ਤਸਵੀਰਾਂ ''ਚ ਦੇਖੋ ਨਵਜੋਤ ਸਿੰਘ ਸਿੱਧੂ ਦਾ Stylish ਪਰਿਵਾਰ, ਬੇਟੀ ਨੂੰ ਹੈ ਮਾਡਲਿੰਗ ਦਾ ਸ਼ੌਂਕ
04/29/2016 12:08:02 PM
ਨਵੀਂ ਦਿੱਲੀ/ਜਲੰਧਰ : ਸਾਬਕਾ ਕ੍ਰਿਕਟਰ ਅਤੇ ਭਾਜਪਾ ਆਗੂ ਨਵਜੋਤ ਸਿੰਘ ਸਿੱਧੂ ਨੇ ਵੀਰਵਾਰ ਨੂੰ ਰਾਜ ਸਭਾ ਦੇ ਸੰਸਦ ਮੈਂਬਰ ਦੇ ਤੌਰ ''ਤੇ ਸਹੁੰ ਚੁੱਕੀ। ਪੰਜਾਬ ਦੇ ਅੰਮ੍ਰਿਤਸਰ ਨਾਲ ਸੰਬੰਧ ਰੱਖਣ ਵਾਲੇ ਨਵਜੋਤ ਸਿੰਘ ਸਿੱਧੂ ਦਾ ਆਪਣਾ ਕੁਝ ਵੱਖਰਾ ਹੀ ਅੰਦਾਜ਼ ਹੈ। ਸਿੱਧੂ ਦੇ ਪਰਿਵਾਰ ''ਚ ਉਨ੍ਹਾਂ ਦੀ ਪਤਨੀ ਨਵਜੋਤ ਕੌਰ ਸਿੱਧੂ ਅਤੇ 2 ਬੱਚੇ ਹਨ। ਨਵਜੋਤ ਕੌਰ ਸਿੱਧੂ ਵੀ ਪੰਜਾਬ ਵਿਧਾਨ ਸਭਾ ''ਚ ਭਾਜਪਾ ਵਿਧਾਇਕ ਹੈ, ਜੋ ਕਿ ਇਕ ਅਫਸਰ ਦਾ ਸਟਿੰਗ ਕਰਕੇ ਚਰਚਾ ''ਚ ਆਈ ਸੀ।
ਕ੍ਰਿਕਟਰ ਤੋਂ ਸਿਆਸੀ ਨੇਤਾ ਬਣਨ ਤੱਕ ਦਾ ਸਿੱਧੂ ਦਾ ਸਫਰ ਬਹੁਤ ਦਿਲਚਸਪ ਰਿਹਾ। ਸਿੱਧੂ ਦੀ ਬੇਟੀ ਰੂਬੀਆ ਫੈਸ਼ਨ ਡਿਜ਼ਾਈਨਰ ਬਣਨਾ ਚਾਹੁੰਦੀ ਹੈ। ਸਿਰਫ ਇੰਨਾ ਹੀ ਨਹੀਂ ਰੂਬੀਆ ਨੂੰ ਮਾਡਲਿੰਗ ਦਾ ਵੀ ਸ਼ੌਂਕ ਹੈ ਅਤੇ ਉਨ੍ਹਾਂ ਦਾ ਬੇਟਾ ਕਰਨ ਸਿੱਧੂ ਵਕਾਲਤ ਕਰਨਾ ਚਾਹੁੰਦਾ ਹੈ। ਕਰਨ ਕਦੇ-ਕਦੇ ਆਪਣੀ ਮਾਂ ਨਵਜੋਤ ਕੌਰ ਸਿੱਧੂ ਨਾਲ ਸਿਆਸੀ ਗਲਿਆਰਿਆਂ ''ਚ ਦਿਖਾਈ ਦਿੰਦਾ ਹੈ।
ਸਿੱਧੂ ਦਾ ਸਿਆਸੀ ਸਫਰ
2004 ਤੋਂ 2014 ਤੱਕ ਸਿੱਧੂ ਅੰਮ੍ਰਿਤਸਰ ਸੀਟ ਤੋਂ ਭਾਜਪਾ ਦੇ ਸੰਸਦ ਮੈਂਬਰ ਰਹੇ ਹਨ। 2014 ਦੀਆਂ ਲੋਕ ਸਭਾ ਚੋਣਾਂ ''ਚ ਉਨ੍ਹਾਂ ਦੀ ਟਿਕਟ ਕੱਟ ਕੇ ਇਸ ਸੀਟ ''ਤੇ ਮੌਜੂਦਾ ਵਿੱਤ ਅਤੇ ਰੱਖਿਆ ਮੰਤਰੀ ਅਰੁਣ ਜੇਤਲੀ ਨੂੰ ਮੈਦਾਨ ''ਚ ਉਤਾਰਿਆ ਗਿਆ ਸੀ ਪਰ ਜੇਤਲੀ ਨੂੰ ਕਾਂਗਰਸ ਦੇ ਕੈਪਟਨ ਅਮਰਿੰਦਰ ਸਿੰਘ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਹੁਣ ਸਾਲ 2017 ''ਚ ਹੋਣ ਵਾਲੀਆਂ ਵਿਧਾਨ ਸਭਾ ਦੀਆਂ ਚੋਣਾਂ ਤੋਂ ਪਹਿਲਾਂ ਨਵਜੋਤ ਸਿੰਘ ਸਿੱਧੂ ਨੂੰ ਰਾਜ ਸਭਾ ਮੈਂਬਰ ਬਣਾਇਆ ਗਿਆ ਹੈ।