ਆਸਟ੍ਰੇਲੀਆ ''ਚ ਬਣਾਈ ਜਾਵੇਗੀ ਦੁਨੀਆ ਦੀ ਸਭ ਤੋਂ ਉੱਚੀ 50 ਮੰਜ਼ਿਲਾ ''ਲੱਕੜ ਦੀ ਇਮਾਰਤ''

ਕੈਨਬਰਾ- ਪੱਛਮੀ ਆਸਟ੍ਰੇਲੀਆ ਦੁਨੀਆ ਦੀ ਸਭ ਤੋਂ ਉੱਚੀ ਲੱਕੜ ਦੀ ਇਮਾਰਤ ਬਣਾਉਣ ਜਾ ਰਿਹਾ ਹੈ। 191.2 ਮੀਟਰ ਉੱਚੀ ਇਸ ਇਮਾਰਤ ਵਿੱਚ 50 ਮੰਜ਼ਿਲਾਂ ਹੋਣਗੀਆਂ, ਜਿਸ ਵਿੱਚ 200 ਅਪਾਰਟਮੈਂਟ ਬਣਾਏ ਜਾਣਗੇ। ਦੱਖਣੀ ਪਰਥ ਦੀ C6 ਇਮਾਰਤ ਦਾ 42 ਫੀਸਦੀ ਹਿੱਸਾ ਲੱਕੜ ਦਾ ਹੋਵੇਗਾ, ਜਿਸ ਵਿਚ ਟਾਵਰ ਦੇ ਬੀਮ, ਫਲੋਰ ਪੈਨਲ, ਸਟੱਡਸ, ਜੁਆਇਨਰੀ ਅਤੇ ਲਾਈਨਿੰਗਸ ਸ਼ਾਮਲ ਹੈ। ਇਸ ਨਾਲ ਕਾਰਬਨ ਦੇ ਨਿਕਾਸ ਨੂੰ ਘੱਟ ਕਰਨ 'ਚ ਮਦਦ ਮਿਲੇਗੀ। ਇਹ ਸਭ ਵਾਤਾਵਰਨ ਦੀ ਸੁਰੱਖਿਆ ਤਹਿਤ ਕੀਤਾ ਜਾ ਰਿਹਾ ਹੈ।  

ਪੜ੍ਹੋ ਇਹ ਅਹਿਮ ਖ਼ਬਰ-ਈਰਾਨ 'ਚ ਹਿਜਾਬ ਨਾ ਪਾਉਣ 'ਤੇ 16 ਸਾਲਾ ਕੁੜੀ ਦੀ ਬੇਰਹਿਮੀ ਨਾਲ ਕੁੱਟਮਾਰ, ਫਿਲਹਾਲ ਕੋਮਾ 'ਚ

6 ਚਾਰਲਸ ਸਟਰੀਟ ਦੇ ਗ੍ਰੇਂਜ ਡਿਵੈਲਪਮੈਂਟ ਪ੍ਰੋਜੈਕਟ ਵਿੱਚ 200 ਤੋਂ ਵੱਧ ਅਪਾਰਟਮੈਂਟ ਸ਼ਾਮਲ ਹੋਣਗੇ ਅਤੇ ਵੀਰਵਾਰ ਨੂੰ ਪਰਥ ਦੇ ਮੈਟਰੋ ਇਨਰ-ਸਾਊਥ ਜੁਆਇੰਟ ਡਿਵੈਲਪਮੈਂਟ ਅਸੈਸਮੈਂਟ ਪੈਨਲ ਦੁਆਰਾ ਮਨਜ਼ੂਰੀ ਦਿੱਤੀ ਗਈ। ਡਿਵੈਲਪਰਾਂ ਦਾ ਕਹਿਣਾ ਹੈ ਕਿ ਇਹ ਕਾਰਬਨ ਨਕਾਰਾਤਮਕ ਹੋਵੇਗਾ। ਇਸ ਦੀ ਵਰਤੋਂ ਨਾਲ ਜ਼ਿਆਦਾ ਕਾਰਬਨ ਸਟੋਰ ਹੋਵੇਗਾ ਅਤੇ ਇਹ ਰਵਾਇਤੀ ਨਿਰਮਾਣ ਤਰੀਕਿਆਂ ਨਾਲੋਂ ਘੱਟ ਮਾਤਰਾ ਵਿੱਚ ਸਟੀਲ ਅਤੇ ਕੰਕਰੀਟ ਦੇ ਨਾਲ ਹਲਕੇ, ਟਿਕਾਊ, ਨਵਿਆਉਣਯੋਗ ਗਲੂਡ ਲੈਮੀਨੇਟਿਡ ਲੱਕੜ ਅਤੇ ਕਰਾਸ-ਲੈਮੀਨੇਟਿਡ ਲੱਕੜ ਨੂੰ ਜੋੜ ਦੇਵੇਗਾ। ਇਹ ਅਟਲਾਸੀਅਨ ਦੇ ਹਾਈਬ੍ਰਿਡ ਟਿੰਬਰ ਹੈੱਡਕੁਆਰਟਰ ਤੋਂ ਵੀ ਉੱਚਾ ਹੋਵੇਗਾ, ਜੋ ਵਰਤਮਾਨ ਵਿੱਚ ਕੇਂਦਰੀ ਸਿਡਨੀ ਵਿੱਚ ਨਿਰਮਾਣ ਅਧੀਨ ਹੈ, ਜੋ ਕਿ 180 ਮੀਟਰ ਉੱਚਾ ਹੋਵੇਗਾ। ਮੌਜੂਦਾ ਸਮੇਂ ਦੁਨੀਆ ਦੀ ਸਭ ਤੋਂ ਉੱਚੀ ਲੱਕੜ ਦੀ ਇਮਾਰਤ ਅਮਰੀਕਾ ਵਿਖੇ ਅਸੈਂਟ, ਵਿਸਕਾਨਸਿਨ ਵਿੱਚ 25 ਮੰਜ਼ਿਲਾਂ ਦੇ ਨਾਲ 86.6 ਮੀਟਰ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।