ ਘੁੰਮਦੇ ਦੇਖੇ ਜਾ ਰਹੇ ਹਨ। ਉੱਧਰ ਪਾਕਿਸਤਾਨ ਤਹਿਰੀਕ-ਏ-ਇਨਸਾਫ ਪਾਰਟੀ ਦੇ ਮੁਖੀ ਇਮਰਾਨ ਖਾਨ ਨੇ ਆਪਣੇ ਪੰਸਦੀਦਾ ਕੁੱਤੇ ਸ਼ੇਰੂ ਨੂੰ ਘਰੋਂ ਬਾਹਰ ਕੱਢੇ ਜਾਣ ਦੀ ਗੱਲ ਦਾ ਖੰਡਨ ਕੀਤਾ ਸੀ।