ਜੰਮੂ ''ਚ ਕੋਵਿਡ-19 ਨਾਲ ਇਕ ਹੋਰ ਮੌਤ, ਜਾਣੋ ਕੇਂਦਰ ਸ਼ਾਸਤ ਪ੍ਰਦੇਸ਼ ਦਾ ਹਾਲ
07/19/2020 5:42:54 PM
ਜੰਮੂ- ਹਸਪਤਾਲ ਵਿਚ ਇਕ 50 ਸਾਲਾ ਕੋਵਿਡ-19 ਮਰੀਜ਼ ਦੀ ਮੌਤ ਹੋਣ ਨਾਲ ਕੇਂਦਰ ਸ਼ਾਸਤ ਪ੍ਰਦੇਸ਼ ਵਿਚ ਇਸ ਬਿਮਾਰੀ ਨਾਲ ਮਰਨ ਵਾਲੇ ਲੋਕਾਂ ਦੀ ਕੁੱਲ ਗਿਣਤੀ ਵੱਧ ਕੇ 237 ਹੋ ਗਈ ਹੈ।
ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਕਿਹਾ ਕਿ ਜੰਮੂ ਖੇਤਰ ਵਿੱਚ ਕੋਰੋਨਾ ਵਾਇਰਸ ਦੀ ਲਾਗ ਕਾਰਨ ਹੋਈ ਮੌਤ ਦਾ ਇਹ 19 ਵਾਂ ਕੇਸ ਹੈ। ਖਿੱਤੇ ਵਿੱਚ ਹੁਣ ਤੱਕ ਸੰਕਰਮਣ ਦੇ ਕੁੱਲ 2,687 ਮਾਮਲੇ ਸਾਹਮਣੇ ਆਏ ਹਨ, ਜਦੋਂਕਿ ਕਸ਼ਮੀਰ ਘਾਟੀ ਵਿੱਚ 10,511 ਕੇਸ ਸਾਹਮਣੇ ਆਏ ਹਨ ਅਤੇ 218 ਲੋਕਾਂ ਦੀ ਮੌਤ ਹੋ ਗਈ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਔਰਤ, ਜਿਸ ਦੀ ਐਤਵਾਰ ਨੂੰ ਰਾਜੌਰੀ ਜ਼ਿਲ੍ਹੇ ਵਿਚ ਮੌਤ ਹੋਈ, ਨੂੰ ਵੀ ਹੋਰ ਬਿਮਾਰੀਆਂ ਸਨ। ਜ਼ਿਲ੍ਹੇ ਵਿਚ ਕੋਵਿਡ-19 ਨਾਲ ਇਹ ਦੂਜੀ ਮੌਤ ਹੈ।